Kɔlɔnikɔ Veerɛi 18:11 - Yálá laawoo hɛɓɛ (dc)

¹¹ Yálá kwəi mɛ̨nį hukulɔ nuą tii woo tɔɔi ə kɛ lɔ tii tɔ̨nɔ̨, diɛ kɛ mą: «'Li ə́ pɛlɛ Ramotə ɓa Galaadə, gɔ́ kaa lii nɛ̨ɛ̨i yɛ́! Yai-Laa kaa lii nąą tɛɛi tɔɔmun bɔ!»

Yálá laawoo hɛɓɛ

¹¹ Yálá kwəi mɛ̨nį hukulɔ nuą tii woo tɔɔi ə kɛ lɔ tii tɔ̨nɔ̨, diɛ kɛ mą: «'Li ə́ pɛlɛ Ramotə ɓa Galaadə, gɔ́ kaa lii nɛ̨ɛ̨i yɛ́! Yai-Laa kaa lii nąą tɛɛi tɔɔmun bɔ!»

Bible

¹¹ Ɣâla ŋɔlóno kɛ́-ƃelai gbéli-ŋai díkelee díkɛ̀ lônoi a wóo tɔnɔ díkɛ mò dîyɛɛi, “Lí íkɔ pɛ́lɛ Lemɔ Gilia ma í ǹyée mɛi ɣále, kpɛ́ni fêi Yâwɛɛ a pâi naa tɛɛ̂i gâloŋ pɔ́.”

Kɔlɔnikɔ Veerɛi 18:11 Referans Kwoze

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Kɔlɔnikɔ Veerɛi 18:12

Nui ŋɛ̨i di dɔɔ Mise təlii, ə li yɛ Mise ɓa: «Yálá kwəi mɛ̨nį hukulɔ nuą tii di woo tɔɔi kaa tɔ̨nɔ̨, diɛ gɔ́ kaa lii nɛ̨ɛ̨i tɔɔmun ma. Akɛtii, mąąnɛ̨ɛ̨, yá li ə́ hvaa lɔ yɛ diɛ; yá li, 'nɛlɛɛ ɓo yaa kpɛli!»

Kɔlɔnikɔ Veerɛi 18:5

Israɛlə tɔɔmun ə nwɔ Yálá kwəi mɛ̨nį hukulɔ nuąi ɲąąkpɔn, di kɛ a nu nwun nąąn; yɛ diɛ: «Kwa pɛli lii mɔ̨ɔ̨ ku kɔ́ pɛlɛ Ramotə ɓa Galaadə, awala kɛ tii, ŋį́ lɛɛ ɓɛ?» Ya diɛ mą: «Tɔɔmun! 'Li, Yálá aa nąą tɛɛ ə́ pɔ!»

Tɔɔɓɛlaa dɔlɔɔ 4:13

Gɛvɛrə lon mə kɛ Ramotə Galaadə lɔi nwun na; ɛlɛɛ, Manase lon Yairə nwɔ taaɠaai di ɓo ɲee mu; diɛi kɛ Galaadə lɔi hu. Argɔvə lɔi kɛ Basan nɛ̨ŋɛ̨ lɔi hu, ɓɛi taa kpɛa kpɛaa pow mɛ̨ida ə kɛ laa, mąą tinɛ̨n ŋąą a hįi, kpon ə ɓo na, nwului da naa gbon bulu, ə ɓo a ɓala kwɛli. Gəlee di ɓo ɲee mu.

Kɔlɔnikɔ Veerɛi 18:10

Kenaana lon Sidkiyahu, aa mįnɛ̨ tɔɔ nwuɔ̨ a kwɛli, yɛ diɛ: «Yai-Laa woo ka, yɛ diɛ: ‹Mįnɛ̨i ŋɛ̨i ɓə ə́ kaa pai Aramə ɓɔi la, yɛ́ gbəli ŋąąyii!›»