Kɔlɔnikɔ Veerɛi 21:11 - Yálá laawoo hɛɓɛ (dc)

¹¹ Yoramə kpįnįi tii, ə hali kɔ́iɠaa pɛli Ɉuda lɔi hu ɲeeɠaa nwuɔ̨, ə Ɉerusalɛmə nuą ɲąątɔɔ a túwɔ́ pələ ɲɔ̨n mą, ə Ɉuda nuą yee lɔ wɛli mɛ̨nį hu.

Yálá laawoo hɛɓɛ

¹¹ Yoramə kpįnįi tii, ə hali kɔ́iɠaa pɛli Ɉuda lɔi hu ɲeeɠaa nwuɔ̨, ə Ɉerusalɛmə nuą ɲąątɔɔ a túwɔ́ pələ ɲɔ̨n mą, ə Ɉuda nuą yee lɔ wɛli mɛ̨nį hu.

Bible

¹¹ Zɛoraŋ è ŋɔ́nɔ ɣâla-pɔkɔɔŋ fɛli kwaa-ŋa ma kpɛ̀tɛ ǹyéei su Zuda lɔii su. Nyíŋi è wɔ́lɔ gɛ̀ Zuda da Zerusâlɛŋ-ƃela dí sɔnyɔ̂ŋ kɛ́ a Yâwɛɛ.

Kɔlɔnikɔ Veerɛi 21:11 Referans Kwoze

Levetekɔ 20:5

Ɲą́ą́ gbinįi, ŋą́ hee mąą nu ɓa da ɲəi bɛlɛ́n nuą, gɛ́ di kulɔ nɔi lonnii lɔwai, ə mą kɛ nuąi kpɔ too bɔ ɉaláái tii kulɔi lɔwai Molɛkə ɓa.

Tɔɔɓɛlaa dɔlɔɔ 11:7

Nąąlɔwai ɓə Salomɔn ə Kemɔsə hali kɔ́ pɛlɛ́ ta tɔɔ la, yai kɛ a Moabə lɔi hu nuą di wɔ ɓɛlɛkpɛɛmąą halii, ɛlɛɛ, da Molɛkə, yai kɛ a Amɔn lonnii di wɔ ɓɛlɛkpɛɛmąą halii, ə di wɔ haláá kulɔi kɛ ɲeei tii Ɉerusalɛmə tənən ma, nwuɔ̨.

Levetekɔ 17:7

A kɛ ti di hva kɛa di wɔɔ taatɛlɛɛɠaa ta kulɔ a haláá ɲinɛ̨n ma yai a kɛ di ɲąątɔɔi a túwɔ́ pələ ɲɔ̨nŋąą. Yələ kəlee tɔ́n ga tii, a kwɛlan gəlee mɛ̨nį.

Habakukə 2:15

Kpalo ɓɛlaai kaa! Kaai ka lɔɔ kpəɠiɛ tɔɔ ka ɓɛlaa la, yɛ pilimąą, yɛ di hon, diɛ di kpúwúlú lɛ.

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Mąątɛ̨nɛ̨ 106:39

Diɛ di kpɔwɔ mąąliɓi, a di túwɔ́ pələ, a di pulu tɔɔ Yálá ɓa, di kɛ mɛ̨niɠaa hu.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Kɔlɔnikɔ Veerɛi 33:9

Manase ə Ɉuda nuą da Ɉerusalɛmə nuą nwun ɉu lan, di túwɔ́ a ɲɔ̨nwɔ̨ɔ̨, di yee ə tɛɛ nuąi wɔlɔ Yai-Laa ə di paa, yɛ di həɠə Israɛlə nuą tɔwɔ di nwɛi ɓa.

