Kɔlɔnikɔ Veerɛi 26:8 - Yálá laawoo hɛɓɛ (dc)

⁸ Meun nuą di kɛi nįįhɔ̨nwɔ̨ kulɔ Oziasə ɓa. Oziasə laa ə tɛ, ə həli la Eziptə lɔi ɲɛ̨n ma; mąąhɔlɔɓo, vaŋą ə kɛnɛ̨ kpɔ a neelee.

Yálá laawoo hɛɓɛ

⁸ Meun nuą di kɛi nįįhɔ̨nwɔ̨ kulɔ Oziasə ɓa. Oziasə laa ə tɛ, ə həli la Eziptə lɔi ɲɛ̨n ma; mąąhɔlɔɓo, vaŋą ə kɛnɛ̨ kpɔ a neelee.

Bible

⁸ Amɔŋ-ŋai dí pà bɔ́ a ŋuŋ-fela. Nya ƃe maa mɛni duŋ è tàa-taa kpɔ́ é seri Ize ŋɔkɔyɛŋ perei ma, kpɛ́ni fêi è kɛ̀ a ŋ̀wála-walaa.

Kɔlɔnikɔ Veerɛi 26:8 Referans Kwoze

Kɔlɔnikɔ Veerɛi 17:11

Di kɛi həɠə a hamą pilɛɠaa Filisti lɔi hu, diɛ paa la Ɉosafatə pɔ, a wali, da nįįhɔ̨nwɔ̨. Ə mą kɛ Arabə lɔi hu nuą di kɛi pa bɔ a taatɛlɛɛɠaa: Ɓɛlaa hilɛ waa mɛ̨ihveelɛ pulu nwun mɛ̨ihveelɛ da Ɓooli hilɛ waa mɛ̨ihveelɛ pulu nwun mɛ̨ihveelɛ.

Samia Veerɛi 8:2

Davidə ə Moabə nuą hon a kɔ́; ə di pɛlɛ nɔi ɓa, ə di heei kɛ haaɓa, ə ɉeei hveelɛ paa, ə ɉeei tɔ̨nɔ̨ lɛɛ a vulú. Moabə nuą di lɛɛ Davidə yee mu, diɛ nįįhɔ̨nwɔ̨ kulɔ mą.

Zɛnɛse 19:38

Nokolo laamun yaa kpɛli ə naayɛɛ a hulɔnu, ə naa hee a Bɛn-Ami. Bɛn-Ami ɓə kɛ a Amɔn lɔi hu nuą di kalaɓɔlɔ.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Kɔlɔnikɔ Veerɛi 20:1

Yili pulu, Moabə nuą, Amɔn lonnii, ə pɛlɛ la Maɔn nuą, di pa kɔ́ pɛlɛi Ɉosafatə ɓa.

Samia Veerɛi 8:13

Davidə laa ə tɛ, ɓɛlɔwai ə pənə la yɛ pa, ɲee a tɛɛ Aramə nuą diɛ; diɛi kɛ a gboloyá kwɛlɛ lɔi hu nuą. Aramə nuą di kɛ a nu waa pow kɔ́w mɛ̨ihaaɓa.

Samuɛlə dɔlɔɔ 11:1

Nahasə, Amɔn mun ə kɔ́ pɛlɛ Yavɛsə taa ɓa Galaadə lɔi hu. Di daa mąątínɛ̨n a gɔ́ laɠa, Yavɛsə nuą kəlee diɛ Nahasə ɓa: «Gu too nɛ̨ɛ̨laa hu, ku lɛɛ ə́ yee mu.»

Dutɛrɔnome 2:19

Ə́ həli hiɛ li Amɔn lonnii di wɔ lɔi hu. Hvó kɔ́ pɛlɛ diɛ, hvó hvaa kwɛli diɛ. Mąąhɔlɔɓo, Amɔn lonnii di wɔ lɔi hu, və́ pai hɛn da tɛɛi ə́ pɔ nąą. Lɔtə lonnii ɓə ŋį́ nɔi tii tɛɛ di pɔ a di hee lɔi.»

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Kɔlɔnikɔ Veerɛi 26:9

Oziasə ə Ɉerusalɛmə taa mąąkpɛ pɛlɛ́ɠaa tɔɔ ɉįi mɛ̨i, ɉįi kpoloon kee kaai gbon gɛɛ nąą, ə da kɛ ɲa-ɓoloon bɔ gbon gɛɛ nąą, ə da kɛ Redan mɛ̨i, ə di huwalawala.

Kɔlɔnikɔ Maa-ŋuŋ 14:17

Davidə laa ə tɛ nɔi kəlee hu, Yai-Laa ə Davidə yee kɔ̨nwɔ̨n ɉu ɓɛlɛ lɔi kəlee diɛ ɲɔw mą.

Kɔlɔnikɔ Veerɛi 27:5

Yotamə ɓə kɔ́ pɛlɛ Amɔn lonnii di wɔɔ tɔɔmun ɓa, ɲee ə tɛɛ mą. Mąą kwɛlan tii, di wali kwələ nwundɔ̨nɔ̨, mɔ̨nun gɔw kpili waa pow, da kpai kɔw kpili waa pow, ya ɓə bɔ. Di gɛ lɔ tii gwɛlan veelɛnąą da gwɛlan ɉaaɓanąą.