Kɔlɔnikɔ Veerɛi 14:2 - Yálá laawoo hɛɓɛ (dc)

² Ɉali kɔ́iɠaa da ɉaláá kulɔiɠaai kɛ nɔi, Asa ə di kulɔ laa, ə nąąɠaa taɠa, ə ɉali mąąnínįɠaa wolo, nwuluɠaai di kɛi gɔ́, ə di pɔn.

Yálá laawoo hɛɓɛ

² Ɉali kɔ́iɠaa da ɉaláá kulɔiɠaai kɛ nɔi, Asa ə di kulɔ laa, ə nąąɠaa taɠa, ə ɉali mąąnínįɠaa wolo, nwuluɠaai di kɛi gɔ́, ə di pɔn.

Bible

² Asa tûa-pere è kɛ̀ a ǹɛ́lɛɛ Ŋɔɣâlai Yâwɛɛ ŋɛi.

Kɔlɔnikɔ Veerɛi 14:2 Referans Kwoze

Tɔɔɓɛlaa dɔlɔɔ 15:14

Kɛlaa, ɉaláá kulɔiɠaa tii di lɛɛ laa. Ə mą kɛ tii, Asa ə túwɔ́ a ɉaŋąą, ə gwəi kwələ Yai-Laa ɓa nwɔ yɛnɛ̨ɛ̨ kəlee yee mu.

Tɔɔɓɛlaa dɔlɔɔ 15:11

Mɛ̨nįi kɛ ɉaŋąą Yai-Laa ɲɛ̨i ɓa, Asa ə gɛ, yɛ bələi galá Davidə ə gɛ la.

Lukə 1:75

Ə gɛ, yaa tii ɲɛ̨i ɓa, ku túwɔ́ pələ ə kɛ yɛ pələi gaa la bɔ ku kɛ a nwɔ nu haŋąaɠaa a hvóló kəlee.

Kɔlɔnikɔ Veerɛi 31:20

Bələ ɓə Ezekiasə ə túwɔ́ la Ɉuda lɔi kəlee hu, mɛ̨nįi kɛ nɛlɛɛ, ɉaŋąą a kwəi kwələ laa nwɔ Yálái Yai-Laa ɲɛ̨i ɓa, ə yili kɛ.

Tɔɔɓɛlaa dɔlɔɔ 15:12

Asa ə ɉaláá wɛlikɛ nuąi tii kəlee kulɔ nɔi, ə nąnnii di wɔ haliɠaa kəlee kulɔ nɔi.

Kɔlɔnikɔ Veerɛi 14:1

Asa ə túwɔ́ a nɛlɛɛ, a ɉaŋąą Yai-Laa nwɔ Yálái ɲɛ̨i ɓa.

Kɔlɔnikɔ Veerɛi 14:3

Ə mo Ɉuda nuą diɛ, yɛ diɛ; 'ka hvilɛn Yai-Laa ka nąnni di wɔɔ Yálái pulu, ka nwɔ tɔ́n da mąąpamą wooɠaa hon.

Kɔlɔnikɔ Veerɛi 15:16

Tɔɔmun Asa ə nee Maaka yee kulɔ ŋą tɔɔ leenɛ̨ą laai hu, Mąąhɔlɔɓo, ə hali pɛli a Asera laa. Asa ə ɉali ɲɔ̨nwɔ̨ɔ̨ mąą nįnįn tii hu yali, ə ɉuwolo-wolo, ə gələn Sedrɔn ɓoloon ɉu.

Kɔlɔnikɔ Veerɛi 21:12

Yələ ta, Yálá kwəi mɛ̨nį hukulɔ mun Eli, ə hɛɓɛ́ tɛɛ mą, yɛ mą: «Yai-Laa ə́ nąn Davidə nwɔ Yálái woo ka, yɛ diɛ: Yii kpɔ hvó gɛ li, hvó hiɛ a ə́ nąn Ɉosafatə kpaalə, hvó hiɛ li a Ɉuda tɔɔmun Asa hiɛ pələ;

Lɛɛ gbɔwɔ ɓa 23:24

Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Dutɛrɔnome 12:3

Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Kɔlɔnikɔ Veerɛi 17:6

Ɉosafatə lii kəlee lɔɔi kɛ Yai-Laa nwɔ pələi hiɛ mɛ̨nį hu; yili ɓə gɛ, ɉali kɔ́iɠaai kpɔ kɛ Ɉuda lɔi hu, da nwuluɠaa kpɔ di kɛi gɔ́, ə gəlee mąą mɛ̨nį kpɛɛ nɔi.

Kɔlɔnikɔ Veerɛi 20:32

Ɉosafatə ə hvilɛn gbɔlɔ nąn Asa ŋą túwɔ́ pələ lɛlɛi hu, hvo kpɛli mąą laa. Mɛ̨nįi kɛ nɛlɛɛ Yai-Laa ɲɛ̨i ɓa, ya ɓə ə kɛi gɛ.

Kɔlɔnikɔ Veerɛi 31:1

Di kpɛɛ a mɛ̨nįɠaa tii kəlee kɛɛ, Israɛlə nuą kpɔ tii kɛ laa, dəli Ɉuda taaɠaa hu, diɛ ɉali mąąnįnįnŋąą wolo, diɛ nɔwɔ ɲɔ̨nŋąą hvala, diɛ ɉaláá kulɔiɠaa taɠa; di di kpɛɛ kpɔ tɛ̨ɛ̨tɛ̨ɛ̨ Ɉuda da Bɛnɉamɛn lɔi kəlee; ə mą kɛ, Ɛfraimə da Manase lɔiɠaa kəlee hu. Yili pulu, Israɛlə nuą kəlee di pənə di li di pɔ taaiɠaa.

Kɔlɔnikɔ Veerɛi 34:7

ə ɉali kɔ́iɠaa wolo, nwuluɠaa di kɛi gɔ́, ə mą kɛ, ɉaliɠaa ə di hu tee-tee, lansan kələn ɉiiɠaa kɛ Israɛlə lɔi hu, ə gəlee wolo. Ə bulu pənə ə pa Ɉerusalɛmə.