Bib sou entènèt

Paj dakèy
Bib sou entènèt
Kɔlɔnikɔ Veerɛi 19:2

Kɔlɔnikɔ Veerɛi 19:2 - Yálá laawoo hɛɓɛ (dc)

² Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Gade chapit la Kopi

Yálá laawoo hɛɓɛ

² Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Gade chapit la Kopi

Bible

² Nya ƃe Ɣâla ŋɔlóno kɛ́-nuui nyíi da kâa dòli a Zeui nyíi kɛ̀ a Anani ǹóŋ-surɔŋ è lì bɔ́naa é mó mà ǹyɛɛi, “Gáa a mɛni lɛ́lɛɛ a gɛ́ɛ í kpɔŋ mâaa tɛ̀ɛ ŋ̀wana-lɔɔ-ƃelai pɔ́ í ŋɔ́nɔ tɔ́ɔ diai dífe Yâwɛɛ wɛ́ni-nii díƃelai ma pere? M̀ɛnii ŋí yaâ gɛ́i aâ gɛ́ Yâwɛɛ a ǹíi ŋwána yâ.

Gade chapit la Kopi

tounen moute ⬆

Kɔlɔnikɔ Veerɛi 19:2
40 Referans Kwoze

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Ifisiɛŋ 5:11

'Ká hvo ká yee too kpinį kólóɠaa hu, diɛi di tɔlɔ hvo diɛ, 'káámun, 'ká di too pono ɲą.

Kɔlɔnikɔ Veerɛi 18:3

Israɛlə tɔɔmun Akabə yɛ Ɉuda tɔɔmun Ɉosafatə ɓa: «Ə́ kaa pai gwə li gu kɔ́ pɛlɛ Ramotə ɓa, Galaadə lɔi hu?» Ɉosafatə yɛ mą: «Gu kaa a nu tɔ̨nɔ̨, ə́ nwɔ nu huwui da nwɛ̨́i di kaa a nu tɔ̨nɔ̨. Ku kaa pai, gwə li.»

Kɔlɔnikɔ Veerɛi 32:25

Kɛlaa Ezekiasə hvo Yálá nwɔ mɛ̨inɛ̨ɛ̨ tii hukɔlɔn mą, ɛlɛɛ, nwɔɔ hu mɛ̨nį kɛnɛ̨ laa mąą mɛ̨nį, əgɛ, di liiholi hee Ɉuda da Ɉerusalɛmə ɓa.

Kɔlɔnikɔ Veerɛi 24:18

Di di kili kulɔ Yai-Laa di nąnni di wɔɔ Yálái ŋą pɛlɛ́i hu, diɛ kwɛli hvilɛn wulu kpiyɛnŋąą diɛ da haliɠaa. Di túwɔ́ pələi tii mąą mɛ̨nį ɓa, Yálá nwɔ liiɲąnwąnąi ə ɓɛla Ɉuda nuą mɛ̨i da Ɉerusalɛmə nuą.

Kɔlɔnikɔ Veerɛi 20:34

Ɉosafatə kɛ mɛ̨nį gbəliɠaa, ə həɠə dɔlɔɔɠaa diɛ ə həli la gbəlamɛ̨iɠaa diɛ, diɛ ka di pɛ̨ɛ̨ Hanani lon Ɉehu nwɔ hɛɓɛ́i hu, ɉɛɓɛ́i tii kaa Ɉuda tɔɔɓɛlaa di wɔɔ hɛɓɛ́i lɔwai.

Kɔlɔnikɔ Veerɛi 16:7

Nąąlɔwai, gwɛlɛɛn gɛɛkaamun ŋɛ̨i kɛ a Hanani, ə pa yɛ Ɉuda tɔɔmun Asa ɓa: «Yii kpɔ ə́ ə́ kilitɔɔ Aramə tɔɔmun ma, hvó kɛ ə́ kilitɔɔ li Yai-Laa ə́ wɔɔ Yálái ɓai, Aramə kɔlaɠai kulaa li ə́ yee mun.

