Biblia Todo Logo
Bib sou entènèt

- Piblisite -




Kɔlɔnikɔ Veerɛi 7:6 - Yálá laawoo hɛɓɛ (dc)

6 Ɉaláá laa həli nuą di kɛ tɔɔni di tɔɔi. Yai-Laa ŋą hvɛliɠaai di kɛ léviɠaa yəi, a vɛliɠaai tii Davidə ə di pɛlii Yai-Laa mąąwiɛ mɛ̨nį ɓai. Mąąhɔlɔɓo nwɔ wɛlikɛmąąlaa ɲɛ̨n və mą. Ɓɛlɔwai kɛ Davidə a kɛli mo la léviteɠaa diɛ diɛ Yálá mąątɛ̨nɛ̨i, ɉaláá laa həli nuą di kɛ tɔɔnįn di kwɛlɛ diɛ dulú hvɛɛ, ɛlɛɛ Israɛlə nuą kəlee di kɛ tɔɔnin.

Gade chapit la Kopi

Yálá laawoo hɛɓɛ

6 Ɉaláá laa həli nuą di kɛ tɔɔni di tɔɔi. Yai-Laa ŋą hvɛliɠaai di kɛ léviɠaa yəi, a vɛliɠaai tii Davidə ə di pɛlii Yai-Laa mąąwiɛ mɛ̨nį ɓai. Mąąhɔlɔɓo nwɔ wɛlikɛmąąlaa ɲɛ̨n və mą. Ɓɛlɔwai kɛ Davidə a kɛli mo la léviteɠaa diɛ diɛ Yálá mąątɛ̨nɛ̨i, ɉaláá laa həli nuą di kɛ tɔɔnįn di kwɛlɛ diɛ dulú hvɛɛ, ɛlɛɛ Israɛlə nuą kəlee di kɛ tɔɔnin.

Gade chapit la Kopi

Bible

6 Tãi díkɛ̀ Ŋ̀âla-pɛrɛ Kɛ́tɛi kóraŋ ƃôi lai, zâla-laa soŋ-ƃelai dí lì dí tɔ̂ɔi. Liiva-ŋai dîa máŋ díli dítɔ̂ɔi Yâwɛɛ ŋɔwule-too-sãai kɛ́ ƃò díyêei. Gâloŋ Deeƃé ƃé zãâi ŋí kpɛ̀tɛ a gɛ́ɛ díkɛ laa-maa tɛ̂ da sɛɣɛ fêi tɛ̀ɛ la dîɛ, “Ŋɔwɛli-kɛ-maai káa naa wɔ́lɔ-wɔlɔ da wɔ́lɔ-wɔlɔ.” Zâla láa soŋ-ƃelai díkɛ̀ tɔɔ-ni Liiva-ŋai téniŋ ma díkɛ dúrii fɛ̀ɛ. Eezuɛ-ŋai kélee díkɛ̀ tɔɔ-ni naa.

Gade chapit la Kopi




Kɔlɔnikɔ Veerɛi 7:6
26 Referans Kwoze  

Levi huwu hu nuąi kɛ a nwələ too nuą, diɛ ɓo Asafə, Heman da Yedutun da di kaayɔwɔɠaa di yee mu, həɠə kwɛlɛɛ yɛ ɓo di kwaną, kpɛŋɛ̨nɛ̨n-gwɛli yɛ ɓo di yəi, da gololon-gwɛnįn, ɛlɛɛ, bɛlɛgwəi gwɛnįn; di tɔɔ Yálá kɔ́i mamįiyee hu. Di kwɛlɛ, haláá laa həli nuą nu nwundɔ̨nɔ̨ ɲee hveelɛ ə ɓo laa, diɛ túlú hvɛɛ.


Israɛlə lonnii kəlee di nwɔ̨n gaa yɛ yɛɛ, Yai-Laa Mąąɲįnɛ̨n ə ɓo mɛ̨i; di di nwun vilɛn nɔi ɓa, di pɛlɛ di lii ɓa; diɛ Yai-Laa Laa tɛ. Mąąhɔlɔɓo ŋą mɛ̨nį lɛlɛɛi, ŋą wɛlikɛmąąlaa ɲɛ̨n və mą.


Kaa gwɛnįn nwələ too yɛ wəli wolo nuą. Yɛ pələi Davidə ə gɛ la, kaa kpɛli, kaa hvɛli kɛ hɛn nįnɛ̨ɠaa pɛli a ka wɔɔ.


Yili ɓa, nwɔ́ nu huwui kaa kɛa pai náá kɔ́lɔn ɉii, ə həɠə kɛa volói tii ɓa, di kaa pai gɔlɔn ɉii, diɛ ɲą́ą́ ɓə ŋį́ kɛ hvaai di pɔ, gɛ́ kɛ diɛ: Ɲą́ą́ ka.


