Kɔlɔnikɔ Veerɛi 9:1 - Yálá laawoo hɛɓɛ (dc)

¹ Saba tɔɔ nɛ̨ɛ̨nui ə Salomɔn laa pələ mąn. Nɛ̨ɛ̨nui tii ə pa Ɉerusalɛmə, Salomɔn hukɔɔn mɛ̨nį ɓa, a hanwon ɉukpinɛ̨ɛ̨ɠaa, nu kpulu kɛnɛ̨ ə ɓo bɔ da ɲɔ̨nwɔ̨mɛ̨ɛ̨ɠaa. Di tiɛ̨ ə kɛ a hɛn gunnɛ̨ɛ̨ɠaa, hɛni kpɔ kɛnɛ̨ da Kuɔkwɛni lɛlɛɛɠaa. Ɉəliɛ Salomɔn ɓa, mɛ̨nįi kpɔ kɛ gwəi, ə gəlee ɓo mą.

Yálá laawoo hɛɓɛ

¹ Saba tɔɔ nɛ̨ɛ̨nui ə Salomɔn laa pələ mąn. Nɛ̨ɛ̨nui tii ə pa Ɉerusalɛmə, Salomɔn hukɔɔn mɛ̨nį ɓa, a hanwon ɉukpinɛ̨ɛ̨ɠaa, nu kpulu kɛnɛ̨ ə ɓo bɔ da ɲɔ̨nwɔ̨mɛ̨ɛ̨ɠaa. Di tiɛ̨ ə kɛ a hɛn gunnɛ̨ɛ̨ɠaa, hɛni kpɔ kɛnɛ̨ da Kuɔkwɛni lɛlɛɛɠaa. Ɉəliɛ Salomɔn ɓa, mɛ̨nįi kpɔ kɛ gwəi, ə gəlee ɓo mą.

Bible

¹ Tãi gâloŋ nɛnii kɛ̀ Siƃa è Saloma mɛi tûŋ mɛ̀ni lai, è lì Zerusâlɛŋ a gɛ́ɛ é sukɔɔŋ tɛɛ bɔ́naa a marê kɛ̂ɛ kpanaŋɔɔ-ŋa. Ǹɛnîi ŋí è pà kpɔ́ a núu-kpulu kɛ́tɛ. È pà máŋ a soo-fáleŋ-ŋa kpili-ŋa díkɛ ƃo dípôlu nyíi zãai ŋí díkɛ zui: kuŋ-sãa, gôo da kɔni sɔ̃ɔ-kpanaŋ kpulu kɛ́tɛ-ŋa. È pa gɛ́ɛ é lóno Saloma pɔ́ é pîlaŋ mɛnii ma kɛ̀ gíli-ŋai.

Kɔlɔnikɔ Veerɛi 9:1 Referans Kwoze

Maafîu 12:42

Yálá nwɔ kiti teei lɔwai, dɔɔnɛ̨ɛ̨nu ŋɛ̨i həɠə voló tooi pələ, a muhəɠə, ə tɔɔ, da háákələi nuą, əlɛɛ, ə gití kala diɛ. Mąąhɔlɔɓo, nɛ̨ɛ̨nui tii ə həɠə kpɔ lɔi kpɛlai, yɛ pa Salomɔn nwɔ kilimąą wooɠaai mɛ̨n ɉii. Yaan, nui ka káá gaai, gɛnɛ̨i dɛɛ Salomɔn ɓa!»

Lukə 11:31

Gitíi tee lɔwai, dɔɔ nɛ̨ɛ̨nui ŋɛ̨i həɠə kpɔ kwɛaala, ɉɛɠɛɛ pələ, a muhəɠə, da yiihu nuą, ɛlɛɛ, ə gití kala diɛ. Hvó gaai, nɛ̨ɛ̨nui tii ə həɠə kpɔ kwɛaala, yɛ pa, nwəli tɔɔi Salomɔn nwɔ kili kɛ ɲəi wooi ɓa. Ya pa, nui ka káá gaai, gɛnɛ̨i dɛɛ Salomɔn ɓa.

