Kɔlɔnikɔ Veerɛi 23:3 - Yálá laawoo hɛɓɛ (dc)

³ Nu kpului tii pa, di kəlee di ɲąąkpɔnŋąąi kɛ Yálá yəi bɛlɛ́n, di mįnɛ̨ həɠə tɔɔmun mąą mɛ̨nį hu. Yili pulu, Yehoyada yɛ diɛ: «Tɔɔmun non ga! Yaa ŋɛ̨i ɓə mąąnɛ̨ɛ̨i ə hee a dɔɔmun, yɛ bələi Yai-Laa ə mo la Davidə mąą mɛ̨nį ɓa.

Yálá laawoo hɛɓɛ

³ Nu kpului tii pa, di kəlee di ɲąąkpɔnŋąąi kɛ Yálá yəi bɛlɛ́n, di mįnɛ̨ həɠə tɔɔmun mąą mɛ̨nį hu. Yili pulu, Yehoyada yɛ diɛ: «Tɔɔmun non ga! Yaa ŋɛ̨i ɓə mąąnɛ̨ɛ̨i ə hee a dɔɔmun, yɛ bələi Yai-Laa ə mo la Davidə mąą mɛ̨nį ɓa.

Bible

³ Díkelee dí kpanaŋ-woo kɛ̀ da gâloŋ-ni Ɣâla ŋɔpɛ́rɛ kɛ́tɛi lá. Zeoiada è mò dîa ǹyɛɛi, “Gâloŋ ǹóŋ-surɔŋ a pâi kɛ̂i ǹɔii mɛi yɛ̂ɛ berei Yâwɛɛ è wɔ́lɔ góno tèe lai é pîlaŋ Deeƃé ŋɔsuui mai.

Kɔlɔnikɔ Veerɛi 23:3 Referans Kwoze

Kɔlɔnikɔ Veerɛi 21:7

Kɛlaa, Yai-Laa hvo kɛ bɔ, hvo Davidə nwɔ pɛlɛ́i pu, mįnɛ̨i da Davidə di ɉəɠə mąą mɛ̨nį ɓa, mįnɛ̨i tii kaa Davidə lonnii di wɔɔ; mąąhɔlɔɓo, Yálá ə mo yɛ, nwɔ̨n ŋɛ̨i aa ɉee laai, hvo pa luwun ɉii.

Kɔlɔnikɔ Veerɛi 6:16

Akɛ tii kani, Yai-Laa Israɛlə nwɔ Yálá! Nwooi ə́ mo ə́ wɔɔ tímun ną́n Davidə ɓa, yɛ kɛ mą: ‹Ə́ huwu hvo pai kpɛɛi nííla Israɛlə nwɔ tɔɔkpəlin mɛ̨i, akɛ ə́ lonnii daa kɛi di hiɛ pələ ɲɛ̨lɛkɛ, diɛ túwɔ́ a nwɔ́ɔ́ tɔ́n nwooi, yɛ bələi ə́ hiɛ la ɲɛ̨́i ɓa.›

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Kɔlɔnikɔ Veerɛi 7:18

ŋį́ ə wɔɔ tɔɔkpəlin laa hɔn mo, yɛ bələi ŋį́ naakwɛlanmo la ə́ nąn Davidə ɓa, gɛ́ kɛ mą: ‹Ə́ kwəi lonnii di hvo pai kpɛɛi Israɛlə dɔɔkpəlin ɉu, a yələ kəlee mɛ̨nį.›

Tɔɔɓɛlaa veelɛ 11:17

Yohoyada da tɔɔmun, ɛlɛɛ, da nɔi nuą di mįnɛ̨ həɠə Yai-Laa ɲɛ̨i ɓa, ə gɛ, nɔi ə kɛ a Yai-Laa nwɔɔ.

Tɔɔɓɛlaa dɔlɔɔ 2:4

Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Mąątɛ̨nɛ̨ 89:36

Ŋą́ą́ gwɛla mą a yələ kəlee mɛ̨nį, a nwɔ́ mąąhəɠəlaa; vá Davidə ɓowo kpɔ tanɔ̨n kpɛli.

Mąątɛ̨nɛ̨ 89:29

Nwóói ŋį́ gwɛlɛ mą, ŋą́ bɔ mɛ̨nį kɛ a yələ kəlee, nwɔ́ mɛ̨inɛ̨ɛ̨ ə ɓo mɛ̨i a yələ kəlee.

Kɔlɔnikɔ Veerɛi 23:16

Yehoyada da nɔi lonnii kəlee, ə pɛlɛ la tɔɔmun ma, di mįnɛ̨ həɠə, diɛ di kaa kɛi a Yai-Laa ŋą nu huwu.

Kɔlɔnikɔ Maa-ŋuŋ 11:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun, yɛ bələi Yai-Laa ə mo la Samuɛlə ɓa.

Tɔɔɓɛlaa dɔlɔɔ 9:5

ŋą́ ə́ wɔ tɔɔ kpəlin laa hɔn mo a yələ kəlee Israɛlə nwun na; yɛ bələi ŋą́ mo la ə́ nąn Davidə ɓa, gɛ́ kɛ mą: ‹Nu kaa pai hɔlɔɓoi ə́ yəi bɛlɛ́n a yələ kəlee, yɛ hee Israɛlə nwɔ tɔɔ kpəlin hu.›

Samia Veerɛi 7:16

Ə́ wɔ pɛlɛ́i da ə́ wɔ tɔɔlaai di kaa pai kɛi ɲɛ̨́i mu a yələ kəlee. Ə́ wɔ tɔɔ kpəlin a kɛ a ɉeɛ kpɔ a gbilin yələ kəlee mɛ̨nį.»

Samia Veerɛi 5:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun.