Tɔɔɓɛlaa veelɛ 13:7 - Yálá laawoo hɛɓɛ (dc)

⁷ Nuą lɔ lɛɛ Yoakazə yəi a kɔ́ kɔ́ nuą, di kɛ a hoo mɛ̨i nuą, nu pow lɔɔli, kɔ́ wotolo pow, ɛlɛɛ, kɔ́kuláá waa pow. Aramə tɔɔmun aa kɛ gbəliɠaa tii kəlee paa, ə kɛi hiɛ di hu yɛ nu aa kɛi hiɛ muluun gbala hu.

Yálá laawoo hɛɓɛ

⁷ Nuą lɔ lɛɛ Yoakazə yəi a kɔ́ kɔ́ nuą, di kɛ a hoo mɛ̨i nuą, nu pow lɔɔli, kɔ́ wotolo pow, ɛlɛɛ, kɔ́kuláá waa pow. Aramə tɔɔmun aa kɛ gbəliɠaa tii kəlee paa, ə kɛi hiɛ di hu yɛ nu aa kɛi hiɛ muluun gbala hu.

Bible

⁷ Naa è lɛ̀ɛ a guro dí Gâloŋ Zɛoazi ŋɔkɔ-kuluƃa-ŋai kélee páa, dí ŋɔkɔ́-kɔ-sãai kélee su kara. Nyii-ŋai nɔ́ lɛ̀ɛ ǹyêei díkɛ a soo-sia-kpakolo buu lɔ́ɔlu, kɔ́-kɔ-keleŋ puu da kɔ́-kɔ-ƃela wála puu. Kpɛ́ni fêi, Siria kaloŋ è gbéli-ŋai kélee su kàra, é dí kɛ́ yɛ̂ɛ muluŋ à kɛ̀ sí-sãa táŋ lɔii ma.

Tɔɔɓɛlaa veelɛ 13:7 Referans Kwoze

Amɔsə 1:3

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Siri nuą ŋɛ̨i Damasə daai diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, daa Galaadə nuą kpɛŋɛ̨n a kwɛli taŋąn.

Tɔɔɓɛlaa veelɛ 10:32

Nąąlɔwai tii hu, Yai-Laa ə Israɛlə lɔi ta tee mą. Hazaɛlə ə di hon a kɔ́ Israɛlə lɔi ɲɛ̨n gəlee hu.

Azaya 41:2

Dələnmo mun həɠə hvóló kulɔi pələ, gbɛɛ ɓə ɲali bulu, yɛ bənə yɛ ba, yɛ lɔiɠaa pɛlɛ gɔwɔ mu, yɛ tɔɔɓɛlaa pɛlɛ lɔi ɓa, yɛ nwɔ kɔ́ kɔ́ nuą kpulu hu kɛnɛ̨ yɛ munuun gbala, yɛ nwɔ tonwąi tamą, yɛ tulɔ hvaŋą a kɛi dɛ̨ɛ̨ kpoloon daɠa taɠa.

Azaya 36:8

Akɛ hulɔnu ɓaa yɛ́, nwɔ́ mɛ̨nį námu Asiri tɔɔmun paa pɔlɔn dɔɔ! Yá gɛ tii, ŋą́ hoo waa hveelɛ tɛɛ ə́ pɔ; akɛ yá pɛli nuą hɔlɔɓoi, di tɛ gəlee mɛ̨i.

Mąątɛ̨nɛ̨ 18:42

Da kɛ gbóótəli, nu hva pa diɛ, da tómą Yai-Laa pɔ pələ, kɛlaa hva di woo mu hon.

Tɔɔɓɛlaa veelɛ 8:12

Hazaɛlə yɛ Elise ɓa: «Lə ɓə kɛ, yai nwɔ́ mɛ̨nį nąmu kaa wɔlɔi?» Elise yɛ mą: «Mɛ̨nį ɲąąnwąnąąi ə́ kaa pai naai Israɛlə nuą diɛ, ya ka tii ɲɛ̨́i aa tɔɔ ɉu. Ə́ kaa pai di wɔ taa mąąkpɛ hį́iɠaa kəlee lɛɛi nwɔ̨n ɉu, yɛ́ di wɔɔ muhəɠə nįnɛ̨ɠaa kəlee paa a ɓɔwa, yɛ́ di lonnii pɛlɛɛɠaa kiin-giin, yɛ́ gbɔlɔ kulɔ. Yɛ́ di wɔɔ koonɛ̨ąɠaa kwəi ɓɛla.»

Tɔɔɓɛlaa dɔlɔɔ 20:27

Israɛlə nuą kəlee di di ɲąąkpɔn, diɛ li Aramə nuą laakwiɛn ɉii a kɔ́. Israɛlə nuą di di wɔ kɔ́laɠi hee Aramə nuą tənən ma, a gbulu pɛlɛɛ hveelɛ yɛ ɓɛlaaɠaa; ya pa, Aramə nuą daa kɛ nɔi kəlee kpɛɛ mą a di kpulu.

Tɔɔɓɛlaa dɔlɔɔ 20:15

Akabə ə daa kulááɠaa kəlee ɲąąkpɔn, di kɛ a nu nwun veelɛ ɲee haaɓa kɔ́w hveelɛ. Yili pulu, ə Israɛlə nuą kəlee hee kpəlin na kɛ di ɓo a hinąą waa mɛ̨ihveelɛ.

Samuɛlə dɔlɔɔ 13:15

Samuɛlə ə tɛɛ yɛ li, ə həɠə Gilgalə, yɛ li Givea Bɛnɉamɛn lɔi hu. Saulə ə bɔ nuą lono, di ɓo a nu nwun mɛ̨ida ɲɔ̨nwɔ̨mąn.

Samia Veerɛi 22:43

Ŋą́ di mąą pənə a muluun gbala, ŋą́ di hu hunwɔ̨, ŋą́ di tan yɛ pələ mɛ̨i palaya.

Tɔɔɓɛlaa veelɛ 13:8

Yoakazə kɛ mɛ̨nį gbəliɠaa, da mɛ̨nįɠaai kpɔ ə gɛ, gəlee di hvo mɔ̨ɔ̨ pɛ̨ɛ̨ li Israɛlə tɔɔɓɛlaa kɛ mɛ̨nį hɛɓɛ́ hu?

Amɔsə 4:10

Ną́mu Yai-Laa yɛ nwɔ̨nɔ̨ diɛ: Gwəikulɔ ɲɔ̨n ŋɛ̨i ta ŋį́ bɛlɛ Eziptə nuą diɛ, yili ɲɔ̨nwɔ ma mə ŋį́ hvaa mą, ə pɛlɛ kaa, ŋį́ hvaa mą, ka wɔ hilɛlɛaɠaa di lɛɛ kɔ́ hu, di ka wɔ hooɠaa həɠə a kɔ́ pulu hɛn. Nu powa kun yɛ tɛ ɓɛi ka wɔ kɔlaɠaɠaai di kɛ laa. Kɛlaa, pələi mąn ŋį́ gɛ́ la tii, ka hvo gɛ li, ka hvo pənə, ka hvo pa bɔ́. Yai-Laa woo li.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.