Kɔlɔnikɔ Veerɛi 22:5 - Yálá laawoo hɛɓɛ (dc)

⁵ Di wɔɔ liɛwoo ɓə gɛ, da Israɛlə tɔɔmun Yoramə Akabə lon, diɛ li kɔ́ pɛlɛi la Aramə tɔɔmun Hazaɛlə ɓa Ramotə Galaadə lɔi hu. Kɛlaa, Aramə nuą di Yoramə nwąną.

Yálá laawoo hɛɓɛ

⁵ Di wɔɔ liɛwoo ɓə gɛ, da Israɛlə tɔɔmun Yoramə Akabə lon, diɛ li kɔ́ pɛlɛi la Aramə tɔɔmun Hazaɛlə ɓa Ramotə Galaadə lɔi hu. Kɛlaa, Aramə nuą di Yoramə nwąną.

Bible

⁵ È ŋɔ́nɔ ǹyée see dília-wooi mu da Eezuɛ-ŋai díkâloŋ Zoraŋ nyíi kɛ̀ a Eɣa ǹóŋ dí lí díkɔ pɛ́lɛi Siria Kaloŋ Azae ma Lemɔ Gilia. Asiria-ŋai dí Zoraŋ ŋwàna gɔ́i ŋí su.

Kɔlɔnikɔ Veerɛi 22:5 Referans Kwoze

Mise 6:16

Omri nwɔ tɔ́nŋaai ɓə ə́ yee kaa mą, da Akabə yəi bɛlɛ́n ɲii pələɠaa kəlee, bələi da ka tí la, bələ ɓə ka hiɛ la, yili mąą mɛ̨nį ɓa, gáá pai ɲɔw pilii nɔi hu, yɛ nɔi hu nuą mąą kpɛlin, gɛ́ di kɛ a yɛlɛ kulɔ ɉu hɛn, nwɔ́ nu huwuɠaai wɛli aa kpɛɛ mą́ą́ kpɔ tɛ́-tɛ́.»

Danîa 5:22

Yɛ́i ŋɛ̨i a non Bɛlsasarə, ə́ kili kaa mɛ̨nįɠaai tii kəlee hu, kɛlaa, hvo gɛ li hvo ə́ kpɔɔ mąąyɛɛ Yálá yee mu.

Mąątɛ̨nɛ̨ 1:1

Nwun na nɛ̨ɛ̨mun maa, nui hvo nu ɲɔ̨nwɔ̨ɔ̨ɠaa di wɔ liɛwoo pɔ, hva hiɛ nɛ̨ŋɛ̨n ɉəɠə nuą di wɔ pələi mɛ̨i, ɛlɛɛ, hva hee nuąi da yɛlɛ kulɔ Yálá hu, di lɔwai.

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Kɔlɔnikɔ Veerɛi 18:31

Ya ɓəi gɛ, ɓɛlɔwai kɔ́-wotolo nwun nąmįną di Ɉosafatə kaa la, di kɛi kɛ diɛ: Israɛlə tɔɔmun ga tii. Di nɛɛ mą, di mąątínɛ̨n, əgɛ, di ɉon. Kɛlaa, Ɉosafatə ə tómą, Yai-Laa ə kpɔnmąą tɛɛ bɔ, Yálá ə di ɲɛ̨i tínɛ̨n ə ɉəɠə mą.

Kɔlɔnikɔ Veerɛi 18:3

Israɛlə tɔɔmun Akabə yɛ Ɉuda tɔɔmun Ɉosafatə ɓa: «Ə́ kaa pai gwə li gu kɔ́ pɛlɛ Ramotə ɓa, Galaadə lɔi hu?» Ɉosafatə yɛ mą: «Gu kaa a nu tɔ̨nɔ̨, ə́ nwɔ nu huwui da nwɛ̨́i di kaa a nu tɔ̨nɔ̨. Ku kaa pai, gwə li.»

Tɔɔɓɛlaa veelɛ 8:9

Hazaɛlə ə li ə həli Elise ɓa. Ə Damasə hɛnŋąą nɛlɛ-lɛlɛɛɠaa həɠə yai a pɛli kɛi a Ɲɔ̨ɔ̨nwɔ̨mɛɛ pow nąąn diɲɛ̨, yɛ li la Elise pɔ, a kɔ́ɓo hɛn. Həlii ə mo Elise ɓa, yɛ mą: «Ə́ lon Bɛn-Hadadə, Aramə tɔɔmun mə dɔ́ɔ́ ə́ pɔ, ə́ mąąni kɛ mɛ̨nį ɓa; akɛ gaa pai kulɔi ɲɔ̨n tii hu?»

Tɔɔɓɛlaa dɔlɔɔ 22:3

Israɛlə tɔɔmun aa kɛ mo nwɔ nwun nąmįną diɛ, yɛ diɛ: «Ka kili kaa ɉu kaa, Ramotə taai ŋɛ̨i Galaadə, gaa a gu wɔɔ kɛlɛi? Lə mɛ̨nį ɓa, ka gu hvo ɉəɠəi Aramə tɔɔmun ɲəi?.»

Tɔɔɓɛlaa dɔlɔɔ 4:13

Gɛvɛrə lon mə kɛ Ramotə Galaadə lɔi nwun na; ɛlɛɛ, Manase lon Yairə nwɔ taaɠaai di ɓo ɲee mu; diɛi kɛ Galaadə lɔi hu. Argɔvə lɔi kɛ Basan nɛ̨ŋɛ̨ lɔi hu, ɓɛi taa kpɛa kpɛaa pow mɛ̨ida ə kɛ laa, mąą tinɛ̨n ŋąą a hįi, kpon ə ɓo na, nwului da naa gbon bulu, ə ɓo a ɓala kwɛli. Gəlee di ɓo ɲee mu.

Kɔlɔnikɔ Veerɛi 22:6

Yoramə ə pənə ə li Izreɛlə, nwąnąi ŋɛ̨i di mo Rama, bala hali kɛ mɛ̨nį ɓa, ɓɛlɔwai di pɛlɛ la Aramə tɔɔmun Hazaɛlə ɓa. Ɉuda tɔɔmun Akaziasə Yoramə lon, ə li Izreɛlə Akabə lon Yoramə pɔ, yaa tii di nwąną.

Tɔɔɓɛlaa veelɛ 3:1

Akabə lon Yoramə ə kɛ a tɔɔmun, Israɛlə lɔi hu, ɉəɛ Samari daai. Ɉosafatə, Ɉuda tɔɔmun, nwɔ tɔɔlaa gwɛlan bow kɔ́w mɛ̨ihaaɓa lɔwai. Yoramə ə tɔɔlaa kɛ a kwɛlan bow kɔ́w hveelɛ.

Tɔɔɓɛlaa veelɛ 9:1

Yálá kwəi mɛ̨nį hukulɔ mun Elise ə nwɔ kalan non dɔ̨nɔ̨ təli, yɛ mą: «Ə́ hąą yili, ə́ nwulɔ kpowo həɠə, ə́ li la Ramotə Galaadə lɔi hu.