Kɔlɔnikɔ Veerɛi 19:11 - Yálá laawoo hɛɓɛ (dc)

¹¹ Ɉaláá laa həli mun gɛnɛ̨ Amariahu ɓə ka kəlee ka nwun na, Yai-Laa mąą mɛ̨nį kəlee hu, ɛlɛɛ, Ɉuda ŋą pɛlɛ́i nwun nąmu Yismaɛlə lon Ɉevadiahu ya ɓə gaa, mɛ̨nįi kpɔ hvilɛn na tɔɔmun mąą mɛ̨nį ɓa nwun na. Levi lonnii ɓə ka yəi a ɉɛɓɛ́kɛnuą. 'Ka tɔɔ a nwąnąi, 'ka goló kɛ! Nui a gɛ a nɛlɛɛ, Yai-Laa ə kɛ mąą nu pɔ!»

Yálá laawoo hɛɓɛ

¹¹ Ɉaláá laa həli mun gɛnɛ̨ Amariahu ɓə ka kəlee ka nwun na, Yai-Laa mąą mɛ̨nį kəlee hu, ɛlɛɛ, Ɉuda ŋą pɛlɛ́i nwun nąmu Yismaɛlə lon Ɉevadiahu ya ɓə gaa, mɛ̨nįi kpɔ hvilɛn na tɔɔmun mąą mɛ̨nį ɓa nwun na. Levi lonnii ɓə ka yəi a ɉɛɓɛ́kɛnuą. 'Ka tɔɔ a nwąnąi, 'ka goló kɛ! Nui a gɛ a nɛlɛɛ, Yai-Laa ə kɛ mąą nu pɔ!»

Bible

¹¹ Amaria nyíi gáa a zâla láa-soŋ-nuu kɛ́tɛi a pâi kɛ̂i kátuɛ m̀ɛni-ŋai kélee su nyii-ŋai bîlaŋɔɔi Yâwɛɛ mai. Isimɛi ǹóŋ Zibadia nyíi gáa Zuda nuu-suui mɛi a pâi kɛ̂i kátuɛ m̀ɛni-ŋai kélee bîlaŋɔɔi gâloŋ mai su. Ǹyaŋ Liiva-ŋai da pâi kɛ̂i a tíi kɛ́-ƃela kpaya-kpayai káŋɛi túɛ. Ka tûa kpɔ́ a lii-kpele pere. Yâwɛɛ é lûwa láa diai dîa da mɛni lɛ́lɛɛ kɛ̂i.”

Kɔlɔnikɔ Veerɛi 19:11 Referans Kwoze

Kɔlɔnikɔ Veerɛi 19:8

Ɉosafatə ə lévi lonnii taɠaa, da ɉaláá laa həli nuą, ə mą kɛ, Israɛlə pɛlɛ́ nąmįną taɠaa hee a kiti tee nuą Ɉerusalɛmə, əgɛ, diɛ daa nuą lɔwai mɛ̨nįɠaa hutɔɔ, yɛ bələi Yai-Laa kaa la bɔ.

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Gɛlaɠaa 11:24

Barnabasə, ə kɛ a nu haŋąą, Kili-Mąąhəɠɛɛ yɛ ɓo bɔ, da laa na laa. Nu kpulu kɛnɛ̨ ə hvilɛn gu Ną́mu pulu.

Lukə 23:50

Hulɔnu ta ə kɛ laa diɛ kɛ nąą ɓaa: Ɉosɛfə, Ɉuifə taa ŋɛ̨i da kɛ mą: Arimate, nąą mun ni kɛ. Ɉulɔnui tii nii laaikɛ Yálá-taa tɔɔlaai pa mɛ̨nį mɛ̨i. Ə kɛ a tɔ́n vili nąmu ta, kɛlaa, nwun dɔɔ ŋɛ̨i di gɛ yɛ hvilɛn na Jesus paa mɛ̨nį ɓa, nwɛi hvo hvaa mą.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Hanwon 2:20

Ə́ wɛi, hvilɛn nu túwɔ́ pələ lɛlɛɛɠaa pulu, ə́ nu haŋąɠaa pɔɔn kɔ́ɔn.

