Kɔlɔnikɔ Veerɛi 26:5 - Yálá laawoo hɛɓɛ (dc)

⁵ Oziasə ə kɛi Yálá liiɓa kwɛli a yələ kəlee Ɉekariahu nwɔ yɛnɛ̨ɛ̨ kəlee yee mu, Ɉekariahu ɓə kɛi niɛwoo kɛ a Yálá nwɔ ɲɔwumąą laa. Yaan, yii kpɔ ə kɛi kulɔ nwoo ɓa da Yai-Laa di lɔwai, Yálá ə kɛi gɔ́ a nwun na nɛ̨ɛ̨.

Yálá laawoo hɛɓɛ

⁵ Oziasə ə kɛi Yálá liiɓa kwɛli a yələ kəlee Ɉekariahu nwɔ yɛnɛ̨ɛ̨ kəlee yee mu, Ɉekariahu ɓə kɛi niɛwoo kɛ a Yálá nwɔ ɲɔwumąą laa. Yaan, yii kpɔ ə kɛi kulɔ nwoo ɓa da Yai-Laa di lɔwai, Yálá ə kɛi gɔ́ a nwun na nɛ̨ɛ̨.

Bible

⁵ Tãi Zɛkɛrɔya è wɔ́lɔ kɛ̀ la ɣele mai, Uzia è wɔ́lɔ kɛ̀ Ɣâla pôlu. Zɛkɛrɔya ƃa kâa kili-ŋa pôno tɛ̀ɛ bɔ́ é pîlaŋ Ɣâla ma. Tãi kpɔ́ nɔ́ è wɔ́lɔ kɛ̀ la Yâwɛɛ pôlui, Ɣâla a kâa kɛ̀ nɔ́ bôlu mɛni lɛ́lɛɛ su.

Kɔlɔnikɔ Veerɛi 26:5 Referans Kwoze

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Veerɛi 24:2

Ɉoasə ə túwɔ́ a ɉaŋąą Yai-Laa ɲɛ̨i ɓa, ɉaláá laa həli mun Yehoyada ŋą yɛnɛ̨ɛ̨ kəlee yee mu.

Kɔlɔnikɔ Maa-ŋuŋ 22:13

Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.

Danîa 5:16

Ŋą́ą́ mɛ̨n diɛ, ya pɛli mą ə́ ɉukulɔ, ə lɛɛ, yɛ́ mɛ̨nį walawalaɠaa hon bələ kpaɠala lɛ. Yiihu kɛa, akɛ ya pɛli ə́ ɉɛɓɛ́i ŋɛ̨i ɓo, ə́ ɉukulaa lɛ mą́ą́, ŋą́ nini kɔ́lɔ həɠə too ə́ kwąną, ŋą́ hɛni kwɛan doo ə́ kwąną, ŋą́ nwɔ́ tɔɔlaai ɲąąwooɓo ɉaaɓa kɛɛnąą tɛɛ ə́ pɔ.»

Danîa 10:1

Pɛrsə mun ŋɛ̨i ka kɛ mą Sirusə, yai kɛ a nɔi nwun nąmu, nwɔ tɔɔlaa gwɛlan ɉaaɓa lɔwai, Yálá nwɔ wɛlɛɛ ɓomun da ə wɛlɛɛ ta ɓo Daniɛlə ɓa, yaai naa mɛ̨i hee ɓaa Bɛltsasarə. Nwɛlɛɛi tii ə kɛ a wɛlɛɛ yii mąąnɛ̨ɛ̨ nu ə laa na, mąąhɔlɔɓo, gaa kɔ́ kpɔluɔ mąą mɛ̨nį ɓoi. Daniɛlə ə giliŋąhiɛ, ə ɉįi tii mukulaa kaa.

Danîa 2:19

Nąąlɔwai, Yálá ə hvaa mą, ə mɛ̨nį loɔ tii lɛ Daniɛlə ɓa a kpinį hįi pələ. Daniɛlə ə nɛɛmą, Yálá yii gaa yələkɔlɔn ɉu, ə ɉɛɠɛɛ ɓo.

Danîa 1:17

Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Kɔlɔnikɔ Veerɛi 25:8

Gbala ə tɔɔ, da a lɛɛ ə́ pɔi, ə mą kɛ ə́ walaai kɔ́ kɔ́i, Yálá a kwɛni kulɔ ə́ kɔ́wɔ mu ə́ yowo lííla. Hvo gaai, Yálá ɓə a kɔ́ nɛ̨ɛ̨ nu ɓa, yaa lɔ ɓə a kwɛni kulɔ nu kɔ́wɔ mu, kɔ́ yɛ kala mą.»

Zɛnɛse 41:15

Tɔɔmun yɛ Ɉosɛfə ɓa: «Ŋą́ą́ hį́i ta kaa, nu ta hvo pɛli li mukulɔi mą́ą́. Kɛlaa, di mo mą́ą́ diɛ, nu a nwɔ hįi woo ɓo yɛ́, ya pɛli mukulaa lɛi mąą nu ɓa.»

