Kɔlɔnikɔ Veerɛi 13:9 - Yálá laawoo hɛɓɛ (dc)

⁹ Kɛlɛi kaa ɓə Yai-Laa nwɔ haláá laa həli nuąi a Aarɔn lonnii da lévi lonnii di kpɛ-e! Kaa ka kpɔɔ ɓa haláá laa həli nuą həɠə, a ka liiɓa, yɛ bələi lɔi takpɛliɠaa kaa la-e? Nui lɔpee kɛi pa yɛ ɉaláá laa həli mun naa tii hu hvɛli, a nwɔ taalɛlɛɛi hu nįŋɛ̨ lon dɔ̨nɔ̨, da ɓɛlaa hilɛ mɛ̨ihveelɛ, di kɛi gɛ a ɉaliɠaa tii di hvo a Yálá, di wɔɔ haláá laa həli mun.

Yálá laawoo hɛɓɛ

⁹ Kɛlɛi kaa ɓə Yai-Laa nwɔ haláá laa həli nuąi a Aarɔn lonnii da lévi lonnii di kpɛ-e! Kaa ka kpɔɔ ɓa haláá laa həli nuą həɠə, a ka liiɓa, yɛ bələi lɔi takpɛliɠaa kaa la-e? Nui lɔpee kɛi pa yɛ ɉaláá laa həli mun naa tii hu hvɛli, a nwɔ taalɛlɛɛi hu nįŋɛ̨ lon dɔ̨nɔ̨, da ɓɛlaa hilɛ mɛ̨ihveelɛ, di kɛi gɛ a ɉaliɠaa tii di hvo a Yálá, di wɔɔ haláá laa həli mun.

Bible

⁹ Káfe Yâwɛɛ ŋɔsâla láa-soŋ-ƃelai nyii-ŋai díkaa a Eelɔŋ ǹônii-sinaai da Liiva-ŋai kpɛ́ ní ká kákpɔɔi sala láa-soŋ-ƃela siɣe kánûai-ŋai sáma yɛ̂ɛ lɔi da kpɛ́ni su-ƃela? Núui nyíi kélee a gbîŋ maa wâa a niŋa-loŋ da ƃála-sirɛ lɔ́ɔlu mɛi-feerɛ a kɛ nɔ́ a sâla láa-soŋ-nuu zɛŋ mɛni ma nyíi vé a ɣâla-ŋai.

Kɔlɔnikɔ Veerɛi 13:9 Referans Kwoze

Ɉeremi 2:11

Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Lɛɛ gbɔwɔ ɓa 29:35

Bələ ɓə ə́ kaa pai gɛi la Aarɔn da nonnii di mąą mɛ̨nį hu, yɛ bələi kpɔlɔ tii ŋą́ ə́ tí la, ə́ kaa pai di heei di wɔ kólói hu hvóló mɛ̨ihveelɛ yee mu.

Galatə 4:8

Tɔlɔɔ tɔlɔɔ, ká hvo ni kɛ Yálá kɔ́lɔn, ká kɛ a haliɠaa di wɔɔ luwɔ, a diɛi tii di hvo kpɛli a Yálái.

Gɛlaɠaa 19:26

ɛlɛɛ yaan, ya ka tii ka káá nąą kaai, awala kɛ tii, káá bələ mɛ̨n, hvo lɔ a Efɛsə yaa tɔ̨nɔ̨, kɛlaa Asi lɔi nąą kəlee, Polə aa pili nu kpulu kɛnɛ̨ɛ̨ wəlii a nwɔ kalan nwooi, yai a kɛ la diɛ: ‹Ɲáláɠaai gwa kɛ di pɛlii a gu yee, di hvo a yáláɠaa.›

Osia 8:6

Mąąhɔlɔɓo, ə həɠə Israɛlə pələ, yɛlɛ mun da ɓə bɛli, Yálá hvo li; a tɛ̨ą Samari nwɔ nįŋɛ̨ lon hu kaa ɓuwɔi a gbuɔ kpuɔ.

Ɉeremi 5:7

Ɉerusalɛmə taa! Mɛ̨nį kɛ pələ a kɛ tii, ŋį́ pɛli ə́ mąą hvaalɛɛi ləi? Ə́ lonni daa nɛ́ɛ́ laa, diɛ di kwɛla hali ɓa. Ŋą́ di yee laholon, diɛ di kpɔɔ kɛ a wɛlii kɛ nuą, di pulu tɔɔ wɛli kɛ Nɛ̨ɛ̨nu yee bɛlɛ́ laaləi, diɛ nąą mąąkɔ̨nwɔ̨.

Kɔlɔnikɔ Maa-ŋuŋ 29:5

golóɠaa kpɔ hvilɛn na hɛni ɓa, wali da yɛlɛ koló lɔpee da gɛ di yee ŋą mąą mɛ̨nį ɓa; gbɛɛ ɓə gaa bɔ ə ɉɛnŋąą tii ta laakwɛlanmo Yai-Laa ɓa a naa gwəi mɛ̨inɛ̨ɛ̨?»

