Tɔɔɓɛlaa veelɛ 11:1 - Yálá laawoo hɛɓɛ (dc)

¹ Yii kɛa Akaziasə nee Atali ə gɔlɔn yɛ non aa haa, ə gɔwɔ tɔɔ yɛ dɔɔ kwəlii lɛapɛlɛɛ kəlee paa.

Yálá laawoo hɛɓɛ

¹ Yii kɛa Akaziasə nee Atali ə gɔlɔn yɛ non aa haa, ə gɔwɔ tɔɔ yɛ dɔɔ kwəlii lɛapɛlɛɛ kəlee paa.

Bible

¹ Tãi kpɔ́ nɔ́ Gâloŋ Aɣazia ǹee Atalia è mɛ̀ni la a gɛɛ daâ ǹóŋ páai, è gâloŋ ŋɔkáayɔɔ-ŋai kélee pàa dí ta fa lâa lɛɛ la bɔ́ɔ ŋá a kâloŋ.

Tɔɔɓɛlaa veelɛ 11:1 Referans Kwoze

Ɉeremi 41:1

Ɲąnin mɛ̨ihveelɛnąą, Elisama lon Netania non Yismaɛlə, ŋɛ̨i kɛ a tɔɔmun ɉuwu, ə ɓo a tɔɔmun nwɔ kalanɉon gɛnɛ̨ ta; ə pa Ahikamə lon Gedaliasə pɔ Mispa, nu pow hvilɛnŋąą kɛ bɔ. Di lɛɛ kɔ̨nɔ̨n mįi da diɛni Mispa,

Tɔɔɓɛlaa veelɛ 25:25

Kɛlaa, ɲąnin mɛ̨ihveelɛ lɔwai, Elisama yai kɛ a dɔɔ kwəlii mun da, mąnįn Yismaɛlə yaai a Netania lon, da nu pow di pa di Gedaliasə paa, ə mą kɛ, da Ɉuda nuą, da Kalde nuąi da diɛni da kɛ Mispa daai.

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Kɔlɔnikɔ Veerɛi 24:7

Hvó gaai, nɛ̨ŋɛ̨n nowo Atali da nonnii, daa Yálá ŋą pɛlɛ́i lɛɛ laa aa kala, ɛlɛɛ mun, daa Yai-Laa yəi bɛlɛ́n ɉɛnɲąŋą mąąhəɠɛɛɠaa həɠə, diɛ Baalə haliɠaa mąą mɛ̨nį kɛ ɉu.»

Tɔɔɓɛlaa veelɛ 9:27

Yili nąą kaai Ɉuda tɔɔmun Akaziasə ə mo, ə tɛɛ a gilɛ, ə li Bɛtə-Gan pələ. Kɛlaa, Ɉehu ə hvilɛn bulu, yɛ diɛ: Ka yaa kpɛli mąn baa! Di Akaziasə lɛɛ nwɔ wotoloi hu di ɉaɠa Gurə yee ɓa Yivleamə kwɛlɛ. Ə pa Megido, ə haa laa.

Tɔɔɓɛlaa veelɛ 8:26

Akaziasə kaa kwɛlan ə kɛ pow hveelɛ kɔ́w hveelɛ, yɛ tɔɔlaa hɔlɔɓo. Ə tɔɔlaa kɛ a kwɛlan dɔ̨nɔ̨ Ɉerusalɛmə. Akaziasə nee laa ɓa kɛ a Atali, yai kɛ a Israɛlə tɔɔmun Omri lon nɛ̨ɛ̨nu.

Maafîu 2:13

Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Nwun mąąɓo 9:5

Da diɛni, də li nąn ɲəi bɛlɛ́n Ofra, ə nąn nonnii pow mɛ̨ihveelɛi tii kəlee nwun dee kwɛni tɔ̨nɔ̨ mɛ̨i, ə lɛɛ lɔ a Yotamə yaa tɔ̨nɔ̨, yai kɛ a nąn nonnii nogolo laa mun, mąąhɔlɔɓo, yili ə noo.

Tɔɔɓɛlaa dɔlɔɔ 2:44

Yili pulu, tɔɔmun yɛ Simei ɓa: «Mɛ̨nį ɲɔ̨n kpɔ ə́ gɛ a ną́n Davidə, gbaɠala kaa yɛ́, ə́ kwəi ɓə a gɛla. Ə́ wɔ nwąnąlɔ túwɔi tii ə́ mo, nwulu a lɛɛ ə́ nwuɔ̨.

Tɔɔɓɛlaa veelɛ 10:7

Yii lɔ ɉɛɓɛ́ ə həli diɛ, di nɛɛ mą di tɔɔmun lon ɉinąą pow mɛ̨ihveelɛ tii hon, di di nwun dee di ŋą, di di nwun ganinŋaa pu kpɔlɔɠaa hu, diɛ li la Ɉehu pɔ Izreɛlə daai.

Tɔɔɓɛlaa veelɛ 10:36

Gwɛlan Ɉehu ə gɛ dɔɔlaa hu Samari, ə kɛ a kwɛlan bow hveelɛ kɔ́w mɛ̨ihaaɓa.

Zɛnɛse 9:5

Yii hvilɛn na ka ɲąmą mąą mɛ̨nį ɓa, ka tinąą yili gwɛlan mo kɛ mą́ą́. Huwɔi a nu paa, mąą huwɔi a tinąą nui tii ə ɓaa, ɲąmą gwɛlan mo kɛ. Pələ lɔ ɓə a tinąą kɛ la, nui a mɛlan baa, mąą mɛ̨nį hu. Kwɛlanmo kaa tinąą laa, nu nįį mąą mɛ̨nį ɓa.

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Tɔɔɓɛlaa dɔlɔɔ 1:12

Yii hu, gáá liɛwoo ta kɛi yɛ́, ə gɛ, ə́ ə́ nwun mąąkɔ̨nwɔ̨, ə mą kɛ ə́ lon Salomɔn.

Tɔɔɓɛlaa veelɛ 12:1

Ɉoasə kaa kwɛlan ə kɛ mɛ̨ihveelɛ, yɛ dɔɔlaa hɔlɔɓo.