Kɔlɔnikɔ Veerɛi 9:4 - Yálá laawoo hɛɓɛ (dc)

⁴ Kɔ̨nɔ̨n kɛ lííla, nwɔ tínuą yii pɛlɛ, ŋą koló kɛ nuą kɛ pələ, da di mąąyili pələ, nuąi kɛ nɔɔ mɛ̨nį nwun na da di mąąyili pələ, haláá hɛn da gəlee kələn, yai ə kɛi gulɔ Yai-Laa nwɔ pɛlɛ́i mu; mɛ̨nįɠaa tii kəlee ə gɛ, dɔɔ nɛ̨ɛ̨nui tii hvo pɛli hvaai.

Yálá laawoo hɛɓɛ

⁴ Kɔ̨nɔ̨n kɛ lííla, nwɔ tínuą yii pɛlɛ, ŋą koló kɛ nuą kɛ pələ, da di mąąyili pələ, nuąi kɛ nɔɔ mɛ̨nį nwun na da di mąąyili pələ, haláá hɛn da gəlee kələn, yai ə kɛi gulɔ Yai-Laa nwɔ pɛlɛ́i mu; mɛ̨nįɠaa tii kəlee ə gɛ, dɔɔ nɛ̨ɛ̨nui tii hvo pɛli hvaai.

Bible

⁴ Ŋɔmii-sãai, ŋɔtíi kɛ́-ƃela kpaya-kpayai, berei gbɔŋ-maa kɛ́-ƃelai díkɛ a dímaa ɣiriɛɛ lai, gbele-sãai kɔ̂ɔŋ-ƃelai maa ɣiri-pere, da géreŋ salai nyíi a kâa gùla Yâwɛɛ ŋɔpɛ́rɛi lai, ǹá è kpàla ma.

Kɔlɔnikɔ Veerɛi 9:4 Referans Kwoze

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

Lukə 12:37

Góló kɛ nuąi tii di nąmu a pa, ə di kaa a di ɲɛ̨i, nwun na nɛ̨ɛ̨ nuą ɓaa diɛ. A tɛ̨ą kpɔ-kpɔ gáá moi kaa, di nąmu a koló kɛ həɠə too gwaną, ə nwɔ koló kɛ nuąi hee, ə kɔ̨nɔ̨n dɛɛ di pɔ.

Danîa 10:17

Ɲą́ą́ kpɔ ŋɛ̨i a nu gɛ́ ɓo a luwɔ kpɛli-kpɛli, dɔ́ɔ́i ɓa mį, kwa nwɔ́ mɛ̨nį Nąmu kuɔ pə́lə́ ɓo, ɲą́ą́ ŋəi hvaŋą hvo ɲə́i, nɔw kpɛli hvo kɛa ɉú?»

Izikiɛ 46:2

Dɔɔmun a həɠə ɲɛnɛ̨ɛ̨ pələ, a tɛɛ a gbon tii nwɔ ɲiman mu pələ, ə lɔ, ə tɔɔ gbon nwulu ɓa, yili pulu, ɉaláá laa həli nuą di dɔɔmun nwɔ haláá hɛn da gəlee kələn kulɔ, da nwɔ liilaa halááɠaai. Dɔɔmun a pɛlɛ niiɓa bɛlɛ́ laaləi, yili pulu, ə kulɔ; kɛlaa, di hva bɛlɛ́ laa kpulu, ə lɛɛ ɉu yələ ə wulu.

Izikiɛ 44:3

Kɛlaa tɔɔmun nwɛi, yɛ bələi gaa la a tɔɔmun, nąą ɓə gaa pai heei laa yɛ kɔ̨nɔ̨n mįi Yai-Laa lííla. Gaa pai kɛi lɔi a ɲimɛn mu pɛlɛ laaləi pələ, yɛ kulɔ a bələ yii ti.

Wɛli 5:8

Ə həli kaa Ɉerusalɛmə nɛ̨ɛ̨lɛa! Nwą́nąi ka ŋɛ̨i gaa moi kaa-o; Ka li ka nwɔ́ wɛlii kaa, ka kɛ mą lə? Ka kɛ mą: Wɛlikɛmąą ka ŋɛ̨i aa ɲɔ̨n bɛlɛ mą́ą́. Ka gaa ka mo tii mą.

Hanwon 9:5

«Ka pa ka nwɔ́ kɔ̨nɔ̨n mįi, nɔɔi ŋį́ bɛli, ka gbələ.