Tɔɔɓɛlaa dɔlɔɔ 16:1

Yai-Laa ə mɛ̨nį ɓo Hanani lon Ɉehu ɓa, yɛ hvilɛn na Baesa ɓa, yɛ mą:

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Lomaŋ 1:32

Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Samuɛlə dɔlɔɔ 9:9

Di kɛi wɔlɔ mo diɛ kɛ Israɛlə lɔi hu, nuą da kɛi li Yálá mąąnin gɛ, da kɛ diɛ: «Ka pa, ka gwə li gɛɛkaamun bɔ», mąąhɔlɔɓo Yálá kwəi mɛ̨nį hukulɔ mun mə di kɛi kɛ mą wɔlɔ kɛɛkaamun.

Lomaŋ 1:30

Diɛ hiɛ nɔwai kɛ, di laa pələ ɓoɔɔ, diɛ ɓo a Yálá ɲowo, di woo ɲɔ̨nwɔ̨ɔ̨, di huɲąŋą kɛnɛ̨, di ɲɛ̨i tɛɛ, di yɛlɛɛ mɛ̨nį ɲɔ̨n bɛlii, ɛlɛɛ, di kwɛli tiɛɛ di kaa nuą yəi, di kili kpɛɛ di yəi.

Lomaŋ 1:18

Yili ɓa, hɔn ɲɔ̨n da nɛ̨ŋɛ̨n nɔpee nuą da ɉəɠə, Yálá nwɔ liiɲąnwąną a həɠə yələi ə yɛɛ di mɛ̨i. Mąąhɔlɔɓo, di wɔ hɔn ɲɔ̨n ti ɓə gbəɲąn ŋąą tɛ̨ą mɛ̨nį tɔwɔ.

Ɉaan 15:23

Nui nwɛ́li a kpɛɛ mą, a kɛ tii Ną́n nwɛli aa kpɛɛ mą.

Ɉaan 15:18

«Yɛnɛ̨ɛ̨ wɛli kpɛɛ mąą laa kulɔ a kaai, ka gɔlɔn kaa, ɲą́ą́ ɓə nwɛ́li ə gbɛa kpɛɛ mą.

Mąątɛ̨nɛ̨ 68:1

Nwələ ɲɛ̨itɔwɔmun Davidə nwɔ hvɛ́li woo, da nwɔ wələ.

Mąątɛ̨nɛ̨ 21:8

A tɛ̨ą, tɔɔmun gilitɔɔi Yai-Laa ɓa, ɛlɛɛ, Yələkɔlɔn ɉu Yálá nwɔ tələnmolaa a dɔɔ kpɔ gbilin.

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Kɔlɔnikɔ Veerɛi 18:28

Israɛlə tɔɔmun Akabə da Ɉuda tɔɔmun Ɉosafatə, di tɛ di kɔ́ pɛlɛ Ramotə ɓa Galaadə.

Kɔlɔnikɔ Veerɛi 18:7

Israɛlə tɔɔmun yɛ Ɉosafatə ɓa: «Nu takpɛli kaa kpɔ ɓɛ, yii gwa pɛli gu Yai-Laa mąąni kɛ bɔ pələ, kɛlaa nwɛ̨́i, nwɛli hvo mą́ą́. Mąąhɔlɔɓo, mɛ̨nįi a ɉəɠə Yálá la yɛ mo náá mɛ̨i, hvo ta kɛ li a nɛlɛɛ, ɲɔ̨nwɔ̨ɔ̨ lɔ ɓə a mo a yələ kəlee. Nui tii ɓaa a: Yimla lon Mise.» Ɉosafatə yɛ mą: «Tɔɔmun hvo kɛ gaa yili ɓoi ti!»

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa dɔlɔɔ 16:12

Zimri ə Baesa yəi bɛlɛ́n nuą kəlee paa, yɛ bələi Yai-Laa ə bu la gwəi mɛ̨nį hukulɔ mun Ɉehu la, yɛ mo Baesa ɓa.

Tɔɔɓɛlaa dɔlɔɔ 16:7

Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Dutɛrɔnome 33:11

Yai-Laa lúwɔ́ too di wɔ hvaŋąlɔlaa ɓa. Ə́ di kɛ kóló hu nɛ̨ɛ̨. Ə́ di kɔ́yɔwɔɠaa hɛ̨ą yali. Nuąi da wɛlikpɛɛmąąlaa kulɔ a diɛ, di hvo pɛli di muhəɠəi.»

