Kɔlɔnikɔ Veerɛi 9:8 - Yálá laawoo hɛɓɛ (dc)

⁸ Lúwɔ́ ə kɛ Yai-Laa ɓa yɛ́ Yálái, yai hvaa mą, yɛ ə́ hee nwɔ tɔɔkpəlin mɛ̨i a tɔɔmun, yɛ́ tí Yai-Laa yɛ́ Yálái ɓa! Israɛlə wɛli kaa yɛ́ Yálái ɓa, ya ɓə gɛ, yɛ́ ə́ hee nwun na a tɔɔmun a yələ kəlee mɛ̨nį, yɛ́ tələnmolaa da tɛ̨ą kɛ»

Yálá laawoo hɛɓɛ

⁸ Lúwɔ́ ə kɛ Yai-Laa ɓa yɛ́ Yálái, yai hvaa mą, yɛ ə́ hee nwɔ tɔɔkpəlin mɛ̨i a tɔɔmun, yɛ́ tí Yai-Laa yɛ́ Yálái ɓa! Israɛlə wɛli kaa yɛ́ Yálái ɓa, ya ɓə gɛ, yɛ́ ə́ hee nwun na a tɔɔmun a yələ kəlee mɛ̨nį, yɛ́ tələnmolaa da tɛ̨ą kɛ»

Bible

⁸ Laa-maa tɛ̂ é tɛ́ɛ Yâwɛɛ Íɣâlai pɔ́ nyíi ǹíi lâai ímɛni ma a ítɛ ŋɔkâloŋ see-sɛŋ ŋá a kâloŋ a gɛ́ɛ í ínûai mɛi káa Yâwɛɛ Íɣâlai mi. Kpɛ́ni fêi, Íɣâlai è Eezuɛ-ŋai wɛ́li-ni ǹyaŋ aâ gbɛtɛ gíli ŋá a gɛ́ɛ é dímɛi káa wɔ́lɔ-wɔlɔ da wɔ́lɔ-wɔlɔ. A íkɛ a kâloŋ dímɛi a gɛ́ɛ tɔ̃yâ da teniŋ-ƃo é kɛ́ dí sáma.”

Kɔlɔnikɔ Veerɛi 9:8 Referans Kwoze

Kɔlɔnikɔ Veerɛi 2:11

Gáá Yai-Laa Israɛlə nwɔ Yálái hɛɠɛɛɓoi, yai yələ kɔ́lɔn da lɔ di pɛli, yai aa lon ɉulɔnu kilimąą tɛɛ tɔɔmun Davidə pɔ, giliŋąlaa, yɛ ɉiɛ pələ yɛlɛ kɛ, yɛ ɓo a mɛ̨nį kɔ́lɔnmun; yai gaa pɛlɛ tɔɔi Yai-Laa ɓa, yɛ tɔɔ pɛlɛ́ tɔɔ gbɔwɔ ɓa.

Kɔlɔnikɔ Maa-ŋuŋ 29:23

Salomɔn ə hee Yai-Laa nwɔ tɔɔkpəlin hu a nąn Davidə mąąhvalin, ɛlɛɛ hɛn gəlee ə lɛlɛ mą; Israɛlə nuą kəlee di kɛ nwoo ɲą.

Dutɛrɔnome 7:8

Kɛlaa, ka kulɔi ŋɛ̨i Yai-Laa ə mo luwɔ pɛlɛ́ mu, Eziptə tɔɔmun yəi, yɛ ka nwun mąąɓo, yili nwun mąą, ka wɛli kaa Yai-Laa ɓa, ɛlɛɛ, nwooi ə gwɛlɛ ka nąnni diɛ gaa bulu.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Mąątɛ̨nɛ̨ 99:4

Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu!

Mąątɛ̨nɛ̨ 72:2

Yɛ pɛli ə́ wɔ lɔi lonnii ɲąąwooɓoi la a tələnmolaa, ə mą kɛ mąąwɛli nuą, tɛ̨ą pələ mɛ̨i.

Mąątɛ̨nɛ̨ 22:8

Nui lɔpee a gáá, a naakpan ɲąli a ɲą́ą́, diɛ vííɓo, diɛ yɛlɛ, diɛ di nwun gbɛŋɛ̨n, diɛ kɛ mą:

Mąątɛ̨nɛ̨ 18:19

Ɲələi ŋį́ too la, di mą́ą́tinɛ̨n, Kɛlaa, Yai-Laa ə pa ə mą́ą́kpɔnmąąɓo.

Kɔlɔnikɔ Maa-ŋuŋ 29:20

Davidə yɛ nu kpɔn gəlee ɓa: «'Ka Yai-Laa, ka wɔ Yálái mąątɛ̨nɛ̨.» Nu kpɔn kəlee di Yai-Laa di nąnni di wɔ Yálá mąątɛ̨nɛ̨, di pɛlɛ nɔi ɓa, di gwɛli hvilɛn Yai-Laa líi la, ɛlɛɛ, da tɔɔmun nií la.

