Kɔlɔnikɔ Veerɛi 21:16 - Yálá laawoo hɛɓɛ (dc)

¹⁶ Yai-Laa ə Filisti nuą da Arabə nuąi tii Kusə lɔi hu, di wɔɔ yowolaa ɲąątɔɔ Yoramə ɓa.

Yálá laawoo hɛɓɛ

¹⁶ Yai-Laa ə Filisti nuą da Arabə nuąi tii Kusə lɔi hu, di wɔɔ yowolaa ɲąątɔɔ Yoramə ɓa.

Bible

¹⁶ Naa kɛ́ɛ tíi, Yâwɛɛ è gɛ̀ Felesia, Arebia, da Itiopia-ƃela dí tɔ́ɔ Zɛoraŋ ma. Ǹûai ŋí ní dílɔii-ŋai díkɛ̀ Itiopia-ŋai dílɔii kɔlɛ ma.

Kɔlɔnikɔ Veerɛi 21:16 Referans Kwoze

Kɔlɔnikɔ Veerɛi 17:11

Di kɛi həɠə a hamą pilɛɠaa Filisti lɔi hu, diɛ paa la Ɉosafatə pɔ, a wali, da nįįhɔ̨nwɔ̨. Ə mą kɛ Arabə lɔi hu nuą di kɛi pa bɔ a taatɛlɛɛɠaa: Ɓɛlaa hilɛ waa mɛ̨ihveelɛ pulu nwun mɛ̨ihveelɛ da Ɓooli hilɛ waa mɛ̨ihveelɛ pulu nwun mɛ̨ihveelɛ.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Kɔlɔnikɔ Veerɛi 22:1

Ɉerusalɛmə daai nuą di Yoramə lon gbəlamąą Akaziasə həɠə di ɉee a tɔɔmun, a nąn mąąhvalin. Hvo gaai, Arabə nu kpului tii pa pɛlɛi gɔɓuwu ɓa, di nonnii dɔlɔɔɠaa tii kəlee paa.

Tɔɔɓɛlaa dɔlɔɔ 11:23

Yálá ə Salomɔn ɲowo takpɛli muhəɠə, yili ɓa kɛ a Ɛliada lon Rezɔn. Ə pu, ə həɠə Sova tɔɔmun Hadadɛzɛrə pɔɔli, yai kɛ a nąmu.

Tɔɔɓɛlaa dɔlɔɔ 11:14

Yai-Laa ə nu ta líi muhəɠə Salomɔn pɔ a ɲowolaa. Edɔmə mun kɛ a Hadadə, yai kɛ a Edɔmə tɔɔɓɛlaa huwu hu mun da.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Ɛsdrasə 1:5

Nąąlɔwai, bɛlɛ nąmįnąi di kaa Ɉuda nu huwu lɔwai, da Bɛnɉamɛn huwuhu nuą, ə mą kɛ, ɉaláá laa həli nuą da Levi huwuhu nuą, da nuąi kpɔ Yálá nwɔ pɛ́lɛ́i gaa Ɉerusalɛmə daai, dɔɔ mɛ̨nį niihɛlɛn gaa diɛ, gəlee di di muhəɠə diɛ li.

Ɛsdrasə 1:1

Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Kɔlɔnikɔ Veerɛi 26:7

Yálá ə tɔɔ bulu ɓɛlɔwai da Filisti nuą, Arabə nuą kɛ Gurə-Baalə da Meun nuą di kɛ la kɔ́ ŋą.

Tɔɔɓɛlaa dɔlɔɔ 11:11

Yai-Laa yɛ Salomɔn ɓa: «Yɛ bələi yáá túwɔ́ la tii a ɲɔ̨nwɔ̨ɔ̨, nwóói ŋą́ gwɛlɛ yɛ́, hvó ɉon ni, hvó nwɔ́ tɔ́n hon ni, yai ŋą́ mo yɛ́; gáá pai dɔɔlaa kulɔi ə́ yəi, ŋą́ dɛɛ ə́ yee pɔ mun da pɔ.

Samia Veerɛi 24:1

Yai-Laa lii ə holi Israɛlə nuą pɔ nwɔ̨nɔ̨, ə Davidə lii muhəɠə di pɔ ə gɛ, yili ə Israɛlə nuą da Ɉuda nuą di lonon.

Samuɛlə dɔlɔɔ 26:19

Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›

Zooɛ 3:5

Nuą kpɔ pai di woo tɛi Yai-Laa ɓa, a di nwun mąąɓo. Mąąhɔlɔɓo, nu kpəli wolo kaa pai lɛɛi, Ɉerusalɛmə, Siɔn yee nwuɔ̨ yɛ bələi ə naakwɛlanmo la diɛ. Nuąi Yái-Laa kaa pai di təli, di kaa pai lɛɛ nu húlumąąɠaa lɔwai.

Amɔsə 1:6

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą la Filisti nuąi ŋɛ̨i Gaza lɔi hu diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, di nu kpulu kɛnɛ̨ həɠə taaɠaa hu, diɛ di lɔwɔ́tɔɔ Edɔmə nuą diɛ.