Kɔlɔnikɔ Veerɛi 21:7 - Yálá laawoo hɛɓɛ (dc)

⁷ Kɛlaa, Yai-Laa hvo kɛ bɔ, hvo Davidə nwɔ pɛlɛ́i pu, mįnɛ̨i da Davidə di ɉəɠə mąą mɛ̨nį ɓa, mįnɛ̨i tii kaa Davidə lonnii di wɔɔ; mąąhɔlɔɓo, Yálá ə mo yɛ, nwɔ̨n ŋɛ̨i aa ɉee laai, hvo pa luwun ɉii.

Yálá laawoo hɛɓɛ

⁷ Kɛlaa, Yai-Laa hvo kɛ bɔ, hvo Davidə nwɔ pɛlɛ́i pu, mįnɛ̨i da Davidə di ɉəɠə mąą mɛ̨nį ɓa, mįnɛ̨i tii kaa Davidə lonnii di wɔɔ; mąąhɔlɔɓo, Yálá ə mo yɛ, nwɔ̨n ŋɛ̨i aa ɉee laai, hvo pa luwun ɉii.

Bible

⁷ Berei máŋ dûa-pere è kɛ̀ la a nyɔ́mɔɔi, Yâwɛɛ fé kɛ́ ní ŋ̀wɛ̂lii é baa, kpɛ́ni fêi è wɔ́lɔ kpanaŋ-woo kɛ̀ Deeƃé yêei a gɛ́ɛ vé pâi Deeƃé ŋɔpɛ́rɛi su karâi. Yâwɛɛ è wɔ́lɔ góno tèe a gɛ́ɛ Deeƃé ŋɔsuui a pâi kɛ̂i Eezuɛ mɛi wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Veerɛi 21:7 Referans Kwoze

Tɔɔɓɛlaa dɔlɔɔ 11:36

Non nwɛi, gáá pai nu huwu tɔ̨nɔ̨ tɛɛi bɔ, ə gɛ, nwɔ́ tímun Davidə nwɔ nwɔ̨n hvo pa luwun nííla, Ɉerusalɛmə taai ŋą́ ɉəɠə ɉu, a nwɔ́ɔ́, gɛ́ náá hee laa.

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Lukə 1:69

Aa Nwun mąąɓomun nwala-walaa tɛɛ ku pɔ, nwɔ kɛla, tɔɔmun Davidə huwu hu mun da.

Tɔɔɓɛlaa dɔlɔɔ 11:13

Kɛlaa, və́ pa nɔi kəlee kulɔi ɲəi. Gáá pai Israɛlə nu huwu tɔ̨nɔ̨ tɛɛi bɔ ə́ nąn Davidə mąą mɛ̨nį ɓa, da Ɉerusalɛmə mąą mɛ̨nį ɓa, daai ŋą́ ɉəɠə ɉu a nííɓa taa.»

Mąątɛ̨nɛ̨ 132:11

Yai-Laa ə nwoo kwɛlɛ Davidə ɓa, tɛ̨ą li, hvo pai həɠəi nwoo pulu, ə kɛ mą: «Ə́ kwəi lon da ɓə, gáá pai ɉeei ə́ wɔ tɔɔkpəlin mɛ̨i,

Mąątɛ̨nɛ̨ 89:39

Kɛlaa, ə́ wɔ nui ə́ ɉəɠə ɉu, yɛ́ ɓə ə́ pulu tɔɔ mą, ə́ mɛlɛkpɛɛ mą, yɛ́ ə́ liiholi bɔ,

Kɔlɔnikɔ Veerɛi 22:11

Kɛlaa, tɔɔmun non nɛ̨ɛ̨nu Yehosavatə ə Akaziasə lon Ɉoasə həɠə, tɔɔmun nonnii tii di kɛi pa di paai, di lɔwai, ə now, yaa da ɲąąkɔn nɛ̨ɛ̨nu, ə di lɔ nuą yii-pɛlɛ mu Yálá ŋą pɛlɛ́i mu. Tɔɔmun Yoramə lon nɛ̨ɛ̨nu Yehosavatə, a yaa ŋɛ̨i a ɉaláá laa həli mun gɛnɛ̨ɛ̨ Yehoyada nɛ̨ą, Akaziasə mąąhala; bələ ɓə ə Ɉoasə loo la Atali ɓa, hvo kɛa baa.

Tɔɔɓɛlaa veelɛ 8:19

Kɛlaa, Yai-Laa hvo kɛ bɔ, hvo Ɉuda lɔi hu kala nwɔ tímun Davidə mąą mɛ̨nį ɓa. Mąąhɔlɔɓo, ə kɛ yɛ gaa pai labon dɛɛi Davidə huwu pɔ a yələ kəlee mɛ̨nį.

Samia Veerɛi 23:5

Kɛlɛi bələ ɓə Yálá ə gɛ la a nwɔ́ pɛlɛ́i! Mąąhɔlɔɓo, mįnɛ̨i kwa yaa ku ɉəɠə, ga ma a yələ kəlee da nwɔɔ, da bɔ liɛwooɠaai a mɛ̨i kaa. Mɛ̨nįi lɔpee gəlee hu, a yee tɛɛ mąą tɛɛ bɔ́, ə mą kɛ nííɓa mɛ̨nį hu, ya ɓə a gəlee hu nɛɛ mą́ą́.

Samia Veerɛi 21:17

Kɛlaa, Seruya lon Avisai ə pa ə kpɔmąą tɛɛ Davidə pɔ, ə Filisti mun tii paa. Nąąlɔwai ɓə Davidə nwɔ nuą di ɉuhvɛli la mą, diɛ mą: «Gwa gaani gu hva kɛa li kɔ́ mɛ̨i, ə gɛ, hvó pa Israɛlə nwɔ nwɔ̨n luwun.»

Tɔɔɓɛlaa dɔlɔɔ 15:4

Davidə mąą mɛ̨nį ɓə gɛ, Yai-Laa yɛ labon nɛɛ Ɉerusalɛmə, yɛ Davidə lon da hee dɔɔkpəlin ɉu Ɉerusalɛmə, yɛ nąą laa hɔn mo.

Tɔɔɓɛlaa veelɛ 8:24

Yoramə ə laa nąnni kwɛlɛ, di noo nąnni kámą hu Davidə taa. Yoramə lon Akaziasə ə hee a nąn mąąhvalin dɔɔkpəlin ɉu.

Kɔlɔnikɔ Veerɛi 23:3

Nu kpului tii pa, di kəlee di ɲąąkpɔnŋąąi kɛ Yálá yəi bɛlɛ́n, di mįnɛ̨ həɠə tɔɔmun mąą mɛ̨nį hu. Yili pulu, Yehoyada yɛ diɛ: «Tɔɔmun non ga! Yaa ŋɛ̨i ɓə mąąnɛ̨ɛ̨i ə hee a dɔɔmun, yɛ bələi Yai-Laa ə mo la Davidə mąą mɛ̨nį ɓa.

Kɔlɔnikɔ Veerɛi 6:16

Akɛ tii kani, Yai-Laa Israɛlə nwɔ Yálá! Nwooi ə́ mo ə́ wɔɔ tímun ną́n Davidə ɓa, yɛ kɛ mą: ‹Ə́ huwu hvo pai kpɛɛi nííla Israɛlə nwɔ tɔɔkpəlin mɛ̨i, akɛ ə́ lonnii daa kɛi di hiɛ pələ ɲɛ̨lɛkɛ, diɛ túwɔ́ a nwɔ́ɔ́ tɔ́n nwooi, yɛ bələi ə́ hiɛ la ɲɛ̨́i ɓa.›