Tɔɔɓɛlaa veelɛ 11:11 - Yálá laawoo hɛɓɛ (dc)

¹¹ Gulááɠaa tii kəlee di wɔ kɔ́ kɔ́ hɛnŋąą ə kɛ di yəi, di ɓo tɔɔni ɉaláá kulɔi kwɛlɛ, di bɛlɛ́ mąątínɛ̨n, tɔɔmun ə lɛɛ di hąąi.

Yálá laawoo hɛɓɛ

¹¹ Gulááɠaa tii kəlee di wɔ kɔ́ kɔ́ hɛnŋąą ə kɛ di yəi, di ɓo tɔɔni ɉaláá kulɔi kwɛlɛ, di bɛlɛ́ mąątínɛ̨n, tɔɔmun ə lɛɛ di hąąi.

Bible

¹¹ Gɔ́-kuluƃa-ŋai mɛi-ƃelai dí gɔ́-kɔ-sãai sìɣe dí dɛ́ɛ díyee-mu-ƃelai pɔ́. Gɔ́-kuluƃa-ŋai dí tìnaŋ ŋâla-pɛrɛ kɛ́tɛi ma da ŋ̀âla-teƃelei dí ǹyée tóo gîei díkɛ gâloŋ ninai Zoasi maa kpɛ̂ m̀éla kélee ma.

Tɔɔɓɛlaa veelɛ 11:11 Referans Kwoze

Lukə 11:51

Ə həɠə Abɛlə ɓa, ə həli la Zakari ɓa, yai di baa Yálá hee pɛlɛ́ mu, ɉaláá kulɔi da gɛɛnąą mąąhəɠɛɛ di lɔwai. A tɛ̨ą kpɔ-kpɔ gáá moi kaa, gəlee wulu kaa lɛɛi háákələi nuą nwuɔ̨.

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Izikiɛ 8:16

Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Kɔlɔnikɔ Veerɛi 6:12

Salomɔn ə kɛ tɔɔni Yai-Laa nwɔ haláá kulɔi lííla, Israɛlə nu kpɔn gəlee ɲɛ̨itɔwɔ; ə ɲee haɠan.

Tɔɔɓɛlaa veelɛ 11:10

Yohoyada ə tɔɔmun Davidə nwɔ kpalaɠaai da gɔ́ kɔ́ kwɛli hɛnŋaai kɛ Yai-Laa yəi bɛlɛ́n, ŋąąkwɛlɛ gulááɠaa diɛ.

Tɔɔɓɛlaa veelɛ 11:8

Ka ka pai tɔɔi ka tɔɔmun mąątínɛ̨n ka doo gee hu, nu kəlee nwɔ kɔ́ kɔ́ kwɛli hɛn ə ɓo ɲee ŋą, nui lɔpee pai kɛi ə tɛɛ kaa a huwalawalalaa, ka baa. Ka kɛ tɔɔmun bulu, ɓɛi lɔpee a kɛi li laa.»

Lɛɛ gbɔwɔ ɓa 40:6

Ɉaláá hɛn da gəlee kələn nwɔ taɓali, ə́ vilɛn gee kaa kələ laaləi ɲɛ̨i tɔwɔ.

Tɔɔɓɛlaa veelɛ 11:12

Nąąlɔwai Yehoyada ə pa a tɔɔmun, ə dɔɔ ɓɔlɔ lɔ nwuɔ̨, di dɔɔmun mąąyili hɛnŋąą kɛ mą, di ɉee a tɔɔmun, diɛ di yee lɔwa mą, diɛ kɛ diɛ: «Tɔɔmun ɲíi ə kwɛa!»