Tɔɔɓɛlaa veelɛ 10:30 - Yálá laawoo hɛɓɛ (dc)

³⁰ Yai-Laa yɛ Ɉehu ɓa: «Yáá túwɔ́ a nɛlɛɛ, mɛ̨nįi ɉaŋąą ɲɛ̨́i ɓa, yáá gɛ, yáá Akabə nwɔ pɛ́lɛ́i kɛ kpɔlɔɔ yɛ bələi ŋą́ mo la. Yili mąą mɛ̨nį ɓa, ə́ kwəi lonnii, ə həɠə yiihu ɓa, ə həli la mąnįn bulu mąnįn nąąn nąą ɓa, diɛ ɓə pai kɛi heei Israɛlə dɔɔkpəlin ɉu.»

Yálá laawoo hɛɓɛ

³⁰ Yai-Laa yɛ Ɉehu ɓa: «Yáá túwɔ́ a nɛlɛɛ, mɛ̨nįi ɉaŋąą ɲɛ̨́i ɓa, yáá gɛ, yáá Akabə nwɔ pɛ́lɛ́i kɛ kpɔlɔɔ yɛ bələi ŋą́ mo la. Yili mąą mɛ̨nį ɓa, ə́ kwəi lonnii, ə həɠə yiihu ɓa, ə həli la mąnįn bulu mąnįn nąąn nąą ɓa, diɛ ɓə pai kɛi heei Israɛlə dɔɔkpəlin ɉu.»

Bible

³⁰ Ǹaa pôlu ma, Yâwɛɛ è mò Zewu ma ǹyɛɛi, “Zewu, í mɛni lɛ́lɛɛ kɛ̀ a Eɣa ŋɔsuui su-ƃelai kélee paa nɔ́ yɛ̂ɛ berei ŋá mò la yâi. Mɛni ma, ŋa pâi gɛ̂i a gɛɛ Eezuɛ kaloŋ-ŋai zeei náaŋ da pâi kulâi íkaa-laai su-ƃelai sáma é síɣe ílonîi dîa é tóo dîwɔ-lonii dîa, é tóo díwɔlôii-lonii da díwɔ-lonii dîa.”

Tɔɔɓɛlaa veelɛ 10:30 Referans Kwoze

Tɔɔɓɛlaa veelɛ 10:35

Ɉehu ə laa nąnni kwɛlɛ, di bowa loo Samari. Non Yoakazə ə hee a dɔɔmun a nąn mąąhvalin.

Tɔɔɓɛlaa veelɛ 13:1

Ɉuda tɔɔmun Ɉoasə, Akaziasə lon, nwɔ tɔɔlaa gwɛlan bow hveelɛ kɔ́w haaɓa lɔwai ɓə Ɉehu lon Yoakazə ə tɔɔlaa hɔlɔɓo la Israɛlə lɔi nwun na Samari. Ə kwɛlan bow kɔ́w mɛ̨ihveelɛ kɛ dɔɔlaa hu.

Tɔɔɓɛlaa veelɛ 14:23

Ɉoasə lon Amasiasə yai kɛ a Ɉuda tɔɔmun, nwɔ tɔɔlaa gwɛlan bow kɔ́w lɔɔli lɔwai ɓə Ɉoasə lon Ɉeroboamə ə kɛ la a tɔɔmun Samari daai, ə tɔɔlaa kɛ a kwɛlan bow nąąn kɔ́w tɔ̨nɔ̨.

Tɔɔɓɛlaa veelɛ 13:10

Ɉuda tɔɔmun Ɉoasə nwɔ tɔɔlaa gwɛlan bow kɔ́w mɛ̨ihveelɛ lɔwai, Yoakazə lon Ɉoasə ə tɔɔlaa hɔlɔɓo Israɛlə lɔi hu Samari, ə dɔɔlaa kɛ a kwɛlan bow kɔ́w mɛ̨ida.

Osia 1:4

Yai-Laa yɛ Ose ɓa: «Naa hee a Izreɛlə, mąąhɔlɔɓo ɉu hvo kɛa kwɛali, gáá pai Ɉehu nwɔ pɛlɛ́i mąąnikɛi Izreɛlə ɲąmą mąą mɛ̨nį ɓa. Ɛlɛɛ gáá pai Israɛlə tɔɔlaa kpɛɛi.

Tɔɔɓɛlaa dɔlɔɔ 21:29

«Yáá Akabə kaa, aa nwɔ túwɔ́ pələ ɲɔ̨nŋąą mąą liihɛlɛn ɉee ɲɛ̨́i ɓa. Yili ɓa, ɓɛlɔwai gaa ni la yɛnɛ̨ɛ̨, və́ pai mɛ̨nį ɲąąnwąnąąɠaa tii laai mą. Kɛlaa, non nwɔ tɔɔlaa lɔwai ɓə gaa pai mɛ̨nįɠaa tii laai la Akabə nwɔ pɛ́lɛ́i ɓa.»

Tɔɔɓɛlaa dɔlɔɔ 21:22

Gáá pai ə́ wɔ pɛ́lɛ́i kɛi yɛ bələi ŋą́ Nevatə lon Ɉeroboamə nwɛi lɛɛ la, ŋą́ gɛ yɛ bələi ŋą́ Ahiya lon Baesa nwɛi kɛ la. Gáá yili laai yɛ́ dúwɔ́ pələ ɲɔ̨n ə́ gulɔ mąą mɛ̨nį ɓa; ɛlɛɛ da Israɛlə tooi ə mo nɛ̨ŋɛ̨n ɉu.»

Tɔɔɓɛlaa dɔlɔɔ 20:42

Yili yɛ mą: «Mɛ̨nįi Yai-Laa ə mo ya ka: Yii nui ŋɛ̨i ŋą́ doo ə́ yəi, gɛ́ ə́ baa, yáá nɛɛ laa, yɛ́ ɓə ə́ kaa lɛɛi a nąą hɛn, nwɔ nuąi kɛi pa haai, di mąąhvalin maa ə́ wɔɔ nuąi.»

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Tɔɔɓɛlaa veelɛ 14:29

Ɉeroboamə ə laa nąnni kwɛlɛ, non Zakari ə hee tɔɔmun a nąn mąąhvalin.