Kɔlɔnikɔ Veerɛi 7:9 - Yálá laawoo hɛɓɛ (dc)

⁹ Di voló mɛ̨ihaaɓa yələ kɛ a hvįitɔɔ hvoló, hvó gaai, di ɉaláá kulɔi nįnɛ̨ kulɔ a hvoló mɛ̨ihveelɛ, di ɉɛli pu a hvoló mɛ̨ihveelɛ yee mu.

Yálá laawoo hɛɓɛ

⁹ Di voló mɛ̨ihaaɓa yələ kɛ a hvįitɔɔ hvolo, hvó gaai, di ɉaláá kulɔi nįnɛ̨ kulɔ a hvolo mɛ̨ihveelɛ, di ɉɛli pu a hvolo mɛ̨ihveelɛ yee mu.

Bible

⁹ Vóloi ǹɔ́ɔlu mɛi-saaƃa ɣele, dí kɔyɛŋ kɛ́tɛi tòo, kpɛ́ni fêi dí kúu kɛ̀ a fólo lɔ́ɔlu mɛi feerɛ ŋ̀âla teƃelei mɛni ma. Dí ŋɔ́nɔ kúu kɛ́ a fólo lɔ́ɔlu mɛi feerɛ kɛ́ gúui mɛni ma.

Kɔlɔnikɔ Veerɛi 7:9 Referans Kwoze

Levetekɔ 23:36

Voló mɛ̨ihveelɛi tii kəlee yee mu, mąąnɛ̨ɛ̨ kaa haláá kulɔ Yai-Laa ɓa, a haláái da gələn. Voló mɛ̨ihaaɓa yələ, ka ka ɲąąkpɔn, ka haláá kulɔ Yai-Laa ɓa a ɲələ. Volói tii ɓə gaa a ɉɛli ɲee laa kulɔ yələ, ka hva kóló walawala ta kɛ a mąą yələ.

Zooɛ 1:14

'Ka nolo ɓo nu kəlee mɛ̨i, 'ka ka mąąhəɠə hin nɔ. 'Ka galanɉonŋąą ɲąąkpɔn, 'ka nɔi lonnii kəlee təli. Yai-Laa ka wɔ Yálá yəi bɛlɛ́n, 'ka wɔlɔ Yai-Laa ɓa.

Nehemi 8:18

Hvóló tɛitɛi kəlee yee mu, di kɛi Yálá nwɔ tɔ́n ɉɛɓɛ́i ɓo, ə həɠə voló dɔlɔɔ ɓa, ə həli la voló gbɛlamąą ɓa. Di ɉɛlii tii pu hvóló mɛ̨ihveelɛ yee mu. Voló mɛ̨ihaaɓa yələ, di ɉɛli laakulɔ ŋąąkpɔn gɛ.

Kɔlɔnikɔ Veerɛi 30:23

Yili pulu, nuą kəlee woo tɔɔi ə kɛ tɔ̨nɔ̨, di voló ta pɛlɛ mą, di ɉɛli pu nwɔ̨nɔ̨ a hvóló mɛ̨ihveelɛ kwəinɛ̨ɛ̨ hu.

Tɔɔɓɛlaa dɔlɔɔ 8:65

Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Dutɛrɔnome 16:8

Hvóló mɛ̨ida yee mu, ka káá pai kɛi lɛɠɛ mįi, yii lɛɠɛ tɛ hɛn və ɉu. Voló mɛ̨ihveelɛ yələ, Yai-Laa ka wɔ Yálá nwɔ hɛli laa kulɔ yələ li. Ka hva kóló kɛ a mąą yələ.

Lonon mo 7:10

Ɲələi di lúwɔ́ too la ɉaláá kulɔi ɓa di nwulɔ mąąhəɠɛɛ hiɛ mą, bɛlɛ́ nąmįną kpɛa-kpɛa di pa a di kwɛlanmo hɛnŋąą.

Kɔlɔnikɔ Veerɛi 7:10

Ɲąnin mɛ̨ihveelɛnąą nwɔ pow hveelɛ kɔ́w haaɓa yələ, ə ɓo ɲee pɔ nuą diɛ, nu kəlee diɛ li di yəi bɛlɛ́ɠaa laaləi a kwəinɛ̨ɛ̨, di liinɛ̨ɛ̨i kɛ mɛ̨inɛ̨ɛ̨ Yai-Laa ə Davidə ɓa, da non Salomɔn, ə pɛlɛ la nwɔ nu huwui Israɛlə kəlee ɓa.

Lɛɛ gbɔwɔ ɓa 29:37

Hvóló mɛ̨ihveelɛ yee mu, ə́ kaa pai kɛi nɛ̨ŋɛ̨n mąą hvaalɛɛ haláá kulɔi, yɛ́ gɛ ti ɉaláá kulɔ kəhi mɛ̨i, yɛ́ gɛ a Yálá nwɔɔ, bələ ɓə ɉaláá kulɔi mąą kaa pai həɠəi la. Hɛn lɔpee pai tunwɔ̨n ɉii ɉaláá kulɔ kəhi ɓa, gaa pai kɛi a mąąhəɠɛɛ ə mą kɛ nu ɓə.

Tɔɔɓɛlaa dɔlɔɔ 8:2

Israɛlə nuą kəlee di di ɲąąkpɔn tɔɔmun Salomɔn kwɛlɛ a ɲąnįn ŋɛ̨i da kɛ mą Etanimə, di wɔ kwɛlan ɲąnįn mɛ̨ihveelɛ lɔwai; a ɉɛli yələ.