Kɔlɔnikɔ Veerɛi 21:2 - Yálá laawoo hɛɓɛ (dc)

² Yoramə nąn Ɉosafatə lonnii di kɛ laa, diɛ ɓaa kɛ a: Azaria, Yehiɛlə, Ɉekariahu, Azariahu, Mikaɛlə da Sefatiahu. Nuą tii kəlee di kɛ Israɛlə tɔɔmun Ɉosafatə lonnii.

Yálá laawoo hɛɓɛ

² Yoramə nąn Ɉosafatə lonnii di kɛ laa, diɛ ɓaa kɛ a: Azaria, Yehiɛlə, Ɉekariahu, Azariahu, Mikaɛlə da Sefatiahu. Nuą tii kəlee di kɛ Israɛlə tɔɔmun Ɉosafatə lonnii.

Bible

² Zɛoraŋ ǹêɣe-sinaai nyii-ŋai dínâŋ Zeosafa è wɔ́lɔ dímaa sɔlɔ ƃôi dia ƃé kɛ̀ a: Azaria, Zeiɛ, Zɛkɛrɔya, Azariau, Makɛɛ da Sifatia. È wɔ́lɔ ǹîa-pɛlɛɛ ŋí maa sɔlɔ ƃô a tãi è wɔ́lɔ kɛ̀ la a kâloŋ Eezuɛ lɔii mɛi.

Kɔlɔnikɔ Veerɛi 21:2 Referans Kwoze

Kɔlɔnikɔ Veerɛi 24:5

Ə nɛɛmą ə ɉaláá laa həli nuą kpɛa-kpɛaa da Levi lonnii di ɲąąkpɔn, yɛ diɛ: «'Ka li Ɉuda taaɠaa hu, ka wali həɠə Israɛlə lonŋąą kəlee yəi, 'ka paa la, əgɛ, kaa Yai-Laa ŋą pɛlɛ́i pɛli la kwɛlan dɛitɛi kəlee yee mu. 'Ka ká mąąhulɔ golói tii hu.» Kɛlaa Levi lonnii di mɛ̨nįɠaa tii too di kɔ́wɔ pɔ.

Kɔlɔnikɔ Veerɛi 23:2

Di hvilɛn Ɉuda lɔi hu nąą kəlee, di tɛɛ Ɉuda taaɠaa kəlee hu, di Levi lonnii kəlee təli, da Israɛlə pɛlɛ́ nąmįną. Yili pulu, di pənə di pa Ɉerusalɛmə daai.

Kɔlɔnikɔ Veerɛi 12:6

Israɛlə ɲɛ̨itɔwɔnuą da tɔɔmun ni, di pɛlɛ, diɛ diɛ: «Yai-Laa tələnmoɔi.»

Kɔlɔnikɔ Veerɛi 35:18

Di hvo ta pakə hɛli pu li tii Israɛlə lɔi hu, ə həɠə kpɔ Yálá kwəi mɛ̨nį hukulɔ mun Samuɛlə nwɔ yələi ɓa, ə həli la ɲələi tii ɓa, Israɛlə tɔɔmun da, hvo ta pakə hɛli pu li tii, yɛ bələi Ɉosiasə, ɉaláá laa həli nuą, lévi lonnii, Ɉuda nuą da Israɛlə nuąi kɛ laa da Ɉerusalɛmə nuą di bu la.

Kɔlɔnikɔ Veerɛi 33:18

Manase kɛ mɛ̨nįɠaa gbəli, nwɔ Yálá hvɛli woo, da nwooɠaai Israɛlə nwɔ Yálá Yai-Laa nwɔ nuą di kɛ mo mą, gəlee pɛ̨ɛ̨ kaa Israɛlə tɔɔɓɛlaa kɛ mɛ̨nį hɛɓɛ́ hu.

Kɔlɔnikɔ Veerɛi 28:27

Akazə ə laa nąnni kwɛlɛ, di noo Ɉerusalɛmə daai, kɛlaa, di hvo now Israɛlə dɔɔɓɛlaa kámą la. Non Ezekiasə ə hee dɔɔlaa hu a nąn mąąhvalin.

Kɔlɔnikɔ Veerɛi 28:23

Ya ka tii lii, yɛ haláá kulɔ Damasə haliɠaa diɛ, diɛi ŋɛ̨i di yee ə tɛɛ mą kɔ́ hu, yɛ kɛ diɛ: «Yii Aramə tɔɔɓɛlaa di haliɠaa da kpɔnmąą tɛɛ di pɔi, diɛ ɓə mąąnɛ̨ɛ̨ ŋį́ haláá kulɔ diɛ, ə gɛ, di kpɔnmąą tɛɛ bɔ́.» Yaan mɛ̨nįi tii ɓə kɛ ɲee lɛɛ ɉu mɛ̨nį da nɔi lonnii kəlee.

Kɔlɔnikɔ Veerɛi 28:19

Yai-Laa ə Ɉuda lɔi ɲɛ̨i paa tii, Israɛlə tɔɔmun Akazə mąą mɛ̨nį ɓa; gbala ə tɔɔ, yaa ɓə Ɉuda ɲąątɔɔ a hvįikpɛɛ laa kulaa, ɛlɛɛ, mąąluwu túwɔ́ ɓoɔ, ɲee ɓo Yai-Laa mąą mɛ̨nį ɓa, yɛ doo.

Kɔlɔnikɔ Veerɛi 24:16

Di now Davidə taa dɔɔɓɛlaa kámą la. Mąąhɔlɔɓo, ə túwɔ́ a nɛlɛɛ Israɛlə nuą diɛ, ə túwɔ́ a nɛlɛɛ Yálá ɓa da Yálá ŋą pɛlɛ́i.

Kɔlɔnikɔ Veerɛi 21:4

Yoramə ə hee nąn ŋą tɔɔlaa hu, ə hee kpɔ laa tin. Ə tínɛ̨n ə nąn nonnii paa, ə bɛlɛ Israɛlə ɲąąwooɓo nuą taɠaa diɛ.