Dutɛrɔnome 32:41

Gáá nwɔ́ kɔ́ kɔ́ ɓɔwa ɲą́ą́lii! Gaa pai kiti teei! Gáá nwą́ną kulɔi ɲówoɠaa diɛ. Nuąi wɛli kpɛɛmaa túwɔ́ ɓo a ɲą́ą́, gáá gwələ kulɔi.

Dutɛrɔnome 7:10

Kɛlaa, nui Yai-Laa wɛli hvo mą, a mąą nu hutɔɔ, nui a yowolaa kulɔ a Yálá, Yálá a mąą nu nwun na pili a ɉu kpuwaa.

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Mąątɛ̨nɛ̨ 71:15

Bələi ə́ tələnmoɔ la, bələi ə́ ku ɓalo la, ŋą túwɔ́ ɉukulɔi; vá pɛli gəlee kɔ́lɔn ɉii.

Kɔlɔnikɔ Veerɛi 18:1

Ɉosafatə ə hɛngɔw hɔlɔɓo kpɔ kɛnɛ̨ da mąąwiɛ. Ɉosafatə ə kanąn Akabə yəi a húlú mɛ̨nį.

Tɔɔɓɛlaa dɔlɔɔ 22:44

Kɛlaa, ə mą kɛ tii, hali kɔ́iɠaa di hvo kpɛɛ nɔi, nuą di kɛi lɔ halááɠaa kulɔ, diɛ lansan kələn ɉali kɔ́iɠaa tii ɓa.

Kɔlɔnikɔ Veerɛi 19:1

Ɉuda tɔɔmun Ɉosafatə ə bulu pənə ə li bɔɔli Ɉerusalɛmə kpɔ nɛ̨ŋɛ̨kpɛlɛɛ.

Kɔlɔnikɔ Veerɛi 19:10

Ka kaayɔwɔɠaa di kaa daaɠaa hu, da pa a mɛ̨nį ɓo ta ka lííla, ə kɛ a nu kan mɛ̨nį, awala kɛ tii, yii hvilɛn na tɔ́n mɛ̨nį ɓa, da bɔ túwɔ́ ɓo mɛ̨nį, ə kɛ a mɛ̨nį loonŋąą, awala kɛ tii, huwula mɛ̨nį; 'Ka mɛ̨nįi tii hupono a diɛ, əgɛ, di hvo pa kɛ a hɔnmąą nuą Yai-Laa ɓa, ŋą liiɲąnwąną hvo pa ɓɛla ka mɛ̨i ka ká kaayɔwɔɠaa. 'Ka túwɔ́ tii a nɛlɛɛ, əgɛ, ka hvo pa kɛ a hɔnmąą nuą.

Kɔlɔnikɔ Veerɛi 26:18

Di mo tɔɔmun Oziasə ɓa, diɛ mą: «Yɛ́ hvəi ə́ mąąnɛ̨ɛ̨ ə́ lansan kələn Yai-Laa ɓa, kɛlaa, ɉaláá laa həli nuą ŋɛ̨i a Aarɔn lonnii, diɛ ɓə. Diɛ ɓə di laakwɛlanmoɔ golói tii kɛɛ ɓa! 'Tɛɛ ə́ kulɔ! Mąąhɔlɔɓo, yáá pulu kulɔ mɛ̨nį kɛ! Ə́ ɲɛ̨i pɔ̨nɔ̨ mɛ̨nį hvaa a yii Yai-Laa mąą mɛ̨nį hu!»

Amɔsə 7:14

Amɔsə ə Amasia woo ŋąąpənə, yɛ mą: «Və́ a Yálá kwəi mɛ̨nį hu kulɔ mun, və́ nwɔ̨nɔ̨ a Yálá kwəi mɛ̨nį hu kulɔ mun da lon. Mąąhɔlɔɓo, gáá a ɓɛlaa tɔɔ mun, gɛ́ ɓo a ɓɔɔla yɛa laa mun.

Swiv nou:

Lyen patwone

Piblisite

Piblisite