Osia 6:4

Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Kɔlɔnikɔ Maa-ŋuŋ 22:11

«Nón! Yii hu kɛa, gɛ́, Yai-Laa ə kɛ ə́ pɔ, əgɛ, ə́ yee ə lɔ Yai-Laa ə́ wɔɔ Yálái nwɔ pɛlɛ́i tɔɔ mɛ̨nį ɓa, yɛ bələi ə mo la ə́ laa mɛ̨i!

Nwun mąąɓo 2:7

Ɉosue kɛɛni yɛnɛ̨ɛ̨, nɔi nuą kəlee di kɛi tí Yai-Laa ɓa, ɉaa pulu, galanɉonŋaai di ɲɛ̨i ə tɔɔ Yai-Laa kɛ mɛ̨nįɠaa hu, di wɔɔ yələi, Israɛlə lonni di kɛi lɔ ni tí Yai-Laa ɓa.

Zɛnɛse 41:38

Tɔɔmun yɛ ɲee pɔ nuą diɛ: «Yálá nwɔ Kilii kaa nui ŋɛ̨i yəi, a kɛ tii, gwa nɛɛ laa, gwa pɛli kɛa nu takpɛli hɔlɔɓoi ə tɛɛ yaa ŋɛ̨i mą?»

Gɛlaɠaa 20:30

Ə mą kɛ ka lɔwai, nu taɠaa kaa pai kɛi lɛɛ kɛi, ə gɛ di laa na nuą nwun dinɛn, di di hvilɛn di pulu.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Tɔɔɓɛlaa veelɛ 15:34

Yotamə ə túwɔ́ a ɉaŋąą Yai-Laa ɲɛ̨i ɓa, kpɔlɔɔ yɛ nąn Oziasə.

Kɔlɔnikɔ Veerɛi 26:4

Oziasə ə túwɔ́ a ɉaŋąą Yai-Laa ɲɛ̨i ɓa, yɛ bələi nąn Amasiasə ə gɛ la.

Kɔlɔnikɔ Veerɛi 27:6

Yotamə hvaŋą ə kɛnɛ̨ tii, mąąhɔlɔɓo, ə ɉiɛ ɲɛ̨lɛkɛ nwɔ Yálái Yai-Laa ɲɛ̨i ɓa.

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.

Zasua 1:8

'Gɛ pələ kwɛli mą, dɔ́n ɉɛɓɛ́i ŋɛ̨i, hvó kpəla moɔ ɓa, yɛ́ ə́ kiliŋąhiɛ mą a hvóló da kpinį. Ya ɓə a gɛ ə́ pɛli túwɔ́i yɛ dɔ́n tii hvaa woo. Yili pɔ pələ ɓə, ə́ yee kɔ̨nwɔ̨n ɉu a ɓɛlɛ́ la, ə́ yee yɛ tɛɛ ə́ kɛ mɛ̨nįɠaa diɛ.

Kɔlɔnikɔ Veerɛi 14:6

Asa yɛ Ɉuda nuą diɛ: «'Ka gu daaɠaa ŋɛ̨i tɔɔ, gu di mąątinɛ̨n a hįį, gu mɛ̨ikaa pɛlɛ́ɠaa tɔɔ mɛ̨i, gu kponŋąą too na, da di laa kpulu kwɛliɠaa. Nɔi kaa liilaa hu gu yəi. Mąąhɔlɔɓo, Yai-Laa gu wɔɔ Yálái kwɛlii ŋɛ̨i gu mo, guɔ lɛɛ mą a kwəi tɔ̨nɔ̨ laa, mąą mɛ̨nį ɓa, aa hvįitɔɔ tɛɛ gu pɔ bələ kəlee.» Di nɛɛ mą di daa tɔɔ kolóɠaa tii kɛ.

Kɔlɔnikɔ Veerɛi 29:1

Ɓɛlɔwai Ezekiasə ə tɔɔlaa hɔlɔɓo la, gaa kwɛlan ə kɛ pow hveelɛ gɔw lɔɔli, ə dɔɔlaa kɛ kwɛlan bow hveelɛ gɔw mɛ̨inąąn ɲeemu, Ɉerusalɛmə daai. Nee ɓa kɛ a Ɉekaryahu lon Aviya.

Kɔlɔnikɔ Veerɛi 32:30

Ezekiasə tii ɓə Gihɔn yaɠaa nwun gulɔi laa kpulun ɲánwuɔ̨ pələ, ə ɲa laa ɉɛɠɛɛ pələ, voló tooi pələ Davidə taa tənən ma. Mɛ̨nįɠaa kpɔ Ezekiasə ə ɲee too ɉu, ɉu ə nɛ̨ɛ̨ mą.