Kɔlɔnikɔ Veerɛi 14:4 - Yálá laawoo hɛɓɛ (dc)

⁴ Asa ə nɛɛ mą, ɉali kɔ́iɠaa da ɓɛɠaai di kɛi hɛn gunnɛ̨ɛ̨ kələn nąą, ə nąąɠaa taɠa Ɉuda taaɠaa kəlee hu. Ɉuda lɔi ə kɛ liilaa hu Asa ŋą tɔɔlaai yee mu.

Yálá laawoo hɛɓɛ

⁴ Asa ə nɛɛ mą, ɉali kɔ́iɠaa da ɓɛɠaai di kɛi hɛn gunnɛ̨ɛ̨ kələn nąą, ə nąąɠaa taɠa Ɉuda taaɠaa kəlee hu. Ɉuda lɔi ə kɛ liilaa hu Asa ŋą tɔɔlaai yee mu.

Bible

⁴ È mò Zuda-ƃelai dîa a gɛ́ɛ dí dínâŋ-ni Díɣâlai Yâwɛɛ fɛli dí ŋɔtɔ̂ŋ-ŋai mɛi kaa.

Kɔlɔnikɔ Veerɛi 14:4 Referans Kwoze

Amɔsə 5:4

Mɛ̨nį Yai-Laa ə mo Israɛlə nu huwu diɛ, ya ka, yɛ diɛ: Akɛ ka hvo bɔ ka hvo haa, ɲą́ą́ ɓə mąąnɛɛ ka pa bɔ́.

Mąątɛ̨nɛ̨ 119:10

Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Nehemi 13:9

Yili pulu, ŋą mo, gɛ́ diɛ: «Ka Yálá nwɔ pɛlɛ́ɠaa mąąhəɠə, ŋį́ mo di pa a Yálá yəi bɛlɛ́n ɉɛnɲąŋąɠaa, gɔɓo hɛnŋąą da lansan.»

Kɔlɔnikɔ Veerɛi 33:16

Manase ə tinɛ̨n ə Yai-Laa kɔ́i bɛli, ə liilaa halááɠaa kulɔ da mąąwiɛ haláá. Ə mo Ɉuda nuą diɛ, di tí Israɛlə nwɔ Yálá Yai-Laa ɓa.

Kɔlɔnikɔ Veerɛi 30:19

Nuąi tɔɔ a di nwąnąi di Yálá liiɓa kwɛli, a di nąnni di wɔɔ Yálái Yai-Laa, ə mą kɛ di mąą hvo həɠə li, di pɛli lɛɠɛi ɉɛn mąąhəɠɛɛɠaa diɛ: «Yai-Laa, yai nwɔ mɛ̨nį lɛlɛɛ, ə di mąąhvaalɛɛ!»

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Kɔlɔnikɔ Veerɛi 29:27

Ezekiasə ə mo, di ɉaláá hɛn gələn Yálá kɔ́i. Di di yee pɛlɛ lɔ ɉaláá kulaa ɓa, diɛ Yai-Laa mąątɛ̨nɛ̨ wələ too, diɛ túlu hvɛɛ, diɛ muhee a Israɛlə tɔɔmun Davidə nwɔ hvɛli kɛ hɛnŋąąi.

Kɔlɔnikɔ Veerɛi 29:21

Di pa a nįŋɛ̨ hilɛ mɛ̨ihveelɛ, ɓɛlaa hilɛ mɛ̨ihveelɛ, ɓɛlaa lon mɛ̨ihveelɛ, ɓooli hilɛ mɛ̨ihveelɛ; di gɛ a nɛ̨ŋɛ̨n mąąhvaalɛɛ haláá dɔɔ pɛlɛ́ mąą mɛ̨nį ɓa, gɛɛnąą mąąhəɠɛɛ da Ɉuda lɔi mąą mɛ̨nį ɓa. Yili pulu, tɔɔmun yɛ ɉaláá laa həli nuąi a Aarɔn lonnii diɛ, di ɉalááɠaa tii kulɔ Yai-Laa kɔ́ haláá kulɔi.

Kɔlɔnikɔ Veerɛi 11:16

Nuąi kpɔ kɛ Israɛlə lɔi kɔ́lɔ kəlee, Yai-Laa Israɛlə ŋą Yálá mąą mɛ̨nį ə ɓo di lii pɔ, di hvilɛn lévi lonnii tii pulu, di pa Ɉerusalɛmə, əgɛ, di haláá kulɔ Yai-Laa di nąnni di wɔɔ Yálái ɓa.

Samuɛlə dɔlɔɔ 3:13

Ŋą́ mo mą, gɛ́ mą: Nwɔ pɛlɛ́i kiti tee hiɛ li, nwun na ə pili a yələ kəlee; dúwɔ́ hɔn mąą mɛ̨nį ɓa. Mąąhɔlɔɓo, gili ə kɛ ɉu yɛ kɛ non ɉinąą kaa Yálá ɓɛlɛ too mɛ̨nį kɛi, yaan hvo di hutɔɔ.

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Kɔlɔnikɔ Veerɛi 14:3

Ə mo Ɉuda nuą diɛ, yɛ diɛ; 'ka hvilɛn Yai-Laa ka nąnni di wɔɔ Yálái pulu, ka nwɔ tɔ́n da mąąpamą wooɠaa hon.

Kɔlɔnikɔ Veerɛi 14:5

Ə kɔ́ taaɠaa tɔɔ Ɉuda lɔi hu. Hvo gaai, nɔi ə kɛ liilaa hu, nui lɔpee ta hvo kɔ́ pɛlɛ mą nwɔ tɔɔlaa kwɛlanŋąą yee mu. Gbala ə tɔɔ, Yai-Laa ə hvaamą, nwəli pulu ə lɛɛ a naɠiɛɛ.