Kɔlɔnikɔ Veerɛi 13:12 - Yálá laawoo hɛɓɛ (dc)

¹² Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Yálá laawoo hɛɓɛ

¹² Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Bible

¹² Ɣâla káa kúkɔlɛ. Nya ƃe gáa a kúlaa-tuɛ-nuu. Ŋɔsâla láa-soŋ-ƃelai díkaa ƃɛ́ díturii kɛ́ ƃò díyêei a gɛ́ɛ dí gɔ́-tee turii fɛ́ɛ. Eezuɛ-ƃela, káfe kɔ́ pɛ̀lɛ kánâŋ-ni Díɣâlai Yâwɛɛ mà, kpɛ́ni fêi káyee fé pâi lɔ̂ii.”

Kɔlɔnikɔ Veerɛi 13:12 Referans Kwoze

Gɛlaɠaa 5:39

Kɛlaa, akɛ ə həɠə Yálá pɔ, ka hva pɛli ɉu taɠai. Ka gɛ a nɛlɛɛ, ka hvo pa kɔ́ pɛlɛ Yálá ɓa.» Diɛn hvaa nwoo ɓa.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Zakari 10:5

Di kəlee, di kaa pai lii gɔ́ ɓa, yɛ kɔ́kuláá kpəɠiɛɛɠaa, di kaa pai gɔ́ kɔ́i, diɛ bələ pɔ palaya tan. Di kaa pai walai gɔ́ hu, mąąhɔlɔɓo, Yai-Laa kaa pai kɛi di pɔ, ɛlɛɛ, hoo gilɛhəɠənuą ɲɛ̨i kaa pai paai a nwumɛ̨, di wɔ hooɠaai mɛ̨i.

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Izikiɛ 17:9

'Kɛ diɛi: Yai-Laa woo ka, yɛ: Gaa mɔ̨ɔ̨ ɓa lɛlɛɛ ɓoi? Gúwɔ́i ti hvo pai ɉamu kulɔi mu, máɠaa diɛ pɛli yohvai, diɛ kala ɲą? Nwonwo kəlee ka pai kpalai mą, huwalawalamun, da nu kpulu mąą kpaan və pai kɛi nuą diɛ, gulɔ mɛ̨nį ɓa a nwun!

Ɉeremi 50:24

Ŋą́ hɛlɛn dɛ ə́ tɔwɔ Babilonə, ya ka yaa gɔ́ la ə́ tɛɠii, ə́ mąą kali aa ɓo, daa ə́ kaa, daa ə́ hon, mąąhɔlɔɓo, ə́ tɔɔ, yɛ́ kɔ́ pɛlɛ Yai-Laa ɓa.

Ɉeremi 2:37

Ə́ kaa pai kulɔi laa, ə́ yee laa ə́ nwuɔ̨ a nwumɛ̨. Mąąhɔlɔɓo, nuąi yáá ə́ kilitɔɔ diɛ, Yai-Laa tɛɠɛ ɓoɔi di hu. Bələ ɓə ɓáá a kulɔ la yɛ́.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Azaya 45:9

Kpalo ɓaa nu da bɛlimun diɛ dɔɔnwuɔ̨ kɔ́, ləɠi a pɛli mɔ̨ɔ̨ tɔɔi da ləɠi tɔɔmun diɛ woo hukulɔ kɛ? Ɛlɛɛ, yá hɛn da pɛli, mąą hɛn a pɛli kɛi diɛ: «Nui ɲɛ̨i ɲee hvo mą?»

Azaya 8:10

'Ka mɛ̨nį kili tee ka kwəi, ɉu kaa pai kalai; 'Ka mɛ̨nįɠaa ɓo, Kɛlaa, gəlee da lɛɛ a kpɛli, mąąhɔlɔɓo, Yálá kaa ku pɔ.

Mąątɛ̨nɛ̨ 20:7

Yiihu kɛa, gíli kaa ɉu gɛ́: Yai-Laa a yeetɛɛmąąlaa tɛɛ nwɔ nui ə dɔɔ wulɔ lɔ mą, bɔ, a lɛɛ nwɔ pɛlɛ́ mąąhəɠɛɛi mu yələkɔlɔn ɉu, ə nwoo mu hon, a gulɔi a mo ɉu a mamįiyee.

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Zôo 9:4

Nwɔ mɛ̨nį kɔ́lɔn ŋąą kɛnɛ̨i, da nwɔ huwalawala laa, gbɛɛ ɓə a pɛli tɔɔi na, yii hva mąą nu hutɔɔ?

Kɔlɔnikɔ Veerɛi 24:20

Nąąlɔwai, Yálá nwɔ Kilii ə too Yehoyada lon Zakaria hu, ə haŋan nɔi lonnii diɛ, yɛ diɛ: «'Ka ká wəli tɔɔ Yálá woo ɓa, yɛ diɛ: Lə mɛ̨nį ɓa, ka káá Yai-Laa ŋą tɔ́n nwooɠaai mąą kalai? Ka nwun na hvo pai nɛ̨ɛ̨i. Yii kaa ka kili kulɔ Yai-Laa hui, yaa kpɛli, aa gili kulɔ ka hu.»

Dutɛrɔnome 28:29

Hvóló haɠan ɉii lɔwai, ka hiɛ ɓɛ-ɓɛ yɛ ɲɛ̨ipumun, ka hva ka li pələ kɔ́lɔn. Di kaa lɔ pai kɛi di yee pənəi ka hu, diɛ too ka mɛ̨i, nu hva hɔlɔɓo, hvo kpɔmąą tɛɛ ka pɔ.

Dutɛrɔnome 20:4

Mąąhɔlɔɓo, Yai-Laa ka wɔ Yálái ɓə vilɛn ŋąą ka tɔwɔ, yɛ gɔ́ kɔ́ da ka yowoɠaa, yɛ kpɔnmąą tɛɛ ka pɔ.»

Lonon mo 31:6

Moisə ə di tɛɛ gɔ́ ɓa, huwu tɔ̨nɔ̨ nu waa tɔ̨nɔ̨; ə di tɛɛ gɔ́ mɛ̨i da ɉaláá laa həli mun Pinasə, Eleazarə lon; ya ɓə bɛlɛ́ mąąhəɠɛɛ mu hɛnŋąą di kɛ ɲəi, da nuą təli túlúɠaa.

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.

Lonon mo 14:41

Moisə yɛ diɛ: «Lə ɓə ŋɛ̨i ka káá gɛi? Lə mɛ̨nį ɓa ka káá kulɔi Yai-Laa woo mu? Yili hvo pai pɛli.

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Kɔlɔnikɔ Veerɛi 32:8

Asiri tɔɔmun nwɛi, nu kanŋaa ɓə ɲəi, kɛlaa gu wɛi, gu wɔɔ Yálái Yai-Laa kaa gu pɔ. Yaa ɓə a kpɔnmąą tɛɛ gu pɔ, yɛ gu wɔɔ kɔ́i kɔ́.» Ɉuda tɔɔmun Ezekiasə woo tii ə nɔi lonnii liilaa ə di hvaŋąlɔ.