Kɔlɔnikɔ Veerɛi 21:13

Kɛlaa, ə́ hiɛ yɛ bələi Israɛlə tɔɔɓɛlaa di hiɛ la; yáá li yáá wɛli mɛ̨nį lɔ Ɉuda nuą da Ɉerusalɛmə nuą yee pɔ, yɛ bələi Akabə yəi bɛlɛ́n nuą di túwɔ́ la; ə laa yili mɛ̨i, yáá nwɔ̨nɔ̨, ə́ nąn nonnii kɛ di hviɛlaɓoɔ di tɛɛ yɛ́, yáá di paa, a ə́ nąn nwɔ pɛlɛ́i;

Tɔɔɓɛlaa veelɛ 21:11

«Yii kpɔ Ɉuda tɔɔmun Manase aa ɲee lɔ mɛ̨nį ɲɔ̨n daaləi ŋɛ̨i hu aa tɛɛ Amɔrə nuąi kɛ ɓɛ dɔwɔ di wɛi ɓa, aa gɛ Ɉuda nuą daa nɛ̨ŋɛ̨n ɉəɠə, a kwɛli hvilɛn di mo hali ɓa,

Tɔɔɓɛlaa veelɛ 9:22

Yii lɔ Yoramə ə Ɉehu kaa, yɛ mą: «Ɉehu! Liilaa mɛ̨nį ɓəi?» Ɉehu yɛ mą: «Akɛ pələ kɛ ləi a liilaa mɛ̨nį? Ya pa, ə́ lee Ɉezabɛlə nwɔ túwɔ́ pələ ɲɔ̨nŋaa, da nwɔ tɔlikpɛ mɛ̨nį daną-danąi di kaa lɔ ni ɉu.»

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 14:9

Yáá túwɔ́ a ɲɔ̨nwɔ̨ɔ̨ dɛɛ nuąi kpɔ kɛ ə́ tɔwɔ gəlee diɛ. Yáá li, yáá haliɠaa pɛli yɛ́, da hɛn mąąnįnįnŋąą, yɛ́ nwą́ną lɔ, yáá bíli ə́ pulu pələ.

Kɔlɔnikɔ Veerɛi 21:10

Bələi mąn ə kɛ la tii, Edɔmə kwɛli teɛi lɔ kɛ Ɉuda tɔɔlaa ɓa, gaa lɔ tii háá ɓaa a háá. Nąąlɔwai tii hu lɔ nwɔ̨nɔ̨, Livna ə gwɛli tee Yoramə ɓa. Mąąhɔlɔɓo, Yoramə aa kɛ gili kulɔ nąnni di wɔɔ Yálái, Yai-Laa hu.

Lɛɛ gbɔwɔ ɓa 34:16

Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Azaya 65:7

Ka wɔ túwɔ́ pələ ɲɔ̨n, da ka nąnni di wɛiɠaai, ŋą́ gwələ kulɔ a gee, Yai-Laa woo li. Nuąi kɛi nwulɔ kun nɛ̨ɛ̨ɠaa kələn ɲeeɠaa nwuɔ̨, diɛ mɛ́lɛ too la tii, ɲee kpukpuɠaa mɛ̨i, gáá pai bɔɔ kulɔi diɛ, yɛ bələi wɛi di kɛi túwɔ́ la.

Ɉeremi 3:8

Ɉuda ɲɛ̨i heɛ kɛ mą́ą́, Israɛlə ŋɛ̨i aa nwóó lɛɛ, gɛ́, kuɔ hilɛtaai taɠa towələ tɛɛ bɔ, gɛ gbɛ, yɛ nąą kaa. Ɉuda yii gaa a gaayɔwɔ, yai hvo nwoo pulu, yili hvo mąą kpɛlin. Yaa kpɛli mąn, ə li ə ɲee too wɛli hon ŋąą hu.

Izikiɛ 23:11

Nəɠə Oholiba ə mɛ̨nįɠaai ti kəlee kaa, kɛlaa nwɛi ə ɲɔ̨nwɔ̨, ə wɛli hon ə tɛɛ niə ɓa; nwɔ wɛli honŋąą ə kɛɛ kala ə tɛɛ niə ɓa.

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Osia 12:1

Ɛfraimə kaa gílí ɲąą pɛlɛi a lɛɛ, Israɛlə nwɔ pɛlɛ́i yɛ mówo, Kɛlaa, Ɉuda kaa ni Yálá pulu, ganąn ŋąą ni yələkɔlɔn ɉu Yálá ɓa.