Kɔlɔnikɔ Veerɛi 7:1 - Yálá laawoo hɛɓɛ (dc)

¹ Kpɛɛi Salomɔn ə mo a Yálá hvɛliɛ, nwɔ̨n ə həɠə yələi pələ, ə yɛɛ, ə ɉaláá hɛn yii da gələ kələn, da ɉaláá hɛn dakpɛliɠaa kəlee kələn. Ɛlɛɛ Yai-Laa Mąąɲįnɛ̨n ə Bɛlɛ laa hvɛɛ.

Yálá laawoo hɛɓɛ

¹ Kpɛɛi Salomɔn ə mo a Yálá hvɛliɛ, nwɔ̨n ə həɠə yələi pələ, ə yɛɛ, ə ɉaláá hɛn yii da gələ kələn, da ɉaláá hɛn dakpɛliɠaa kəlee kələn. Ɛlɛɛ Yai-Laa Mąąɲįnɛ̨n ə Bɛlɛ laa hvɛɛ.

Bible

¹ Tãi Saloma ì kpɛ̀ɛ la a Ɣâla fɛliɛɛi, ŋɔŋ è kùla Ɣâla-taa é tóo géreŋ sala-sãai ma da zâla-sãai gbéli. Nye ƃe Yâwɛɛ ŋɔmaa-waa-laai è Ŋ̀âla-pɛrɛ Kɛ́tɛi láa fɛ̀ɛ.

Kɔlɔnikɔ Veerɛi 7:1 Referans Kwoze

Tɔɔɓɛlaa dɔlɔɔ 18:38

Yai-Laa ə nwɔ̨n gulɔ yələi, ə ɉaláá hɛnŋąą kələn, ə gwɛi kələn, ə gwɛniɠaa kələn, bɔlɔi di gulɔ di dɔɔ, ə kəlee kələn, ɲái kɛ nowa hu, ə gbala.

Kɔlɔnikɔ Maa-ŋuŋ 21:26

Davidə ə haláá kulɔi bɛli laa a Yai-Laa nwɔɔ, ə Yálá kɔ́ laa a haláá hɛn da gəlee kələn, da pɔnaa kulɔ haláá. Ə Yai-Laa təli laa a naa, yili ə nwoo mu hon a nwɔ̨n ə doo ɉaláá hɛnŋaa hu.

Tɔɔɓɛlaa dɔlɔɔ 18:24

Yili pulu, ka ka woo tɛ ka wɔ halii pɔ pələ, ɲą́ą́ gbɛli, ŋą́ nwoo tɛ Yai-Laa pɔ pələ. Ɲálá hveelɛ tii, yii a nwɔ̨n dɛɛ, a kɛ tii ya ɓə a Yálá hvulú mąą.» Nu kəlee diɛ mą: «Kwaa hvaa mą.»

Izikiɛ 44:4

Nui tii ə nɔ́ voló ɓɛlai pələ pɛlɛ́ laaləi; bɛlɛ́ ɲɛ̨i lɛlɛɛ kɛɛnąą pələ. Ŋą́ ɲɛ̨i hee, ŋą́ Yai-Laa Mąąɲinɛ̨n gaa, aa kɛ Yai-Laa nwɔ pɛlɛ́i laa hvɛɛ, ŋą́ pɛlɛ nɔi ɓa, nííɓa.

Izikiɛ 43:5

Yálá nwɔ Kilii ə ɉə́ɠə ə li a ɲą́ą́, gwəli hɛ̨ąi tii ɉu pələ ma, Yai-Laa nwɔ mąąwiɛ aa kɛ bɛlɛ́i tii laa hvɛɛ.

Zɛnɛse 15:17

Ɓɛlɔwai kpinį ə pɛlɛ la, ɲąąɓa, nwɔ̨n deŋą ta ə tɛɛ, ɉuwɔɠaai tii ləi Abramə ə ɉu tee-tee, di mɛ̨i, nwɔ̨n nən yɛ ɓo mą.

Nwun mąąɓo 6:21

Ya ɓə, Yai-Laa nwɔ malakai ə ɲee haŋą, dunwɔ̨n tii kɛ ɲəi, ə ɉee ɉuwɔ da nɛɠɛ diɛ. Nwɔ̨n ə kulɔ gwɛni hu, ə ɉuwɔ da nɛɠɛ di kələn. Yili pulu, malaka ə kwɛlɛɛn, Zedeɔn hvo kɛa gaa.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Danîa 9:20

Ŋą́ kɛi lɔ Yálá hvɛli, gɛ́ hvaa gɛ́ hɔnŋaa diɛ da Israɛlə nu huwu di wɛi, ɲee ŋɛ̨i Yálá ə kəi gbɔwɔ lɛ dona nwɔ nuąi diɛ, ŋą́ kɛi Yálá hvɛli, ɲee tii mąą mɛ̨nį ɓa.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Lɛɛ gbɔwɔ ɓa 29:43

Gáá pai kɛi pai kwa Israɛlə lonnii kuɔ ku kee kaa gɛɛnąą ti ɓa, nwɔ́ mąąwiɛ a nąą kɛ a kɛɛnąą mąąhəɠɛɛ.

Lɛɛ gbɔwɔ ɓa 19:18

Sinai yee ə kɛ lɔ a nwɔ̨n nulu. Mąąhɔlɔɓo, Yai-Laa aa kɛ yɛɛ laa nwɔ̨n ɉu, nwɔ̨n nulu ə kɛi tɛ yɛ kpaɠa nwɔ̨n nulu, ɲee yɛ kpɛlin gbɔ kɛnɛ̨.

Malasi 3:4

A kɛ tii, Yai-Laa a ɲee lɛlɛɛ hee Ɉuda nu huwu da Ɉerusalɛmə nuą di wɔ Yálá kɔ́ hɛnŋąą mu, yɛ bələi wɔlɔ ə kɛ la.

Tɔɔɓɛlaa dɔlɔɔ 9:1

Ɓɛlɔwai tɔɔmun Salomɔn ə kpɛɛ la a Yai-Laa hee pɛlɛ́ tɔɔ, da dɔɔ pɛlɛ́, da yiiɠaa kpɔ ə kɛ bɔ ə gɛ, ə yili kəlee kɛ.

Mąątɛ̨nɛ̨ 26:8

Yai-Laa, yɛ́ pɛ́lɛ́i tii ə́ kaa mu, nwɛli kaa mą́ą́, da ɓɛi ə́ wɔ mąąwiɛ kaa laai.