Zɔ̂ŋ Veerɛi 1:8 - Yálá laawoo hɛɓɛ (dc)

⁸ 'Ká ká kpɔwɔ mɛ̨i kaa káá kpinįi, ə gɛ, ká hvo pa hvɛɠɛ a ká kɛ kólo dɔlɔ, kɛlaa yaamun, ká ká hvɛla hɔlɔɓo kpɔ kɛnɛ̨.

Yálá laawoo hɛɓɛ

⁸ 'Ká ká kpɔwɔ mɛ̨i kaa káá kpinįi, ə gɛ, ká hvo pa hvɛɠɛ a ká kɛ kólo dɔlɔ, kɛlaa yaamun, ká ká hvɛla hɔlɔɓo kpɔ kɛnɛ̨.

Bible

⁸ Ka kákpîŋ mɛi káa a gɛɛ zɛŋ ká maa-tii kɛ̂i káfe nàŋ, kɛ́lɛ, a gɛɛ ká m̀aa fela-féi lá fɛ́ɛ sɔlɔ ƃo.

Zɔ̂ŋ Veerɛi 1:8 Referans Kwoze

Hebreu 10:35

Ka hvo lɛ̨ą ka wɔ kilitɔɔmąą laa ɓa, hvɛla kulɔ kɛnɛ̨ɛ̨ kaa ɉu.

M̀ɛni-lɛɛi 3:11

Gáá pai yiihu. Yii gaa ə́ yəi, ə́ yee kąnąn mą kpąą, əgɛ, nu ta hvo pa ə́ wɔ ɓɔlɔi həɠə ə́ yəi.

Korɛntə dɔlɔɔ 3:14

Nui gɛ kolo a lɛɛ, a mąą hvɛla hɔlɔɓo.

Korɛntə dɔlɔɔ 3:8

Nui ɉin da nui yá pu mą, di kaa tanɔ̨n, nu kɛlee a gɛ kolo hvɛla hɔlɔɓo yɛ bələi ə tí la.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Markə 13:9

«Kɛlaa, ka ka kpɔwɔ mɛ̨i kaa a nɛlɛɛ. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; di wɔ Yálá hvɛli pɛlɛ́ɠaa mu diɛ ka kɛ́lɛ́, diɛ li a kaa nwun nąmįną da tɔɔɓɛlaa lííla ɲą́ą́ mą́ą́ mɛ̨nį ɓa. Yili kaa pai kɛi diɛ a mąą kɛlahvaa ɓoɔ.

Galatə 3:4

A kati, mɛ̨nį tamąąi ti ka tɛɛ ɉu, aa lɛɛ lɔ a kpɛli? Mąą hvo nɛ̨ɛ̨li kpɔ kɛ hvo lɛɛ a kpɛli-kpɛli!

Ɉaan 4:36

Nui gaa mɔ̨nun deei, a gbɛa vɛla hɔlɔɓo, ə nwɔ mɔ̨nun ŋąąkpɔn gee ɓa, yɛnɛ̨ɛ̨ kpɛɛ hvo mą mąą mɛ̨nį ɓa. Yili ɓa, nui a kɛɛhín, da nui a mɔ̨nun dee, da di kwəinɛ̨ɛ̨ gee pɔ.

Galatə 4:11

Ɲɔw kaa ɉú ká mąą mɛ̨nį ɓa, akɛti góló kɛnɛ̨i ŋį́ gɛ káá, ə lɛɛ mɔ̨ɔ̨ a kpɛli!

Lukə 21:8

Jesus yɛ diɛ: «Ka gɛ a nɛlɛɛ, ka hvo nɛɛ laa nu ta hvo ka ɓowo, mąąhɔlɔɓo, nu tamąą kaa pai pai náá hu diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́!› Ə lɛɛ: ‹Lɔwai aa ɉəli!› Kɛlaa, ka hvo hvilɛn di pulu.

Hebreu 10:32

Kɛlaa, ɲələi ka ka yee hee la kɛɛ pono mui, 'ká ká kili lɛɛ ɉu, ə kɛ lɔ tii, káá mɔ̨nɔ̨ɠaa mįi, káá kɔ́ɠaa kɔ́,

Filipə 3:16

Mɛ̨nį kəlee ə mą kɛ, bələi ŋɛ̨i háákələi ka gu kaa mɛ̨i, ka gu lɛɛ lɔ mɛ̨i.

Markə 13:23

Ka wɛi, ka ka kpɔɔ mɛ̨i kaa. Mąąhɔlɔɓo, ŋą́ą́ mɛ̨nįɠaa ŋɛ̨i lɛɛ tɔwɔ, ŋą́ą́ mo kaa.»

Maafîu 24:4

Jesus ə di woo ŋąąpənə yɛ diɛ: «'Ka gɛ a nəlɛɛ, nu ta hvo ka ɓowo.

Danîa 12:3

Nwun gɛ ɉu nuąi ŋɛ̨i kɛi kpɔmaa tɛɛ nuą pɔ diɛ lɛɛ tələnmolaa hu, di ɲɛ̨ilaa a kɛ lən ɉii yɛ pɛmɛ̨nɛ̨n gɔw.

Korɛntə dɔlɔɔ 15:8

Kpɔ kɛa a gbɛla mąą, ə gbɔwɔ lɛ mą́ą́, ɲą́ą́i yɛ nɛ̨ɛ̨nu yəi kala lon.

Lukə 19:19

«Tɔɔmun yɛ mą: ‹Ə́ wɛi gáá ə́ taa lɔɔli nwun na.›