Tɔɔɓɛlaa veelɛ 13:4 - Yálá laawoo hɛɓɛ (dc)

⁴ Kɛlaa, Yoakazə ə wɔlɔ Yai-Laa ɓa, Yai-Laa ə nwoo mu hon. Mąąhɔlɔɓo, Israɛlə ə kɛi mɔ̨nɔ̨ mįi, ɛlɛɛ, heei ŋɛ̨i Aramə nuą di mo di mɛ̨i, Yai-Laa ə yili nąą kaa.

Yálá laawoo hɛɓɛ

⁴ Kɛlaa, Yoakazə ə wɔlɔ Yai-Laa ɓa, Yai-Laa ə nwoo mu hon. Mąąhɔlɔɓo, Israɛlə ə kɛi mɔ̨nɔ̨ mįi, ɛlɛɛ, heei ŋɛ̨i Aramə nuą di mo di mɛ̨i, Yai-Laa ə yili nąą kaa.

Bible

⁴ Zɛoazi è Yâwɛɛ fɛ̀li kpɔŋ-maa mɛni ma, ǹyaŋ Yâwɛɛ è berei kâa Gâloŋ Azae è kɛ̀ Eezuɛ-ŋai sonîi la a nyɔ́mɔɔi. È Zɛoazi ŋɔfɛli-wooi mɛ̀ni é zu tòo

Tɔɔɓɛlaa veelɛ 13:4 Referans Kwoze

Tɔɔɓɛlaa veelɛ 14:26

Nwumɛ̨ mɛ̨nį ɲąąnwąnąąi Israɛlə ə kɛ ɉu, Yai-Laa ə nąą kaa, nu ta lɔpee hvo hɔlɔɓo, yɛ pɛli kpɔnmąą tɛɛi Israɛlə nuą pɔ, yɛ ə kɛ a luwɔ-oo, yɛ kɛ a kaa lon, nu ta hvo hɔlɔɓo a Israɛlə kulɔ ɉu mun.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Mąątɛ̨nɛ̨ 78:34

Yálá a kɛi di paa ti, di kɛi gwɛli, diɛ di hɔn mąąpənə, diɛ tinɛ̨n bɔ pələ.

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Lonon mo 21:7

Nuą di pa Moisə pɔ diɛ mą: «Kwaa nɛ̨ŋɛ̨n ɉəɠə Yai-Laa ɓa, a ka yaa ka laa pələ́ ɲɔ̨nwɔ̨ɔ̨i ku moi. Ku mąą nɛ̨ɛ̨mąą hvə Yai-Laa ɓa, ə gaalə huwui ŋɛ̨i mąą kwɛa kuɔ.» Moisə ə nuą mąą nɛ̨ɛ̨mą hvə Yai-Laa ɓa.

Lɛɛ gbɔwɔ ɓa 3:9

Yii hu, yii kɛa Israɛlə lonnii wɔlɔ woo aa too nwə́lii, mɔ̨nɔ̨i Eziptə nuą kaa naai diɛ, ŋą́ą́ gaa;

Zɛnɛse 21:17

Yálá ə lɛɛ yələi ə nokoloi tii wɔlɔ woo mɛ̨n ə nwɔ malaka tɔ̨nɔ̨ tɔɔ, yili ə Hagarə təli, yɛ mą: «Hagarə, lə ɓə kɛ yɛ́? Hvo ɲɔw, Yálá aa nokoloi ŋɛ̨i wɔlɔ woo mɛ̨n.

Ɉeremi 2:27

Da kɛ wulu ɓa: «Ku nąn maa yɛ́!» Diɛ kɛ kwɛni ɓa: «Yɛ ɓə ku kulɔ yɛnɛ̨ɛ̨!» Ɲą́ą́ ŋɛ̨i nwɛi, di kpowolo la ɓə da ɉee mą́ą́, di hvo di ɲɛ̨i heei mą́ą́. Kɛlaa, yaa lɔ ɓaa mąąwɛli mɛ̨nį a həli diɛ, di woo laa mą́ą́: «Əkə! Nan! Ə muhəɠə, ə́ ku ɓalo!»

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Tɔɔɓɛlaa veelɛ 13:22

Aramə tɔɔmun Hazaɛlə ə hee Israɛlə nuą mɛ̨i Yoakazə nwɔ yɛnɛ̨ɛ̨ kəlee hu.

Nwun mąąɓo 10:10

Di nɛɛ mą di di woo tɛ Yai-Laa ɓa, diɛ mą: «Yai-Laa kpɔnmąą tɛɛ ku pɔ, kwaa nɛ̨nŋɛ̨n ɉəɠə yɛ́, mąąhɔlɔɓo, kwaa ku pulu tɔɔ yɛ́, yɛ́i ə́ kaa a ku wɔ Yálá, kuɔ ə́ lɛɛ, kuɔ kwɛli hvilɛn Baaləɠaa diɛ.»

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Tɔɔɓɛlaa veelɛ 13:23

Kɛlaa, Yai-Laa ə Israɛlə nuą ɲɛ̨imąąwɛli kaa, ə ɲɛ̨i lɛlɛɛ hee diɛ, mįnɛ̨ da Abrahamə, Isaakə, Ɉakɔbə ni di ɉəɠə mąą mɛ̨nį ɓa; hvo kɛ bɔ di huwu hvo kpɛɛ, hvo di pili ɲɛ̨ipulu.

Ɛsdrasə 8:23

Ku nɛɛ mą ku hin nɔ, ku Yálá hvɛli mɛ̨nįi tii hu, yaan ə ku woo ŋąąpənə.

Zôo 22:27

Yá kɛi vɛli, a ə́ woo mu hon, yii lɔ mąąnɛ̨ɛ̨ ə́ gɛ, ya ɓaa ə́ ə́ woo pɔ mɛ̨nį kɛ.