Yai-Laa kaa pai mą́ą́ mɛ̨nį kəlee kɛi, Yai-Laa! Ə́ wɔ ɲɛ̨imąąwɛli kaa ɲɛ̨n deei hvo mą! Hvó ə́ kili kulɔ ə́ kɛ kóloɠaa hu.


'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei və mą.


'Kánikookwəi! 'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi nwɔ wɛlikɛmąąlaa ɲɛ̨n deei hvo mą!


Kɛlaa, da kɛ wələ tooi diɛ mąną, diɛ kɛ diɛ: «Ku kəlee ku nwun dɔɔi ɓaa a yɛ́!»


Tɔɔmun ə Levi lonnii hee Yai-Laa nwɔ pɛlɛ́i mu a hvɛli woo: talanənŋąą, gwɛnįnŋąą, da bɛlɛgwəi gwɛnįnŋąą; yɛ bələi Davidə ə mo la da Gadə, da tɔɔmun ŋą kwɛlɛɛn gɛɛ kaamun, ɛlɛɛ, Yálá kwəi mɛ̨nį hukulɔ mun Natan. Mąąhɔlɔɓo, Yai-Laa ɓə gwəi mɛ̨nį tí a mɛ̨nįi tii diɛ mo.


'Ka Yai-Laa mąąwiɛ, mąąhɔlɔɓo, nwɔ mɛ̨nį lɛlɛɛi, ə lɛɛ, a kulɔ nwoo ɓa a yələ kəlee.


ə mą kɛ bɛlɛ́ laalei mąąkpɛ nuąi kɛ a Ovɛdə-Edomə da Yehia. Yii ɓaa ɉaláá laahəli nuąi kɛ a; Sevaniahu, Yosafatə, Netanɛlə, Amasai, Zakaria, Benayahu da Eliezɛrə, di mąąnɛ̨ɛ̨ kɛ diɛ túlú hvɛɛ Yálá nwɔ mįnɛ̨ kəhii tɔwɔ.


Davidə da Israɛlə lonnii kəlee diɛ mąną kpɔ kɛnɛ̨ Yálá lííla, diɛ wələ too di pulu, diɛ gwɛnįn ɲɔw, bɛlɛgwəi, ɓala da túlú.


Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.


Tɔɔmun Salomɔn ə nįŋɛ̨ waa pow hveelɛ kɔ́w hveelɛ haláá kulɔ, da taatɛlɛɛ pɛlɛɛ pɛlɛɛ waa nwun dɔ̨nɔ̨ waa pow hveelɛ. Bələ ɓə tɔɔmun da nɔi lonnii kəle di Yálá ŋą pɛlɛ́i mąąhəɠə hɛli pu la.


Dúlú hvɛɛ nuą da nwələ too nuą di woo ə kɛi kulɔ, bɛlɛɛ gee ɓa a nɛlɛɛ, diɛ Yai-Laa mąątɛ̨nɛ̨, diɛ naa tɛ. Ɓɛlɔwai dúlú woo, gbɛŋɛ̨nɛ̨ngwɛli da vɛli kɛ hɛnŋąą yiiɠaa tii di woo ə kɛi kulɔ la, di kɛi Yai-Laa mąątɛ̨nɛ̨ diɛ kɛ diɛ: «Yai-Laa nwɔ mɛ̨nį lɛlɛɛi, ɲɛ̨n deei hvo mą!» Nąąlɔwai, Yai-Laa nwɔ pɛ́lɛi laa ə hvɛɛ a túlɔ kpįnįn.


Yehoyada ə Yai-Laa nwɔ pɛlɛ́i mɛ̨ikaa mɛ̨nį tɛɛ ɉaláá laa həli nuą kpɛa-kpɛaa da lévi lonnii pɔ. Davidə ə wɔlɔ di heekpəlin na kɛ a di kpulu Yai-Laa nwɔ pɛlɛ́i mɛ̨i, əgɛ, diɛ haláá kulɔ laa, di haláá hɛnŋąą kələn nąą Yai-Laa ɓa, a di kwəinɛ̨ɛ̨, diɛ wələ too, yɛ bələi bɛ̨ɛ̨i la Moisə ŋą tɔ́n ɉɛɓɛ́i hu.


Ezekiasə ə mo, di ɉaláá hɛn gələn Yálá kɔ́i. Di di yee pɛlɛ lɔ ɉaláá kulaa ɓa, diɛ Yai-Laa mąątɛ̨nɛ̨ wələ too, diɛ túlu hvɛɛ, diɛ muhee a Israɛlə tɔɔmun Davidə nwɔ hvɛli kɛ hɛnŋąąi.


Di ɉaláá laa həli nuą da Levi lonnii hee a di kpulu, yɛ pələi di kɛ koló ə kɛ la, Yálá hee pɛlɛ́ mu Ɉerusalɛmə daai, yɛ pələi Moisə nwɔ hɛɓɛ́i ə gɛ pələ lɛ la.


Swiv nou:

Piblisite


Piblisite