Kɔlɔnikɔ Veerɛi 34:5 - Yálá laawoo hɛɓɛ (dc)

⁵ Ə ɉaláá laa həli nuą tii kɔ́wɠaa kələn ɉali kɔ́iɠaa tii ɓa. Bələ ɓə ə Ɉuda da Ɉerusalɛmə mąąhəɠə la.

Yálá laawoo hɛɓɛ

⁵ Ə ɉaláá laa həli nuą tii kɔ́wɠaa kələn ɉali kɔ́iɠaa tii ɓa. Bələ ɓə ə Ɉuda da Ɉerusalɛmə mąąhəɠə la.

Bible

⁵ È dísala-laa-soŋ ƃelai káo kereŋ díɣâla-teƃele ŋai ŋá. Berei ŋí ƃe è Zuda da Zerusâlɛŋ maa waa la.

Kɔlɔnikɔ Veerɛi 34:5 Referans Kwoze

Tɔɔɓɛlaa dɔlɔɔ 13:2

Ə tomą ɉaláá kulɔi mɛ̨i, yɛ diɛ: «Haláá kulɔi yɛ́ ɓə! Mɛ̨nįi Yai-Laa kaa moi ə́ laa mɛ̨i, ya ka, yɛ diɛ: Lon ɉulɔnu ta kaa pai hɔlɔɓoi Davidə yəi bɛlɛ́n, diɛ kɛ mą: Ɉosiasə. Gaa pai ɉaláá laa həli nuą ŋɛ̨i ɉaliɠaa lííla, di kulɔi a haláá ɓɛ ɉaláá kulɔi. Diɛi tii kɛi lansan kələn ə́ mɛ̨i, di kaa pai nu kɔ́wɠaa kələn ɉii ə́ mɛ̨i.»

Izikiɛ 22:24

«Hulɔnu lon, 'mo Ɉerusalɛmə ɓa yɛ́ mą; gaa a lɔi mąą hvo həɠə li, tulɔ hvo pu li mą a liiholi yələ.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Kɔlɔnikɔ Veerɛi 34:7

ə ɉali kɔ́iɠaa wolo, nwuluɠaa di kɛi gɔ́, ə mą kɛ, ɉaliɠaa ə di hu tee-tee, lansan kələn ɉiiɠaa kɛ Israɛlə lɔi hu, ə gəlee wolo. Ə bulu pənə ə pa Ɉerusalɛmə.

Tɔɔɓɛlaa veelɛ 23:20

Nuąi kɛ a haláá laa həli nuą di wɔ haláá kulɔiɠaa tii ɓa, Ɉosiasə ə gəlee paa laa, ə nu kɔ́wɠaa kələn nąą, yili pulu ə pənə ə pa Ɉerusalɛmə daai.

Tɔɔɓɛlaa veelɛ 23:16

Yili pulu, Ɉosiasə ə tinɛ̨n, ə kámąɠaa kaa ɲee mɛ̨i, ə nuą tɔɔ də li di nu kɔ́wɠaa yɛɠɛ gámąɠaa hu, ə nu kɔ́wɠaa tii kələn di wɔ haláá kulɔiɠaa ɓa, ə nąą kɔ́hɔɓo yɛ bələi Yai-Laa nwɔ nui ə gbɛa mo la.

Lonon mo 35:33

«Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Kɔlɔnikɔ Veerɛi 34:33

Yili pulu, Ɉosiasə ə mąąluwu túwɔ́ɠaa tii kəlee kpɛɛ Israɛlə lɔi nąą kəlee. Nuąi kpɔ kɛ Israɛlə lɔi hu, ə kpala di la, diɛ tí di wɔɔ Yálái Yai-Laa ɓa. Ɉosiasə nwɔ yɛnɛ̨ɛ̨ kəlee yee mu, di hvo di pulu tɔɔ di nąnni di wɔɔ Yálái Yai-Laa.