Tɔɔɓɛlaa veelɛ 10:11 - Yálá laawoo hɛɓɛ (dc)

¹¹ Nuąi kpɔ kɛ a Akabə yəi bɛlɛ́n nuą, da nwɔ nu laa pələi nuą, Ɉehu ə gəlee paa Izreɛlə kpɔ kpai, hvo dɔ̨nɔ̨ kpɛli lɛɛ, ə mą kɛ nwɔ haláá laa həli nuą kpɛa kpɛaa.

Yálá laawoo hɛɓɛ

¹¹ Nuąi kpɔ kɛ a Akabə yəi bɛlɛ́n nuą, da nwɔ nu laa pələi nuą, Ɉehu ə gəlee paa Izreɛlə kpɔ kpai, hvo dɔ̨nɔ̨ kpɛli lɛɛ, ə mą kɛ nwɔ haláá laa həli nuą kpɛa kpɛaa.

Bible

¹¹ Nya ƃe Zewu è Eɣa ŋɔsuui-su-ƃelai kélee pàa nyii-ŋai kɛ̀ Zariɛɛ, ŋɔgɔmɛnɛ-ƃela kpaya-kpayai kélee, ŋɔsâla láa-soŋ-ƃelai da ŋɔwɛli kɛ-maa-ƃela lɛ́lɛɛ-ŋai kélee. Eɣa ŋɔkáa-laai su-ƃelai dɔnɔ kpîŋ fé lɛɛ ní ɣele ma a vúlu.

Tɔɔɓɛlaa veelɛ 10:11 Referans Kwoze

Zôo 18:19

Ɉuwu ta hva kpɛli lɛɛ nwɔ nuą lɔwai. Nu ta hva lɛɛ ɲəi bɛlɛ́n a vulu.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Osia 1:4

Yai-Laa yɛ Ose ɓa: «Naa hee a Izreɛlə, mąąhɔlɔɓo ɉu hvo kɛa kwɛali, gáá pai Ɉehu nwɔ pɛlɛ́i mąąnikɛi Izreɛlə ɲąmą mąą mɛ̨nį ɓa. Ɛlɛɛ gáá pai Israɛlə tɔɔlaa kpɛɛi.

Hanwon 13:20

Nui a hvilɛn kilimąą nuą pɔ, a kɛ a kilimąą mun, nui a kanąn kilikpɛɛgwəi nuą diɛ, a ɉu mɔ̨nɔ̨ mįi.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 109:13

Ɉuwu ə pu, di laa ə kpɛɛ yɛnɛ̨ɛ̨.

Tɔɔɓɛlaa veelɛ 23:20

Nuąi kɛ a haláá laa həli nuą di wɔ haláá kulɔiɠaa tii ɓa, Ɉosiasə ə gəlee paa laa, ə nu kɔ́wɠaa kələn nąą, yili pulu ə pənə ə pa Ɉerusalɛmə daai.

Tɔɔɓɛlaa dɔlɔɔ 22:6

Israɛlə tɔɔmun ə Yálá kwəi mɛ̨nį hukulɔ nuą ŋąąkpɔn, diɛ ɓo a nu nwun nąąn ɲɔ̨nwɔ̨mą; ə di mąąnin gɛ, yɛ diɛ: «Akɛti, mąąnɛ̨ɛ̨ ŋą́ li ŋą́ kɔ́ pɛlɛ Ramotə taa ɓa, yai gaa Galaadə, a wala kɛ tii, ŋą́ lɛɛ ɓɛ?» Di kəlee diɛ mą: «Hɛn gəlee Nąmu Yálá kaa lii daai tii lɔi tɔɔmun ɲee ŋą.»

Tɔɔɓɛlaa dɔlɔɔ 21:22

Gáá pai ə́ wɔ pɛ́lɛ́i kɛi yɛ bələi ŋą́ Nevatə lon Ɉeroboamə nwɛi lɛɛ la, ŋą́ gɛ yɛ bələi ŋą́ Ahiya lon Baesa nwɛi kɛ la. Gáá yili laai yɛ́ dúwɔ́ pələ ɲɔ̨n ə́ gulɔ mąą mɛ̨nį ɓa; ɛlɛɛ da Israɛlə tooi ə mo nɛ̨ŋɛ̨n ɉu.»

Tɔɔɓɛlaa dɔlɔɔ 18:40

Eli yɛ diɛ: «Ka Baalə laa yəlikɛ nuą hon, ka hvo dɔ̨nɔ̨ kpɛli lɛɛ laa hvo pu.» Di nuą tii kəlee hon, Eli ə li a gəlee Kisɔn ɲa ɓoloon bɔ; ə di kəlee di nwun dee laa.

Tɔɔɓɛlaa dɔlɔɔ 18:19

Yiihu kɛa, Israɛlə nu huwu kəlee ɲąąkpɔn gwɛ́lɛ Karmɛlə yee nwuɔ̨, ə mą kɛ Baalə laa yəli kɛ nuą nu nwun nąąn yee lɔɔli; da Asera laa yəli kɛ nuą, nu nwun nąąn, diɛi da Ɉezabɛlə ni da kɛ kɔ̨nɔ̨n mįi gee ɓa.»

