Kɔlɔnikɔ Veerɛi 13:16 - Yálá laawoo hɛɓɛ (dc)

¹⁶ Israɛlə nuą di pu a gilɛ Ɉuda nuą tɔwɔ, Yálá ə Israɛlə lɔ di yee ŋą.

Yálá laawoo hɛɓɛ

¹⁶ Israɛlə nuą di pu a gilɛ Ɉuda nuą tɔwɔ, Yálá ə Israɛlə lɔ di yee ŋą.

Bible

¹⁶ Nya ƃe Eezuɛ-ŋai dípù Zuda-ƃelai yêei, kɛ́lɛ Ɣâla è dítɛ̀ɛ Zuda-ƃelai pɔ.

Kɔlɔnikɔ Veerɛi 13:16 Referans Kwoze

Kɔlɔnikɔ Veerɛi 16:8

Kɛlɛi Nubi nuą da Libi nuą, gɔlaɠai kɛ di yəi ɉu kɛnɛ̨i kɛ-e! Kɔ-kɔ wotolo kpulu, da hoo mɛ̨i nuą kpulu kɛnɛ̨ɛ̨-e! Kɛlaa, yii kpɔ ə́ ə́ kilitɔɔ Yai-Laa ɓa, ə di lɔ ə́ yee ŋą.

Samuɛlə dɔlɔɔ 23:7

Nuą di mo Saulə ɓa, diɛ mą: «Davidə aa li Keila daai.» Saulə ə mo yɛ diɛ: «Yálá aa nɔ ɲéé ŋą, mąąhɔlɔɓo, aa lɔ Keila, ɓɛi naa laa kpulɔɔ.»

Nwun mąąɓo 11:21

Yai-Laa Israɛlə nwɔ Yálá, ə Sihɔn da nwɔ kɔlaɠai kwɛlɛ Israɛlə nuą diɛ, di yee ə tɛɛ diɛ. Nɔi ŋɛ̨i kɛ Amɔrə nuą di kɛ ɉu, Israɛlə nuą di nąą kəlee həɠə.

Nwun mąąɓo 1:4

Ɉuda ə li ə gɔ́ too, Yai-Laa ə Kanaan nuą da Perizi nuą lɔ ɲee ŋą. Di nu waa pow paa gɔ́ hu, Bɛzɛkə daai.

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.

Zasua 10:12

Ɲələi tii Yai-Laa ə Amɔrə nuą too la Israɛlə lonnii yee ŋą, Ɉosue ə mɛ̨nį ɓo Yai-Laa ɓa Israɛlə lonnii kəlee ɲɛ̨i ɓa, yɛ mą: «Hvóló tɔɔ Gabaɔn taa mɛ̨i! Ɲąnin tɔɔ Ayalɔn nɛ̨ŋɛ̨ hu.»

Dutɛrɔnome 3:3

Yai-Laa gu wɔ Yálái, ə Basan tɔɔmun Ogə da nwɔ lɔi hu nuą kəlee lɔ gu yee ŋą. Gu yee ə tɛɛ mą, gu hvo nu ta lɔpee lɛɛ laa a vulú.

Dutɛrɔnome 2:36

Ə həɠə Aroɛrə ɓa, yaai tii Arnɔn yá kwɛlɛ, ə həɠə nwɔ̨nɔ̨ daai tii ɲee lɔwai lɔi hu mą, ə həli Galaadə lɔi ɓa; taa ta hvo kɛ laa, yii gu hvo ɉon. Yai-Laa gu wɔ Yálái aa kɛ gəlee tɛɛ gu pɔ.

Zɛnɛse 14:20

Mąąwiɛ ə kɛ Huwalawala Kəlee Nąmu Yálá ɓa, yai ə́ yowo nwɔ huwalawala too ə́ kɔ́wɔ mu!» Abramə ə nɛɛ mą, ɉɛn ə ɉɔlɔɓo laa, ə bow nąą tɛɛ Mɛlkisedɛkə pɔ.

Kɔlɔnikɔ Veerɛi 13:17

Abiya da nwɔ nuąi di yee ə tɛɛ diɛ kpɔ tɛ̨ɛ̨tɛ̨ɛ̨, di nu waa nwun nɔɔli paa Israɛlə nuą lɔwai.