Tɔɔɓɛlaa veelɛ 19:18

Daa yiliɠaa di wɔ haliɠaai kəlee kələn, kɛlaa, kɛ ɓə di mo a nu kanŋaa di wɔ yɛlɛ kóló kɛɛ, di ɓo a wuluɠaa, da kwɛni haɠaaɠaa, ya ɓə gɛ, Asiri tɔɔɓɛlaa diɛ di hukala.

Tɔɔɓɛlaa dɔlɔɔ 13:33

Ə mą kɛ tii, Ɉeroboamə hvo ɲee kulɔ nwɔ túwɔ́ pələ ɲɔ̨n ɉu; ə kɛi lɔ ni nuą həɠə lɔ tii nɔi lonnii lɔwai, yɛ di kɛ a haláá laa həli nuą; di wɔ haláá kulɔiɠaai ɓa. Nui lɔpee a kɛ bɔ, di kɛi ɉee a ɉaláá laa həli mun da.

Dutɛrɔnome 32:17

Diɛ haláá kulɔ ɲinɛnŋąą diɛ, diɛi di hvo a Yálá. A haliɠaa di hvo kpɛli di kɔ́lɔn, a pa wɛɛ haliɠaa, diɛi di nąnni di hvo gɔlɔn.

Levetekɔ 16:32

«Nui a nɛ̨ŋɛ̨n mąąhvaalɛɛ kóló kɛ, yaa ɓa ɉaláá laa həli mun; yai da ɉee a nwulɔ mąąhəɠɛɛ, ɉaláá kulɔ mɛ̨nį ɓa, a nąn mąąhvalin. Ə ɉəɠə kwɛlɛɛɠaa kɛ mą, ɉaláá kulɔ həɠəɠaa li.

Levetekɔ 8:2

«Aarɔn həɠə da nonnii, ə́ ɉəɠəɠaa da nwulɔ mąąhəɠɛɛ həɠə, ə́ nɛ̨ŋɛ̨n ɉaláá nįŋɛ̨ hilɛ lon da mɛlaa hilɛ hveelɛi həɠə, ɛlɛɛ, ə́ gbɔlɔi tii nɛɠɛi hvo tɛ li gaa ɉu, ə́ ɉəɠə.

Lɛɛ gbɔwɔ ɓa 32:29

Nąąlɔwai, Moisə yɛ diɛ: «Kaa kpinįi ɓə kaa ka kpɔwɔ hee a Yai-Laa nwɔ nuą, mąąhɔlɔɓo ka hvo ɲɔw li ka lonnii paai da ka kaayɔwɔɠaa. Gɛ́ Yai-Laa ə́ lúwɔ́ too ka kəlee kaa háákələi.»

Lɛɛ gbɔwɔ ɓa 29:1

«Bələi ə́ kaa pai gɛi la yɛ́ Aarɔn da nonnii di hee a nwɔ́ haláá laa həli nuą ə gɛ di lɛɛ lɔ kɛa nwɔ́ kólói hu, bələ ka: Nįŋɛ̨ hilɛ tɔ̨nɔ̨ həɠə da ɓɛlaa hilɛ hveelɛ, yii kpɛɠii hva kɛ diɛ.

Lɛɛ gbɔwɔ ɓa 29:29

«Aarɔn nwɔ haláá kulɔ həɠəɠaai da lɛɛ nonnii yəi bulu, yiliɠaai diɛ doo di kwąną a volói ŋɛ̨i da di mąąti la, diɛ di hee.

Kɔlɔnikɔ Veerɛi 13:10

Ku wɛi, Yai-Laa ɓə a ku wɔɔ Yálá, ɛlɛɛ, ku hvo həɠə li bulu. Ɉaláá laa həlinuąi da kɛ tíi Yai-Laa ɓa diɛ ɓaa a Aarɔn lonnii da lévi lonnii, di kaa di kɛ koló ɓa.

Kɔlɔnikɔ Veerɛi 29:31

Ezekiasə ə bələ həɠə, yɛ nɔi lonnii diɛ: «Ə həli káá! Kaai kpɔ ka yee laa hvɛɛ a Yai-Laa kɔ́ hɛn, 'ka ká mąąlɛɠɛ ɓɛ, 'ka pa a haláá hɛn, a kɔ́ɓo hɛnŋąą Yai-Laa nwɔ pɛlɛ́i mu.» Nɔi lonnii di pa a haláá hɛnŋąą da naa gwəi mɛ̨inɛ̨ɛ̨, nuąi kpɔ di lii nɛ̨ɛ̨i kɛ di kwəi, di kɛi pa a haláá hɛnŋąą da gəlee kələn.