Tɔɔɓɛlaa dɔlɔɔ 16:11

Ə dɔɔlaa hɔlɔɓo lɔ, ə lɛɛ heeni dɔɔkpəlin ɉu, ə Baesa yəi bɛlɛ́n nuą kəlee paa. Hvo kpɛli nu ta lɛɛ, ə kɛ a hulɔnu ə kɛ a nɛ̨ɛ̨nu, ə ma kpɛli kɛ bɔ mun da.

Tɔɔɓɛlaa dɔlɔɔ 15:29

Ə dɔɔlaa hɔlɔɓo lɔ, ə Ɉeroboamə nwɔ pɛ́lɛ́i kəlee mu nuą paa. Hvo nui lɔpee ta lɛɛ Ɉeroboamə yəi bɛlɛ́n a vulú; yɛ bələi Yai-Laa ə nɔ la nwɔ tímun Ahiya la, yai kɛ a Silo mun.

Tɔɔɓɛlaa dɔlɔɔ 14:10

Yili mąą mɛ̨nį ɓa, gáá hinąą kpɛɛi Ɉeroboamə yəi bɛlɛ́n, yɛi kɛ a luwɔ a wala kɛ tii lɛɛ gbɔwɔ ɓa mun ɓɛ Israɛlə lɔi hu. Gáá pai Ɉeroboamə yəi bɛlɛ́n nonnii kələi yə bələi da kala kələ la.

Zasua 11:8

Yai-Laa ə di lɔ Israɛlə yee ŋą, di yee ə tɛɛ diɛ. Di hvilɛn di pulu, di lɛɛ di kpɛi, di həli Sidɔn kɛnɛ̨mun ma Misrefotə-Maimə, da Mispe ɲɛɛ kɔ́wɔ hu, voló ɓɛlai pələ. Ɉosue yee ə tɛɛ diɛ, di hvo kpɛli nu tɔ̨nɔ̨ kpɛli lɛɛ a vulú.

Zasua 10:30

Yai-Laa ə daai tii da ɉu tɔɔmun di lɔ Israɛlə yee ŋą. Yili ə di kɛ a kɔ́ kɔ́ ɓɔwa kɔ̨nɔ̨n, da nuąi kpɔ kɛ laa, hvo nu ta lɛɛ laa a vulú; di naa lɔ tɔɔmun ma, yɛ bələi di naa la Ɉeriko tɔɔmun ma.

Zasua 15:56

Izreɛlə, Yɔrkeamə, Ɉanoa,

Tɔɔɓɛlaa veelɛ 10:12

Ɉehu ə muhəɠə, yɛ li Samari pələ, gɛɛ bələ pɔ, ə həli Bɛtə-Ekɛdə mɛlaa mɛ̨i kaa nuą pɔɔli,

Kɔlɔnikɔ Veerɛi 22:8

Mɛ̨nįi Yálá ə Ɉehu tí la, ə gɛ Akabə nwɔ pɛlɛ́i ɓa. Lii ə mo, ə Ɉuda lɔi ɲɛ̨itɔwɔnuą kaa da Akaziasə gaayɔwɔɠaa lonnii, di ɓo tɔɔmun ɲee mu, ə di paa.

Tɔɔɓɛlaa dɔlɔɔ 21:29

«Yáá Akabə kaa, aa nwɔ túwɔ́ pələ ɲɔ̨nŋąą mąą liihɛlɛn ɉee ɲɛ̨́i ɓa. Yili ɓa, ɓɛlɔwai gaa ni la yɛnɛ̨ɛ̨, və́ pai mɛ̨nį ɲąąnwąnąąɠaa tii laai mą. Kɛlaa, non nwɔ tɔɔlaa lɔwai ɓə gaa pai mɛ̨nįɠaa tii laai la Akabə nwɔ pɛ́lɛ́i ɓa.»

Tɔɔɓɛlaa veelɛ 9:7

Yɛ́ ɓə pai ə́ nwun nąmu Akabə huwu pui, ə́ Yálá kwəi mɛ̨nį hukulɔ nuą ɲąmą nwąną kulɔ, da Yai-Laa nwɔ tínuą ɲąmą, yai Ɉezabɛlə ə bui.

Tɔɔɓɛlaa veelɛ 9:9

Gáá pai Akabə nwɔ pɛ́lɛ́i kɛi yɛ bələi ŋą́ Nevatə lon Ɉeroboamə nwɛi kɛ la; ŋą́ gɛ yɛ bələi ŋą́ Ahiya lon Baesa nwɔ pɛ́lɛ́i kɛ la.

Kɔlɔnikɔ Veerɛi 22:7

Akaziasə nwun na pili mɛ̨nį ə həɠə Yálá pɔ, a lii tii ə mo nwoo pilii Yoramə ɓa. Pai ə mo, da Yoramə di kulɔ diɛ li Nimsi lon Ɉehu laakwiɛn ɉii, a yaa tii Yai-Laa ə dɔɔ wulɔ hiɛ mą, əgɛ, ə Akabə nwɔ pɛlɛ́i pu.