Kɔlɔnikɔ Veerɛi 17:7 - Yálá laawoo hɛɓɛ (dc)

⁷ Nwɔ tɔɔlaa gwɛlan ɉaaɓa yələ, ə kalanɉonŋąą tɔɔ Ɉuda taaɠaa hu, diɛ nuą mąąkwɛli; diɛ ɓaa a: Bɛn-Hailə, Ovadia, Ɉekaria, Netanɛlə da Mikayahu.

Yálá laawoo hɛɓɛ

⁷ Nwɔ tɔɔlaa gwɛlan ɉaaɓa yələ, ə kalanɉonŋąą tɔɔ Ɉuda taaɠaa hu, diɛ nuą mąąkwɛli; diɛ ɓaa a: Bɛn-Hailə, Ovadia, Ɉekaria, Netanɛlə da Mikayahu.

Bible

⁷ Tãi Zeosafa è gɛ̀ la gâloŋ-laai su a kóraŋ saaƃai, è ŋɔtíi kɛ́-ƃelai da-ŋa kùla zu a gɛ́ɛ dí lí dísɛŋ lɛ́ Zuda taa-ŋai su. Ǹûai lì zɛŋ lɛ́ siai ma dia ƃé kɛ̀ a: Bɛŋ-Ali, Obidaya, Zɛkɛraya, Nɛtaniɛ, da Makaya.

Kɔlɔnikɔ Veerɛi 17:7 Referans Kwoze

Kɔlɔnikɔ Veerɛi 35:3

Yɛ lévi lonnii tii kɛ a Israɛlə nuą kəlee mąąkwɛli nuą, yiiɠaai kɛ a di mąąhəɠɛɛ Yai-Laa mąą mɛ̨nį ɓa, yɛ diɛ: «Ə li kɛ, ka li a mįnɛ̨ kəhi mąąhəɠɛɛ, bɛlɛ́i ŋɛ̨i Israɛlə tɔɔmun Davidə lon Salomɔn ə dɔɔ mui, hvo li kɛ a tiɛ̨ kaa ɉəɠə ka kalan ŋą. Yii hu kɛa, 'ka tí ka wɔɔ Yálái Yai-Laa ɓa da ŋą nu huwui Israɛlə lonnii.

Kɔlɔnikɔ Veerɛi 15:3

Israɛlə ə lamun, Yálá kpɔ-kpɔ hvo kɛ ɲəi, haláá laa həli mun və kɛ laa yɛ nuą mąąkwɛli, tɔ́n və kɛ laa.

Gɛlaɠaa 1:1

Nwɛ́li kɛ mąą mun Teofilə, ɉɛɓɛ́ dɔlɔɔi ŋá bɛ̨ɛ̨, ɉu ɓə, gólóɠaai da galanŋaai Jesus ə gɛ, ə həɠə gɔɔ tɔɔi lɔwai ɓa ə həli la yiihu ɓa, gəlee kaa laa,

Markə 4:2

Ə di kalan a mɛ̨nį tamąą hanwon ɉu. Ə kɛi di kalan yɛ kɛ diɛ:

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Ikilisiati 1:12

Ɲą́ą́ Kilimąą mun, ŋą́ tɔɔlaa kɛ Israɛlə nu huwu nwun na Ɉerusalɛmə.

Mąątɛ̨nɛ̨ 51:13

'Hvó bili kwɛa la, 'hvó ə́ ɲɛ̨i lɛlɛɛ həɠə mą́ą́, 'hvo ə́ wɔ Nįį-Mąąhəɠɛɛi kulɔ ɲəi.

Mąątɛ̨nɛ̨ 34:11

Yalaɠaa da hvɛɠɛ, di pulu həɠə, Kɛlaa, nuąi da Yai-Laa kwɛli, di hva hvɛɠɛ a hɛn nɔpee ta.

Nehemi 9:3

Di di muhəɠə, di lɛɛ tɔɔni, di Yai-Laa di wɔ Yálái nwɔ tɔ́n ɉɛɓɛ́i hu woo ɓo diɛ, ə həɠə yələwala pɔ, ə həli la nįŋɛ̨ lon bɛlɛi lɔwai ɓa. Ə həɠə nɔwai tii ɓa, ə həli la hvóló tɛɛ nwun ma ɓa, di pɛlɛɛ Yai-Laa di wɔ Yálá lííla, diɛ hvaa di kɛ nɛ̨ŋɛ̨n ma.

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.

Dutɛrɔnome 33:10

Diɛi tii ɓə da ə́ wɔ yɛnɛ̨ɛ̨ yíi ɓo pələ lɛ Ɉakɔbə ɓa, diɛ Israɛlə nuą kalan a ə́ wɔ tɔ́nŋąąi hon bələ; diɛ ɓə da lansan kələn ə́ lííla; diɛ ɓə da haláá kulɔ yɛ́, yii da gəlee kələn.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Lonon mo 1:8

Isakarə yəi bɛlɛ́n, Suarə lon Netanɛlə;

Levetekɔ 14:42

Di kwɛni takpɛliɠaa həɠə, di yiiɠaa tii mąąhvalin na, di pənə di bɛlɛ́ tɛ a pɔlɔ takpɛli.

Ɛsdrasə 7:25

«Yii ɓaa yɛ́ Ɛsdrasə, yɛ́i ŋɛ̨i Yálá aa kili tɛɛ ə́ pɔ da nwɔ tɔ́n, kiti tee nuą da mɛ̨nį ɓo kɛ nuą, diɛi da Eufratə ya voló tooi pələ nuą kəlee mąą mɛ̨nį hutɔɔ, da nuąi kpɔ ə́ wɔ Yálái nwɔ tɔ́n kɔ́lɔn, nuąi di hvo gɔlɔn, ka di mąą kwɛli mą.