Tɔɔɓɛlaa veelɛ 13:21 - Yálá laawoo hɛɓɛ (dc)

²¹ Yələ ta, nuą di kɛi li nu ta looi, nąąlɔwai, di doomɛ̨i kɛ nuą kpulu tii ta kaa laa, di nui tii lɔ a mąąhulaa Elise kámą hu, di tɛɛ diɛ li. Nu powai tii ə hee lɔ Elise kɔ́wɠaa diɛ, ə pənə ə kɛ a vulú, ɛlɛɛ, ə mu həɠə ə tɔɔ.

Yálá laawoo hɛɓɛ

²¹ Yələ ta, nuą di kɛi li nu ta looi, nąąlɔwai, di doomɛ̨i kɛ nuą kpulu tii ta kaa laa, di nui tii lɔ a mąąhulaa Elise kámą hu, di tɛɛ diɛ li. Nu powai tii ə hee lɔ Elise kɔ́wɠaa diɛ, ə pənə ə kɛ a vulú, ɛlɛɛ, ə mu həɠə ə tɔɔ.

Bible

²¹ Tãi tɔnɔ da, Eezuɛ-ŋai da-ni dí kɛ̀ ƃolôŋ lá nalôŋ tɔnɔ poma loo mɛni ma. Dí kɛ́ɛ molôŋ lai, dí Môa-ƃelai dí kɔ-kuluƃa sɔŋ nyɔ́mɔɔ-ŋai da-ŋa kàa ŋɔ́nɔ pâi. Dí nalôŋ poma tôo gɔni ƃôloŋ su a maa félaa ƃɛ́i dí wɔ́lɔ Ilasa lòo naai dí pú. Tãi nalôŋ poma è tòo la m̀olôŋ su é lɛ́ɛ Ilasa káo mai, nalôŋ è kɛ̀ pôlu a vúlu, é mu siɣe é tɔ́ɔ.

Tɔɔɓɛlaa veelɛ 13:21 Referans Kwoze

Gɛlaɠaa 19:12

Gɛ pələi tii, nuą di kɛli kpɔ ɓɔlɔɠaa da həɠə-ɓɛlaɠaai kɛ daa túnwɔ̨n Polə kɔlɔ ɓa, ɉəɠə, diɛ di pɛlɛ ɲɔ̨n-gɛ-nuą mɛ̨i, di kɔ́lɔi yɛ pono, ɲįnɛ̨nŋaa diɛ həɠə daɠaa pulu.

Gɛlaɠaa 5:15

Di kɛi pa a ɲɔ̨n gɛ nuą tamąą diɛ di laa bələ kwɛlɛ, ə gɛ, ɓɛlɔwai Piɛrə aa kɛi pa tɛɛi la, nįnįn ə hee kpɛli mąn di ta ɓa.

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Tɔɔɓɛlaa veelɛ 4:35

Yili pulu, Elise ə həɠə gbin ŋą, ə hvilɛn yɛ tɛɛ tɛɛ ɓo bɛlɛ́n, ə pənə ə tɛ, ə pɛlɛ nokoloi mɛ̨i. Ə kɛ lɔ tii, nokoloi ə tíhoo haɠa gee mɛ̨i mɛ̨ihveelɛ, ə ɲɛ̨i həɠə mą.

M̀ɛni-lɛɛi 11:11

Kɛlaa, voló haaɓa da gbulɔi tii a kulɔ ɉu, yɛnɛ̨ɛ̨ kɛ hvaŋą a həɠə Yálá-taa ə pu diɛ, ɛlɛɛ, di haŋąn di tɔɔ. A kɛ lɔ tii, nuąi kɛli di kaa, ɲɔw kɛnɛ̨ ta a di hon.

Ɉaan 11:44

Nu powa tii ə kulɔ gámąi, noo həɠəɠaa kəlee yilɛɛ nii ma. Ɲɛ̨i yilɛɛ a həɠə ɓɛla. Jesus yɛ nuą diɛ: «Ka volón ka nɛɛ laa ə li.»

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Tɔɔɓɛlaa veelɛ 13:22

Aramə tɔɔmun Hazaɛlə ə hee Israɛlə nuą mɛ̨i Yoakazə nwɔ yɛnɛ̨ɛ̨ kəlee hu.