Kɔlɔnikɔ Maa-ŋuŋ 29:10

Davidə ə Yai-Laa mąątɛ̨nɛ̨ nu kpɔn tii kəlee ɲɛ̨i ɓa, yɛ kɛ diɛ: «Mąąwiɛ ə kɛ Yai-Laa ɓa ɲɛ̨n deei hvo mą! Yai gaa a ku kalaɓɔlɔ Ɉakɔbə nwɔ Yálá!

Kɔlɔnikɔ Maa-ŋuŋ 28:5

Yai-Laa ə gɔ́ a lon gbulu tamąą, nónnii lɔwai, nón Salomɔn ɓə ə ɉəɠə ɉu, ə ɉee Yai-Laa nwɔ tɔɔkpəlin mɛ̨i, Israɛlə nwun na.

Kɔlɔnikɔ Maa-ŋuŋ 17:22

Yɛ́ ɓə Ə́ Israɛlə kɛ a Ə́ wɔɔ nu huwu, a hį́i gaa a Ə́ pɔɔ, a yələ kəlee. Ɛlɛɛ, Yɛ́n, Yai-Laa, Ə́ ɓo a di wɔɔ Yálá.

Tɔɔɓɛlaa dɔlɔɔ 10:9

Mąąwiɛ ə kɛ Yai-Laa ə́ wɔ Yálái ɓa, yai ə laa a nii, yɛ ə́ hee Israɛlə dɔɔ kpəlin ɉu. Israɛlə wɛli ɓə gaa Yai-Laa ɓa a yələ kəlee, yili ɓə gɛ yɛ ə́ hee a tɔɔmun, yɛ́ pɛli ɲąąwooɓo kɛi tələnmolaa hu.»

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Samia Veerɛi 23:3

Israɛlə nwɔ Yálá ɓə mo, Israɛlə nwɔ kwɛnii ɓə mo mą́ą́, yɛ mą́ą́: «Nui a tɔɔlaa kɛ nuą nwun mɛ̨i a tələnmolaa, yɛ ŋaawooɓo kɛ a Yálá nwɔ ɲɛ̨i ɲɔw maa laa, gɛ pələ kaa yɛ yələwala pɔ kɛɛ pɔ̨nɔ̨, ɓɛlɔwai hvóló a muhəɠə la,

Samia Veerɛi 8:15

Davidə ə heeɓolaa kɛ Israɛlə kəlee nwun na. Ə kɛi nwɔ nuąi hutoo a tələnmolaa, da kwəi kwəlɛlaa.

Azaya 62:4

Di hvo pai kɛa pai kɛi ə́ láá ɓa: «Daa gulɔ lɔwɔi», di hvo kɛa pai kɛi ə́ wɔ lɔi ɓa: «Lɔi kwəi kpɛɛ», Kɛlaa di kaa kɛa pai kɛi ə́ laa ɓa: «Niiɓa nɛ̨ɛ̨nu», diɛ kɛ ə́ wɔ lɔi ɓa: «Hilɛtai nɛą», Mąąhɔlɔɓo, Yai-Laa kaa pai niiɓa mɛ̨nįɠaa hɔlɔɓoi ə́ yəi, ɛlɛɛ ə́ wɔ lɔi yɛ kɛ a hilɛ tai nɛ̨a.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Kɔlɔnikɔ Veerɛi 9:7

Nwun nąnɛ̨ɛ̨ nuą ɓaa ə́ wɔɔ nuąi, nwun nąnɛ̨ɛ̨ nuą ɓaa yɛ́ tínuąi, diɛi di kaa ə́ lííla a yələ kəlee, diɛ yɛ́ kili kɛ ɲəi woo mɛ̨n.

Kɔlɔnikɔ Veerɛi 9:9

Nɛ̨ɛ̨nui tii ə hɛni kpuwulu nwundɔ̨nɔ̨ ɲee hveelɛ tɛɛ tɔɔmun Salomɔn pɔ, da hɛn gunnɛ̨ɛ̨ɠaa kpɔ kɛnɛ̨, ə bɛlɛ kuwɔ-kwɛni lɛlɛɛɠaa. Hɛn gunnɛ̨ɛ̨ ta hvo ta pa li Salomɔn pɔ, ə həli yii Saba tɔɔ nɛ̨ɛ̨nui ə paa la bɔ.

Hanwon 29:4

Tɔɔmun a ɲąąwooɓo laa kɛ a tələnmo, a nɔi tɔɔ. Kɛlaa nui a nįįhɔ̨nwɔ̨ hon lɔi lonnii yəi kɛlɛ-kɛlɛ, a nɔi too.

Kɔlɔnikɔ Veerɛi 2:10

Tirə tɔɔmun Hiramə ə Salomɔn woo pulu pənə, yɛ mą: «Yai-Laa nwɔ nu huwui wɛli ɓə gaa mą, mɛ̨nįi gɛ, yɛ́ ə́ hee la a tɔɔmun, yaa li.

Kɔlɔnikɔ Veerɛi 13:8

Yii hui ŋɛ̨i kɛa, ka káá kɛi ka tɔɔ Yai-Laa ŋą tɔɔlaai la, yaai gaa Davidə lonnii yəi! Ka kpulu hu kɛnɛ̨i, nįŋɛ̨ lonnii Ɉeroboamə ə di pɛli a hɛni, di kaa ka yə a ka wɔɔ yáláɠaa;