Mąątɛ̨nɛ̨ 143:7

Yai-Laa, nwóó mu hon gilɛ, vį́nna aa tɔn. 'Hvó ə́ ɲɛ̨ilai noo mą́ą́, və́ pa nəi kɛ yɛ nuąi daa yɛɛ ɲąmuątaa.

Mąątɛ̨nɛ̨ 119:81

Ɲɛ̨́i aa lɛɛ málo yələ tɔwɔ ə́ yəi! Vį́į́ kəlee aa kpɛɛ! Kɛlaa, gílitɔɔi lɔ ə́ woo ɓa.

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Kɔlɔnikɔ Veerɛi 23:13

Yɛ gaa ɲɛ̨i kɛi, tɔɔmun ga ŋɛ̨i tɔɔni gbəlin mɛ̨i bɛlɛ́ laaləi, nuą ɲɛ̨itɔwɔnuą da dúlu hvɛɛnuą di ɓo tɔɔmun gwɛlɛ, nɔi lonnii kəlee di ɓo kwəinɛ̨ɛ̨ hu, diɛ túlu hvɛɛ, hvɛli kɛ nuą diɛ hvɛli kɛ, diɛ lúwɔ́ too! Atali ə nɛɛmą ə mąąhəɠə huɓɛla, ə tómą, yɛ kɛ: «Lɔgilii ɓə! Lɔgilii ɓə!»

Kɔlɔnikɔ Maa-ŋuŋ 9:18

Háá ɓaa háá, diɛi tii di huwu ɓə bɛlɛ́ laaləi pələ. Di kaláɓɔlɔ ɓə wɔlɔ kɛ Levi lonnii di wɔ ɓiwui hu ɉíí la.

Tɔɔɓɛlaa veelɛ 16:18

Asiri tɔɔmun mąą mɛ̨nį ɓa, ɲįmąn ŋɛ̨i di bɛli Yai-Laa yəi bɛlɛ́n diɛ kɛ naa ɓaa: túwɔ́ yələ; Akazə ə nąą kɛ pələ mąąhvalin, ə mą kɛ ɓɛi tɔɔmun a lɔ laa ɲɛnɛ̨ɛ̨ pələ.

Tɔɔɓɛlaa dɔlɔɔ 10:5

da kɔ̨nɔ̨n di kɛi ɉee nííla, ɲee pɔ nuą yii pɛlɛ́, ɲəi bɛlɛ́n gɔ̨nɔ̨n gɛ nuą kɛ pələ, da di mąą həɠəɠaa, nɔɔ mɛ̨nį ɲɛ̨i kulɔ nuą, haláái da gəlee kələn, yai ə kɛi gulɔ Yai-Laa yəi bɛlɛ́n, yili kəlee di nɛ̨ɛ̨nui tii, hvinnatɔn, hvo kpɛli pɛli vaa pələ kaai.

Maafîu 6:29

Kɛlaa gáá moi kaa, bələi mąn Salomɔn ə kɛ la nwɔ tɔɔlaai hu, mąąyili hɛnŋąą di hvo kɛ lɛlɛ li hvo həli nwuluɠaai tii dɔ̨nɔ̨ kpɛli pɔ.

Kɔlɔnikɔ Veerɛi 9:3

Saba tɔɔ nɛ̨ɛ̨nui tii ə Salomɔn ŋą kili kɛ ɲəi kaa, da bələi dɔɔi la.

Kɔlɔnikɔ Veerɛi 9:5

Yɛ tɔɔmun ma: «Mɛ̨nii ŋį́ lɛɛ bɔ lɔi ŋį́ mɛ̨n, yɛ hvilɛn na ə́ wooɠaa diɛ, da ə́ nwɔɔ kili mɛ̨nį, gaa a kpɔ a tɛ̨ą.

Tɔɔɓɛlaa dɔlɔɔ 5:2

Hvóló tɔ̨nɔ̨ kɔ̨nɔ̨n di kɛi gɛ Salomɔn yəi bɛlɛ́n, ə kɛ a mɔ̨nun gɔ́w kilə waa mɛ̨inąąn, ɛlɛɛ, lɛɠɛ hunwɔ̨ kilə waa pow kɔ́w mɛ̨ihaaɓa,

Tɔɔɓɛlaa dɔlɔɔ 5:3

Nįŋɛ̨ ɓɛlaa pow, da nįŋɛ̨i hvo ɓɛlaa li bow hveelɛ, ɓɛlaa nwun dɔ̨nɔ̨, yili pulu, nɔwɔ huwɔɠaa ɓaa: Dɔlɔ, Ɓɛɛla, Towa, da Yagɔlɔɔ-gɔlɔɔ kpɛa kpɛaa.