Tɔɔɓɛlaa veelɛ 10:10 - Yálá laawoo hɛɓɛ (dc)

¹⁰ Mąąnɛ̨ɛ̨ ka kili ə pu ɉu, kaa diɛ, Yai-Laa wooi ə mo yɛ hvilɛn Akabə nwɔ pɛ́lɛ́i ɓa, dɔ̨nɔ̨ kpɛli hva lɛɛ tooni kpɛli-kpɛli. Mɛ̨nįi Yai-Laa ə mo nwɔ tímun Eli laaləi, aa gəlee pɔ mɛ̨nį kɛ.»

Yálá laawoo hɛɓɛ

¹⁰ Mąąnɛ̨ɛ̨ ka kili ə pu ɉu, kaa diɛ, Yai-Laa wooi ə mo yɛ hvilɛn Akabə nwɔ pɛ́lɛ́i ɓa, dɔ̨nɔ̨ kpɛli hva lɛɛ tooni kpɛli-kpɛli. Mɛ̨nįi Yai-Laa ə mo nwɔ tímun Eli laaləi, aa gəlee pɔ mɛ̨nį kɛ.»

Bible

¹⁰ Gɛ̀ ní, ka gɔ́lɔŋ a gɛɛ Ŋ̀óoi Yâwɛɛ è mò é pîlaŋ Eɣa ŋɔsuui mai, gélee a pâi kɛ̂i. Mɛnii Yâwɛɛ è góno tèe a gɛɛ a pâi gɛ̂i ŋɔlóno-kɛ-nuui Ilaza sârai, aâ gɛ́.”

Tɔɔɓɛlaa veelɛ 10:10 Referans Kwoze

Tɔɔɓɛlaa dɔlɔɔ 21:29

«Yáá Akabə kaa, aa nwɔ túwɔ́ pələ ɲɔ̨nŋąą mąą liihɛlɛn ɉee ɲɛ̨́i ɓa. Yili ɓa, ɓɛlɔwai gaa ni la yɛnɛ̨ɛ̨, və́ pai mɛ̨nį ɲąąnwąnąąɠaa tii laai mą. Kɛlaa, non nwɔ tɔɔlaa lɔwai ɓə gaa pai mɛ̨nįɠaa tii laai la Akabə nwɔ pɛ́lɛ́i ɓa.»

Tɔɔɓɛlaa dɔlɔɔ 21:19

Yá li ə́ bələ ŋɛ̨i ɓo mą, yɛ mą: ‹Yáá nu paa, ɛlɛɛ ə́ kaa nwɔ̨nɔ̨ bɔ ə́ hɛn ɉɔlɔɓo›, yɛ nwɔ̨nɔ̨ mą; Yai-Laa woo ka: ‹Ɓɛi kpɔlɔɔ tii, yilɛɠaa di Nabɔtə ɲąmą kpələ laa, yilɛɠaa kaa kpɔlɔɔ pai yɛ́ kpɛli ə́ ɲąmą kpələi laa.›»

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Tɔɔɓɛlaa veelɛ 9:36

Di pənə di pa di mo Ɉehu ɓa. Ɉehu yɛ diɛ: «Nwooi Yai-Laa ə wɔlɔ bu nwɔ tímun Tisbe mun Eli la, yɛ mo, ya kpɔlɔɔ ka tii naa aa hon. Yai ə kɛ mą: ‹Yilɛɠaa kaa pai Ɉezabɛlə huwɔ mįi Izreɛlə díi hu,

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»

Samuɛlə dɔlɔɔ 3:19

Samuɛlə ə kɛi kɛnɛ̨, Yai-Laa ə kɛ bɔ, wooi kpɔ ə kɛi ɉəɠə Yálá la yɛ mo, gəlee laa ə kɛi hon.

Markə 13:31

Yələkɔlɔn da lɔi di kaa pai tɛɛi, kɛlaa, náá woo nwɛi hva tɛɛ.»

Tɔɔɓɛlaa veelɛ 10:17

Di həliɛ Samari, Akabə yəi bɛlɛ́n nuąi kɛ yɛnɛ̨ɛ̨, diɛ ɓo nąą daai, Ɉehu ə gəlee paa. Ə gəlee nwun napili kpɔ tɛ̨ɛ̨ tɛ̨ɛ̨, yɛ bələi Yai-Laa ə mo la Eli laaləi.

Tɔɔɓɛlaa veelɛ 15:12

Nwooi Yai-Laa ə mo Ɉehu ɓa, ya ka tii, yai ə kɛ mą: «Ə́ lonnii kaa pai lɛɛi heei Israɛlə tɔɔ kpəlin ɉu ə lɛɛ la ɉu ə həli la həɠə gee pɔ nąąn ma.»