Kɔlɔnikɔ Veerɛi 18:1 - Yálá laawoo hɛɓɛ (dc)

¹ Ɉosafatə ə hɛngɔw hɔlɔɓo kpɔ kɛnɛ̨ da mąąwiɛ. Ɉosafatə ə kanąn Akabə yəi a húlú mɛ̨nį.

Yálá laawoo hɛɓɛ

¹ Ɉosafatə ə hɛngɔw hɔlɔɓo kpɔ kɛnɛ̨ da mąąwiɛ. Ɉosafatə ə kanąn Akabə yəi a húlú mɛ̨nį.

Bible

¹ Zeosafa è kɛ̀ a dɔ̀ɔ, ƃaa kɛ́-maa támaa kɛ́ ƃò ma. Nya ƃe da Eɣa dí díyee pù gîei nɛnî káa ŋɔpere su.

Kɔlɔnikɔ Veerɛi 18:1 Referans Kwoze

Kɔlɔnikɔ Veerɛi 17:5

Yai-Laa ə nɔi hvaŋą ta pɛlɛ mą ɲee ŋą. Ɉuda nuą di kɛi pa Ɉosafatə pɔ a mɛ̨inɛ̨ɛ̨ hɛnŋąą; yili ɓə gɛ, ə kɛ la a hɛngɔw nąmu kɛnɛ̨, ɛlɛɛ, mąą ə wiɛ.

Kɔlɔnikɔ Veerɛi 21:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa ə gɛ, ə hvilɛn Israɛlə tɔɔɓɛlaa kpaalə hu, yɛ bələi Akabə ŋą pɛlɛ́i mun nuą di gɛ la. Hvo gaai, Akabə lon nɛ̨ɛ̨nu ɓə kɛ ɲəi a nɛ̨ą.

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Tɔɔɓɛlaa veelɛ 8:18

Ə hvilɛn Israɛlə tɔɔɓɛlaa di wɔ túwɔ́ pələ ɲɔ̨n bulu, yɛ bələi kpɔlɔɔ Akabə yəi bɛlɛ́n nuą di wɔɔ túwɔ́ pələ ɲɔ̨n ə kɛ la. Gbala ə tɔɔ, ə Akabə lon nɛ̨ɛ̨nu həɠə a nɛ̨ą. Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə ɲee lɔ ɉu yɛ gɛ.

Korɛntə veelɛ 6:14

Nuąi di hvo laa li Yálá la, ká diɛ ni ka hvo bɛlɛ gee ɓa mɛ̨nį kɛ, gbala ə tɔɔ, nɛ̨ɛ̨laa lə kɛɛ ɓə gaa tələnmomun da hvulumun di lɔwai? Awala kɛ tii, kpɔn nə kɛɛ ɓə kɛɛ pono da kpinį da pɛli naai?

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Kɔlɔnikɔ Veerɛi 18:31

Ya ɓəi gɛ, ɓɛlɔwai kɔ́-wotolo nwun nąmįną di Ɉosafatə kaa la, di kɛi kɛ diɛ: Israɛlə tɔɔmun ga tii. Di nɛɛ mą, di mąątínɛ̨n, əgɛ, di ɉon. Kɛlaa, Ɉosafatə ə tómą, Yai-Laa ə kpɔnmąą tɛɛ bɔ, Yálá ə di ɲɛ̨i tínɛ̨n ə ɉəɠə mą.

Kɔlɔnikɔ Veerɛi 17:12

Ɉosafatə yee kɔ́nwɔ̨n ɉu lɔ ɓə kɛi ɓɛlɛ a yələ kəlee. Ə kɔ́ taaɠaa tɔɔ, da kɔ-kɔ kwɛli hɛnŋąą pui Ɉuda lɔi hu.

Tɔɔɓɛlaa veelɛ 11:1

Yii kɛa Akaziasə nee Atali ə gɔlɔn yɛ non aa haa, ə gɔwɔ tɔɔ yɛ dɔɔ kwəlii lɛapɛlɛɛ kəlee paa.

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa dɔlɔɔ 22:1

Kwɛlan veelɛ yee mu, liilaa ə kɛ nɔi, kɔ́ hvo kɛ Aramə lɔi da Israɛlə lɔi di lɔwai.

Tɔɔɓɛlaa dɔlɔɔ 22:45

Liilaa ə kɛ Ɉosafatə da Israɛlə di lɔwai.

Kɔlɔnikɔ Veerɛi 20:35

Yili pulu, Ɉuda tɔɔmun Ɉosafatə da Israɛlə tɔɔmun Akaziasə di too di kee pɔ. Yili yaan dúwɔ́ pələ ɲɔ̨nwɔ̨ɔ̨i kɛ.