Kɔlɔnikɔ Veerɛi 24:7 - Yálá laawoo hɛɓɛ (dc)

⁷ Hvó gaai, nɛ̨ŋɛ̨n nowo Atali da nonnii, daa Yálá ŋą pɛlɛ́i lɛɛ laa aa kala, ɛlɛɛ mun, daa Yai-Laa yəi bɛlɛ́n ɉɛnɲąŋą mąąhəɠɛɛɠaa həɠə, diɛ Baalə haliɠaa mąą mɛ̨nį kɛ ɉu.»

Yálá laawoo hɛɓɛ

⁷ Hvó gaai, nɛ̨ŋɛ̨n nowo Atali da nonnii, daa Yálá ŋą pɛlɛ́i lɛɛ laa aa kala, ɛlɛɛ mun, daa Yai-Laa yəi bɛlɛ́n ɉɛnɲąŋą mąąhəɠɛɛɠaa həɠə, diɛ Baalə haliɠaa mąą mɛ̨nį kɛ ɉu.»

Bible

⁷ Ǹɛnî sɔŋ nyɔ́mɔɔi tí da kâa dòli a Atalia ǹônii-sinaai dí lɔ̀ Ɣâla ŋɔpɛ́rɛ kɛ́tɛi mu dí zãa maa-waa-ŋai síɣe a gɛ̀ɛ díkɛ tíi kɛ̀ a dîa Bêe mɛni ma.

Kɔlɔnikɔ Veerɛi 24:7 Referans Kwoze

Kɔlɔnikɔ Veerɛi 21:17

Di pa di kɔ́ pɛlɛ Ɉuda lɔi ɓa, di lɔ nɔi, ɉɛnŋąą kpɔ kɛ tɔɔmun ɲəi bɛlɛ́n, di gəlee həɠə, ə mą kɛ, nɛ̨ąni da nonnii. Lon və kɛa lɛɛ ɲəi, ə kulɔ lɔ non nokolo laamun Yoakazə bulu.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

Tɛsalonikə veelɛ 2:8

nąąlɔwai ɓə mɛlɛtoomun tii a kulɔ la pono ŋą, ɛlɛɛ, gu Ną́mu Jesus ə nwun napili a naa-hvaŋą, ə ɉu kala, a nwɔ kɛɛ ponoi gaa pai la, ɉu.

Osia 2:13

Gáá pai nwɔ kwəinɛ̨ɛ̨ mɛ̨nįɠaa kəlee kpɛlai, da nwɔ hɛliɠaa, da nwɔ ɲąnįn ninɛ̨ hɛliɠaa, da nwɔ hvįįtɔɔ yələɠaa, da nwɔ hɛli kpɛa-kpɛa kɛ yələɠaa kəlee.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Hanwon 10:7

Tələnmo nuą kili kaa nuą ŋą, diɛ lúwɔ́ too diɛ. Kɛlaa, nwąnąlɔ nuą laa a pu pɔlɔ hu.

Tɔɔɓɛlaa veelɛ 12:4

Kɛlaa, ə mą kɛ tii, hvo ɉali kɔ́iɠaa taɠa, nuą di kɛi lɔ haláá kulɔ ɲeeɠaa ɓa, diɛ hɛn lansan kələn gɛɛnąąɠaa tii ɓa.

Nwun mąąɓo 2:11

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Israɛlə lonnii di di yee lɔ ɉu, di kwɛli hvilɛn Baalə haliɠaa diɛ.

Kɔlɔnikɔ Veerɛi 24:4

Yili pulu, Yai-Laa ŋą pɛlɛ́i pu mɛ̨nį nįnɛ̨ kɔ́lɔi, mąą kiliŋąhiɛ ə too Ɉoasə ɓa;

Tɔɔɓɛlaa veelɛ 11:1

Yii kɛa Akaziasə nee Atali ə gɔlɔn yɛ non aa haa, ə gɔwɔ tɔɔ yɛ dɔɔ kwəlii lɛapɛlɛɛ kəlee paa.

Kɔlɔnikɔ Veerɛi 22:3

Akaziasə yaa kpɛlimąn, ə hvilɛn Akabə nwɔ pɛlɛ́i mu nuą kpaalə hu, hvo gaai, nee ɓə kɛi niɛwooɓo a túwɔ́ pələ ɲɔ̨n gɛɛ.

Osia 2:10

Hvo kɛ gbaɠala kɔ́lɔn yɛ kɛ mɔ̨nun, wulɔ, lɔɔ nɛ̨ɛ̨, ɲą́ą́ ɓə kɛi di tɛɛ bɔ, ŋį́ kɛi wali tiɛ̨ mą, ɛlɛɛ, ɉɛni nwɛi, di kɛi Baalə mąą mɛ̨nį kɛ la.