Mąątɛ̨nɛ̨ 112:5

A nu ɲɛ̨imąąwɛli kaa yɛ kwələ tɔɔ, gaa pai gbɔwɔ mɛ̨nįɠaa ɲɛ̨i kulɔi tɛ̨ą pələ mɛ̨i.

Mąątɛ̨nɛ̨ 37:23

Yai-Laa a nu kɔ́wɔ tɔɔ mu kpąąn; nwɔ pələi yɛ nu lii hon.

Kɔlɔnikɔ Veerɛi 19:6

Yɛ giti tee nuą diɛ: «'Ka ká kiliŋąhiɛ a nɛlɛɛ ka wɔɔ kolói ɓa, ka hvo pai kiti teei a nu kanŋaa di wɔɔ kiti tee pələ, kɛlaa, 'ka dee a Yai-Laa nwɛi tee pələ, yaai pai kɛi ka pɔ golói tii hu.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Kɔlɔnikɔ Maa-ŋuŋ 26:30

Hebrɔn nuą, Hasaviahu nuą da di kaayɔwɔɠaa, diɛi kɛ a kpakoloɠaa, di kɛ a nu waa tɔ̨nɔ̨ pulu nwun mɛ̨ihveelɛ; diɛ ɓə kɛi di ɲɛ̨i kɛ Israɛlə lɔi hvóló tooi pələ Ɉurdɛn kwɛlɛ pələ ɓa, diɛ Yai-Laa mąą mɛ̨nįɠaa ɲɛ̨i kulɔ di ɲɛ̨i ə ɓo tɔɔmun nwɔ kólói ɓa.

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Kɔlɔnikɔ Maa-ŋuŋ 22:16

Yii ɓaa, hɛni, wali kwɛli, ɓala kwɛli da kwɛli kpɔɔkpɔ, nu hva pɛli nonon ɉii. 'Ə́ muhəɠə, ə́ ə́ kɛ kólo kɛ; Gɛ́, Yai-Laa ə kɛ ə́ pɔ!»

Kɔlɔnikɔ Maa-ŋuŋ 22:11

«Nón! Yii hu kɛa, gɛ́, Yai-Laa ə kɛ ə́ pɔ, əgɛ, ə́ yee ə lɔ Yai-Laa ə́ wɔɔ Yálái nwɔ pɛlɛ́i tɔɔ mɛ̨nį ɓa, yɛ bələi ə mo la ə́ laa mɛ̨i!

Kɔlɔnikɔ Maa-ŋuŋ 6:11

Ahimotə lonnii ɓaa: Ɛlkana, Sofai, Nahatə,

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Zasua 1:6

Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Kɔlɔnikɔ Maa-ŋuŋ 26:32

Yaa, da gaayɔwɔɠaa, di kɛ a kpakolo waa hveelɛ pulu nwun mɛ̨ihveelɛ, a pɛlɛ́ nąmįną; diɛ ɓə tɔɔmun Davidə ə di hee Rubɛn nwɔ pɛlɛ́i nwun na, da Gadə nwɛiɠaai, ɛlɛɛ, Manase huwu bələ tɔ̨nɔ̨i kɛ ɲanwuɔ̨ pələ; diɛ ɓə di yee ə kɛ Yálá mąą mɛ̨nį ɲɛ̨ikulɔ mɛ̨nįɠaa diɛ, da dɔɔmun nwɛiɠaai.

Kɔlɔnikɔ Veerɛi 15:7

Kɛlaa, ka wɛi, 'ka ká huwalawala, ka yee hu hvo haa, ka koló hvɛla kaa pai hɔlɔɓoi!»

Ɛsdrasə 7:5

Avisua lon, Pinasə lon, Eleazarə lon, ɉaláá laa həli mun gɛnɛ̨ Aarɔn lon,

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»