Kɔlɔnikɔ Veerɛi 9:2 - Yálá laawoo hɛɓɛ (dc)

² Salomɔn ə nwɔɔ kɛɛmąąlən nwoo kəlee pulu pənə; kɛɛmąąlən da hvo kɛ laa, diɛ kɛ diɛ, ɉukpini pələ tɔɔmun və li bulu pənəi.

Yálá laawoo hɛɓɛ

² Salomɔn ə nwɔɔ kɛɛmąąlən nwoo kəlee pulu pənə; kɛɛmąąlən da hvo kɛ laa, diɛ kɛ diɛ, ɉukpini pələ tɔɔmun və li bulu pənəi.

Bible

² Saloma è m̀are-kɛɛ-ŋai ŋí kélee su kùla. Mare kɛ̂ɛ da fé kɛ́ ni naa nyíi kɛ̀ a gbanaŋɔɔ m̀aa mɛni ma.

Kɔlɔnikɔ Veerɛi 9:2 Referans Kwoze

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Markə 4:34

Hvo kɛi mɛ̨nį ta ɓo diɛ kpɛli-kpɛli akɛ hvo hanwon ɉɔɔ li. Kɛlaa, da kɛ kɛa di tɔ̨nɔ̨ kɛɛnąą da nwɔ kalan nɛai, a gəlee mukulɔ diɛ.

Markə 4:11

Ə di woo pulu pənə yɛ diɛ: «Ka wɛi, kaa Yálá-taa tɔɔlaa hu mɛ̨nį lowuɔɠaa aa tɛɛ ka pɔ. Kɛlaa di wɛi, hvo tɛɛ li di pɔ, da mɛ̨n hanwon ɉu.

Hanwon 18:4

Nu hvaa woo kpon ɉu kwɛai, yɛ palə. Kili mɛ̨nį kaa yɛ yáton hva kpala.

Hanwon 13:20

Nui a hvilɛn kilimąą nuą pɔ, a kɛ a kilimąą mun, nui a kanąn kilikpɛɛgwəi nuą diɛ, a ɉu mɔ̨nɔ̨ mįi.

Tɔɔɓɛlaa dɔlɔɔ 3:12

yili mąą mɛ̨nį ɓa, bələi tii ə́ mo la, gáá kpɔlɔɔ gɛi tii, gáá kili tɛɛi ə́ pɔ, ɲɔ̨nwɔ̨mąn hvo ta kɛ li nu ta ɓa, gɛɛ hvo pa kɛ hɔlɔɓo, hvo nwɔ̨nɔ̨ pai kɛi nu ta ɓa ə́ haa pulu hvo həli ə́ pɔ.

Kɔlɔnikɔ Veerɛi 9:1

Saba tɔɔ nɛ̨ɛ̨nui ə Salomɔn laa pələ mąn. Nɛ̨ɛ̨nui tii ə pa Ɉerusalɛmə, Salomɔn hukɔɔn mɛ̨nį ɓa, a hanwon ɉukpinɛ̨ɛ̨ɠaa, nu kpulu kɛnɛ̨ ə ɓo bɔ da ɲɔ̨nwɔ̨mɛ̨ɛ̨ɠaa. Di tiɛ̨ ə kɛ a hɛn gunnɛ̨ɛ̨ɠaa, hɛni kpɔ kɛnɛ̨ da Kuɔkwɛni lɛlɛɛɠaa. Ɉəliɛ Salomɔn ɓa, mɛ̨nįi kpɔ kɛ gwəi, ə gəlee ɓo mą.

Kɔlɔnikɔ Veerɛi 9:3

Saba tɔɔ nɛ̨ɛ̨nui tii ə Salomɔn ŋą kili kɛ ɲəi kaa, da bələi dɔɔi la.