Kɔlɔnikɔ Veerɛi 16:4 - Yálá laawoo hɛɓɛ (dc)

⁴ Bɛn-Hadadə ə hvaa Asa woo ɓa, ə nɛɛ mą ə nwɔ kɔ́kuláa nwun nąmįną tɔɔ, di kɔ́ pɛlɛ Israɛlə taaɠaa diɛ. Di Iyɔn, Dan da Avɛlə-Maimə hon, di bɛlɛ ɓɛi kpɔ, kɔ-kɔ kwɛli hɛnŋąą kaa laa Nɛftali taaɠaa hu.

Yálá laawoo hɛɓɛ

⁴ Bɛn-Hadadə ə hvaa Asa woo ɓa, ə nɛɛ mą ə nwɔ kɔ́kuláa nwun nąmįną tɔɔ, di kɔ́ pɛlɛ Israɛlə taaɠaa diɛ. Di Iyɔn, Dan da Avɛlə-Maimə hon, di bɛlɛ ɓɛi kpɔ, kɔ-kɔ kwɛli hɛnŋąą kaa laa Nɛftali taaɠaa hu.

Bible

⁴ Bɛŋ-Eeda ǹyaŋ è fàa mɛnii ma Gâloŋ Asa è mò mai. Nya ƃe è ŋɔkɔ-kuluƃa da dímɛi-ƃela tɛ̀ɛ dí kɔ́ pɛ́lɛ Eezuɛ taa-ŋai dîa. Daa-ŋai díkɔ pɛ̀lɛ dîai dia ƃé kɛ̀ a: Izɔŋ, Daŋ, Eebɛ-Maiŋ da zãâ-laai kɛ́ taa-lêe-ŋai kɛ̀ Nɛfɛtɛli kpiniŋ sui.

Kɔlɔnikɔ Veerɛi 16:4 Referans Kwoze

Kɔlɔnikɔ Veerɛi 17:12

Ɉosafatə yee kɔ́nwɔ̨n ɉu lɔ ɓə kɛi ɓɛlɛ a yələ kəlee. Ə kɔ́ taaɠaa tɔɔ, da kɔ-kɔ kwɛli hɛnŋąą pui Ɉuda lɔi hu.

Kɔlɔnikɔ Veerɛi 8:6

Ə Baalatə tɔɔ da yee mu taaɠaa kəlee ə gɛ a kɔ-kɔ kwɛli hɛnŋąą pui, da daaɠaa kpɔ tii nwotoloɠaa da ɉoo gilɛ həɠə nuą di kɛ laa; yili lɔ ɓə Salomɔn ə kɛ bɔ, ə pɛlɛ la Ɉerusalɛmə ɓa da Liban, da nɔiɠaa kpɔ tii kɛ ɲee mu.

Tɔɔɓɛlaa dɔlɔɔ 15:20

Tɔɔmun Asa woo tii ə nɛ̨ɛ̨ Bɛn-Hadadə ɓa. Ə nɛɛ mą, ə nwɔ kɔ́kulááɠaa tɔɔ, di kɔ́ pɛlɛ Israɛlə taaɠaa diɛ, di Iyɔn, Dan, Avɛlə-Bɛtə-Maaka kɛlɛ, da Kinerotə taa kəlee, da ɓɛi kpɔ kɔ́ kɔ́ kwɛli hɛn ə kɛ laa Nɛftali.

Tɔɔɓɛlaa dɔlɔɔ 9:19

ə mą kɛ daaɠaa kpɔ tii nwɔ kɔ̨nɔ̨n gələɠaai di kɛ ɉu. Ə mą kɛ da daa yiiɠaai nwɔ wotoloɠaa di kɛ ɉu da ɉooɠaa. Ɓɛi kpɔ nɛ̨ɛ̨ Salomɔn ɓa, ə nąą kəlee tɔɔ Ɉerusalɛmə, Liban lɔi hu, ə mą kɛ nɔi yiiɠaai kɛ ɲee mu.

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Zɛnɛse 14:14

Yii kɛa Abramə ə mɛ̨n diɛ mą daa mąnįn ɉon a kɔluwɔ, Abramə ə ɲee pɔ nuą ŋąąkpɔn, hinąą nwun-ɉaaɓa nu pow kɔ́w mɛ̨ihaaɓa, diɛi kɛ ɲəi bɛlɛ́n, di hvilɛn di yowoɠaa pulu, di li kpɔ di həli Dan daai.

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.

Timote dɔlɔɔ 6:10

Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.

Kɔlɔnikɔ Veerɛi 16:3

«Kɔ mįnɛ̨ kaa gwa yɛ́ gu lɔwai, ə kɛ ə́ nąn da ną́n di lɔwai. Gáá wali da hɛni di tɛɛi yɛ́; gɔ́ mįnɛ̨i ŋɛ̨i gaa ka Israɛlə tɔɔmun Baesa ka lɔwai, 'li, ka daɠa; əgɛ, hvo pa pa hvo kɔ́ pɛlɛ mą́ą́.»

Kɔlɔnikɔ Veerɛi 16:5

Yii lɔ Baesa ə mɛ̨nįi tii bələ mąn, ɉįi ŋɛ̨i ə kɛi dɔɔ Rama taa ɓa, ə kpɛla mą, ə ɲee kulɔ goló hu.

Azaya 9:1

Nuąi kɛi hiɛi kpinį hu, daa kɛɛ pɔ̨nɔ̨ kɛnɛ̨ kaa; nuąi di wɔ lɔi kaa haa nįnįn mu, kɛɛ aa pɔ̨nɔ̨ di mɛ̨i.

Tɔɔɓɛlaa veelɛ 16:9

Asiri tɔɔmun ə ɲee hee Akazə woo mu. Ə pa yaa kpinįi ə kɔ́ pɛlɛ Damasə taa ɓa, ə ɉon; ə ɉu nuą tɛɛ Kirə, ə Resin paa.