Kɔlɔnikɔ Veerɛi 9:9

Nɛ̨ɛ̨nui tii ə hɛni kpuwulu nwundɔ̨nɔ̨ ɲee hveelɛ tɛɛ tɔɔmun Salomɔn pɔ, da hɛn gunnɛ̨ɛ̨ɠaa kpɔ kɛnɛ̨, ə bɛlɛ kuwɔ-kwɛni lɛlɛɛɠaa. Hɛn gunnɛ̨ɛ̨ ta hvo ta pa li Salomɔn pɔ, ə həli yii Saba tɔɔ nɛ̨ɛ̨nui ə paa la bɔ.

Zɛnɛse 10:7

Kusə lonnii laa ka: Seva, Hawila, Savta, Raema da Savteka. Raema lonnii laa ka: Saba da Dedan.

Maafîu 13:35

Ə kɛi gɛ tii ə gɛ, mɛ̨nį Yálá kwəi mɛ̨nį hukulɔ mun ə mo naa ə hon. Yaai ə kɛ la mą: «Gáá lɔ pai kɛi hvaai a hanwon, Mɛ̨nį yiiɠaa wɔlɔ a loo mɛ̨nį, ə həɠə yɛnɛ̨ɛ̨ kɔ́wɔ tɔɔi lɔwai ɓa ə həli la yiihu ɓa, gɛ́ yiliɠaai ɓo diɛ a lolo-woo.»

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Maafîu 12:34

Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Azaya 60:6

Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Hanwon 1:6

A hanwon ɉɔɔ hanwon ɉu, ə ɉu pɔ̨nɔ̨, yɛ kilimąą nuą woo da di wɔ hanwonŋaa hu pɔ̨nɔ̨.

Mąątɛ̨nɛ̨ 142:2

Gáá tómąi kpɔ a nwóó kɛnɛ̨ Yai-Laa pɔ pələ, gáá Yai-Laa mąąnɛ̨ɛ̨i a nwóó kɛnɛ̨.

Mąątɛ̨nɛ̨ 78:2

Gáá mɛ̨mi ɓoi yɛ hanwon ɉu, gɛ́ tɔwɔ tɔwɔ mɛ̨nįɠaa ɓɛla hanwon ɉu.

Mąątɛ̨nɛ̨ 72:15

Tɔɔmun ɲii ə kwɛa! Di kaa pai Saba hɛni tɛɛi bɔ; diɛ Yálá hvɛli mą a hvaŋąlɔ, diɛ túwɔ lúwɔ kɛi mą.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Mąątɛ̨nɛ̨ 49:4

Kilimąą woo lɔ ɓə a kulɔ ná, kili mɛ̨nį ɓə nį́i kaa moi.

Kɔlɔnikɔ Veerɛi 1:12

Mɛ̨nį hukpɛ kili da ɲąąkaa kili, gáá dɛɛi ə́ pɔ, ŋį́ bɛlɛ hɛngɔw, lɔi da mąąwiɛ ɓa. Gáá dɛɛi ə́ pɔ, ə tɛɛ la tɔɔɓɛlaai daa tɛɛ kɛ ə́ tɔwɔ, ɲɔ̨nwɔ̨mąn hvo ta kɛ li da yəi, ə mą kɛ yiiɠaai pai lɛɛi ə́ pulu.»

Kɔlɔnikɔ Veerɛi 1:1

Davidə lon Salomɔn ə hee kpɔ tin-tin nwɔ tɔɔlaai hu, nwɔ Yálái a Yai-Laa ə tɔɔ bulu, ə naa tɛ kpɔ ləɠə-ləɠə.

Samuɛlə dɔlɔɔ 1:15

Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.

Zɛnɛse 25:3

Yoksan nwɔ lonnii ɓaa: Saba da Dedan. Dedan lonnii ɓaa: Asurə nuą, da Letusə nuą, ɛlɛɛ, da Leumi nuą.

Zɛnɛse 10:28

Ovalə, Avimaɛlə, Saba,

Kɔlɔnikɔ Veerɛi 9:2

Salomɔn ə nwɔɔ kɛɛmąąlən nwoo kəlee pulu pənə; kɛɛmąąlən da hvo kɛ laa, diɛ kɛ diɛ, ɉukpini pələ tɔɔmun və li bulu pənəi.