Tɔɔɓɛlaa veelɛ 12:6 - Yálá laawoo hɛɓɛ (dc)

⁶ ɉaláá laa həli nuą da ɉəɠə a di wɔɔ, di kɔ́lɔn mun ɲəi, kɛlaa, ɓɛi lɔpee Yai-Laa nwɔ pɛ́lɛ́i aa kala laa, da nąą pɛli.»

Yálá laawoo hɛɓɛ

⁶ ɉaláá laa həli nuą da ɉəɠə a di wɔɔ, di kɔ́lɔn mun ɲəi, kɛlaa, ɓɛi lɔpee Yai-Laa nwɔ pɛ́lɛ́i aa kala laa, da nąą pɛli.»

Bible

⁶ Kɛ́lɛ é síɣe tãi tí ma é tóo Zoasi ŋɔkâloŋ-laa koraŋ buu feerɛ káo saaƃai ma, zâla láa-soŋ-ƃelai dífe pɛlɛ ní ŋâla-pɛrɛ kɛ́tɛi kpɛtɛ tîi ma.

Tɔɔɓɛlaa veelɛ 12:6 Referans Kwoze

Piɛrə dɔlɔɔ 5:2

'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Filipə 2:21

Yiiɠaai ti kəlee, di kpɔɔ mɛ̨nį lɔ ɓə da niihɛlɛn Ɉee; di hva di kiliŋąhiɛ Jesus Kristə mąą mɛ̨nį ɓa.

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Kɔlɔnikɔ Veerɛi 29:34

Yɛ bələi ɉaláá laa həli nuą di hvo kɛ tamą li la, di hvo ɉaláái da gəlee kələn, di hvo gəlee kɔ́lɔɓo, di kaayɔwɔɠaa a Levi lonnii di kpɔnmąą tɛɛ di pɔ, ə lɛɛ la ɉu di goló laa kulɔ, ɉaláá laa həli nuą kpɛa-kpɛaa di di mąąhəɠə. Levi lonnii di di mąąhulɔ di mąąhəɠə mɛ̨nį hu ə tɛɛ la ɉaláá laa həli nuą kpɛa-kpɛaa diɛ.

Tɔɔɓɛlaa veelɛ 12:5

Ɉoasə ə ɉaláá laa həli nuą təli yɛ diɛ: «Nwalii kpɔ da paa la Yai-Laa yəi bɛlɛ́n a Yálá kɔ́ hɛn, da nįįhɔ̨nwɔ̨i nu tɛitɛi ə kɛi gulɔ yɛ bələi ɲee pɛli mąą mɛ̨nį kaa la, nwalii kpɔ nwɔ̨nɔ̨ nu tɛitɛi a paa la Yai-Laa yəi bɛlɛ́n a naa gwəi mɛ̨inɛ̨ɛ̨,

Tɔɔɓɛlaa veelɛ 12:7

Kɛlaa, Ɉoasə nwɔ tɔɔlaa gwɛlan bow hveelɛ kɔ́w haaɓa lɔwai, ɉaláá laa həli nuą di hvo ni kɛ Yai-Laa nwɔ pɛlɛ́i nąą ta pɛlii.

Kɔlɔnikɔ Veerɛi 24:5

Ə nɛɛmą ə ɉaláá laa həli nuą kpɛa-kpɛaa da Levi lonnii di ɲąąkpɔn, yɛ diɛ: «'Ka li Ɉuda taaɠaa hu, ka wali həɠə Israɛlə lonŋąą kəlee yəi, 'ka paa la, əgɛ, kaa Yai-Laa ŋą pɛlɛ́i pɛli la kwɛlan dɛitɛi kəlee yee mu. 'Ka ká mąąhulɔ golói tii hu.» Kɛlaa Levi lonnii di mɛ̨nįɠaa tii too di kɔ́wɔ pɔ.