Tɔɔɓɛlaa veelɛ 10:29 - Yálá laawoo hɛɓɛ (dc)

²⁹ Kɛlaa, Nevatə lon Ɉeroboamə, nɛ̨ŋɛ̨n ŋɛ̨i ə Israɛlə yee lɔ ɉu, Ɉehu hvo həɠə yiliɠaa pulu; ya ɓaa: Nįŋɛ̨ lonŋaai di bɛli a hɛni Betɛlə da Dan, hvo di kala li.

Yálá laawoo hɛɓɛ

²⁹ Kɛlaa, Nevatə lon Ɉeroboamə, nɛ̨ŋɛ̨n ŋɛ̨i ə Israɛlə yee lɔ ɉu, Ɉehu hvo həɠə yiliɠaa pulu; ya ɓaa: Nįŋɛ̨ lonŋaai di bɛli a hɛni Betɛlə da Dan, hvo di kala li.

Bible

²⁹ Kɛ́lɛ Zewu fé ǹûai kpera ní gôo niŋa-loŋ-ŋai fɛliɛɛ ma nyii-ŋai Gâloŋ Zɛroboaŋ è gbɛ̀tɛ a gɛɛ ǹûai díkɛ vɛlii Bɛtɛi da Daŋ.

Tɔɔɓɛlaa veelɛ 10:29 Referans Kwoze

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Tɔɔɓɛlaa veelɛ 17:22

Nɛ̨ŋɛ̨nŋaa kpɔ Ɉeroboamə ə ɉəɠə, Israɛlə lonnii di hvilɛn gəlee pulu, di hvo dai lɔpee mąąlaa.

Tɔɔɓɛlaa veelɛ 15:28

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa; nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, hvo həɠə bulu.

Tɔɔɓɛlaa veelɛ 15:24

Pekahia ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, hvo dɔ̨nɔ̨ kpɛli mąąlaa.

Tɔɔɓɛlaa veelɛ 15:18

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə ɲee lɔ ɉu yɛ gɛ nwɔ yɛnɛ̨ɛ̨ kəlee yee mu, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, hvo dɔ̨nɔ̨ kpɛli mąąlaa.

Tɔɔɓɛlaa veelɛ 15:9

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa, yɛ bələi galaɓɔlɔ ni di gɛ la. Nɛ̨ŋɛ̨n Nevatə lon Ɉeroboamə ə Israɛlə nuą yee lɔ ɉu, hvo həɠə bulu.

Tɔɔɓɛlaa veelɛ 14:24

Ə túwɔ́ kpɔ a ɲɔ̨nwɔ̨ɔ̨ Yai-Laa ɲɛ̨i ɓa; nɛ̨ŋɛ̨n kpɔ Nevatə lon Ɉeroboamə ə Israɛlə nuą yee lɔ ɉu, hvo dɔ̨nɔ̨ kpɛli mąąlaa.

Tɔɔɓɛlaa veelɛ 13:11

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa. Nɛ̨ŋɛ̨n Nevatə lon Ɉeroboamə ə Israɛlə nuą yee lɔ ɉu, hvo həɠə dai lɔpee pulu, ə kanąn diɛ.

Tɔɔɓɛlaa veelɛ 13:2

Yoakazə ə túwɔ́ kpɔ a ɲɔ̨nwɔ̨ɔ̨ Yai-Laa ɲɛ̨i ɓa, nɛ̨ŋɛ̨n Nevatə lon Ɉeroboamə ə Israɛlə nuą yee lɔ ɉu, yaa kpɛli ə hvilɛn yili pulu yɛ gɛ.

Samuɛlə dɔlɔɔ 2:24

Ka kpɛla mą nónnii, mɛ̨nįi Yai-Laa nwɔ nu huwui kaa Lɛa mo a ka laa hvo kpɔ lɛlɛ li.

Lɛɛ gbɔwɔ ɓa 32:21

Moisə yɛ Aarɔn ɓa: «Lə ɓə nuą ŋɛ̨i di gɛ a yɛ́, yaai ə́ di yee lɔ nɛ̨ŋɛ̨n gɛnɛ̨i ŋɛ̨i hu?»

Lɛɛ gbɔwɔ ɓa 32:4

Aarɔn ə ɉon di yəi, ə bɛli a nįŋɛ̨ lon mąą nįnįn. Nąąlɔwai, nuą diɛ kɛa kɛ diɛ: «Israɛlə ka gu wɔ yálái ka; yai gu kulɔ Eziptə lɔi hu.»

Zɛnɛse 20:9

Abimelɛkə ə Abrahamə təli, ə mąąnikɛ, yɛ mą: «Túwɔ́ ləi ɓə ŋɛ̨i ə́ mo a kuɔi? Lə mɛ̨nį ɓə ŋį́ gɛ a yɛ́ a ɲɔ̨nwɔ̨ɔ̨, yaai ə́ kɛ bɔ, ə́ ɲą́ą́ kwa nwɔ́ lɔi hu nuą kəlee, ku kɛ a mɛ̨nį ɲɔ̨n gɛnɛ̨ kɛ nuą? Pələi tii ə́ gɛ la a ɲą́ą́, nu hva túwɔ́ tii.

Tɔɔɓɛlaa veelɛ 10:28

Bələ ɓə Ɉehu ə Baalə mɛ̨nį kpɛɛ la Israɛlə lɔi hu.

Tɔɔɓɛlaa veelɛ 10:31

Kɛlaa, Ɉehu hvo tɔɔ a nwąnąąi hvo hiɛ a Yai-Laa Israɛlə nwɔ Yálá nwɔ tɔ́n nwooɠaai kpaalə. Nɛ̨ŋɛ̨nŋaai Ɉeroboamə ə Israɛlə yee lɔ ɉu, hvo həɠə di pulu.

Izikiɛ 23:8

Ə nwɛli mɛ̨nįi ti kpalatɔɔ Eziptə lɔi hu; a ɓɛlɔwai da yaa di kɛi laa la, ə ɓo nii a nɛ̨ɛ̨non; ɓɛlɔwai di kɛi ɲįnį hon na, diɛ pɛli wɛli pələ kəlee kəi la. Ɲee ə kɛ lɔ nwɛli honŋąąi ti hu.

Tɔɔɓɛlaa veelɛ 3:3

Kɛlaa yaamun, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, Yoramə ə lɛɛ a ganąŋąą nɛ̨ŋɛ̨n tii ɓa, hvo kpɔ bulu tɔɔ mą.