Kɔlɔnikɔ Veerɛi 13:11 - Yálá laawoo hɛɓɛ (dc)

¹¹ Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Yálá laawoo hɛɓɛ

¹¹ Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Bible

¹¹ Ɣele-wala da ɣele-wulii kélee da kéreŋ sala da sɛŋ kúŋ-nɛ̃ɛ sala kùla Yâwɛɛ ma. Da gbóloi làa teƃelei ŋá nyíi maa waai yɛ̂ɛ berei ǹûai tûa-perei káa lai. Díkɛ laŋpoi tɔ̀ɔ nyii-ŋai díkaa laŋpo see-wurii-ŋai a ɣele-wulii kélee. Mɛnii kélee Yâwɛɛ nyíi gáa a Kúɣâlai a mò kûai kwa gɛ̀. Kɛ́lɛ ka kápôlu tɔɔ mà.

Kɔlɔnikɔ Veerɛi 13:11 Referans Kwoze

Kɔlɔnikɔ Veerɛi 2:4

Bɛlɛi gáá bɔ ŋį́ dɔɔ, a kɛ a pɛlɛ kɛnɛ̨; gbala ə tɔɔ, ku wɔɔ Yálái kɛnɛ̨i yálá kəlee ɓa.

Lɛɛ gbɔwɔ ɓa 29:38

«Ɉɛnŋąąi nwɔ̨nɔ̨ mąąnɛ̨ɛ̨ ə́ di kulɔ a haláá, diɛ ka: kwɛlan dɔ̨nɔ̨ ɓɛlaa lon veelɛ həɠə, hvóló tɛitɛi kəlee.

Lukə 1:9

Ya ɓə di di yee lɛ mą a volói tii, yɛ pələi ɉala laa həli nuą da gɛ la a bɔlɔ; ya ɓə kɛ mąąnɛ̨ɛ̨ ə lansan kələn Yálá hee pɛlɛ́ mu.

Izikiɛ 48:11

Ɉaláá laa həli mun Sadɔkə lonnii tii di di həɠə ɉu a nwɔ́ɔ́, diɛi tii lɛɛ nwɔ́ tɔ́n nwooi pulu, di hvo lan Israɛlə lonnii di wɔ lan mɛ̨nįi hu, yɛ bələi Levi huwu hu nuą di lan nai,

Izikiɛ 44:15

«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Izikiɛ 44:8

Bələi kɛ mąąnɛ̨ɛ̨ ka nwɔ́ hɛn mąąhəɠɛɛɠaa hon na, ka hvo di hon ni tii; kɛlaa yaamun, nwɛ̨ąą ɓə ka di hee diɛ nwɔ́ kólóɠaai kɛ, nwɔ́ kɛɛnąą mąąhəɠɛɛi ɓa.

Lonon mo 16:6

Yii mąąnɛ̨ɛ̨ ka gɛ, ya ka: Kore ka ə́ pulu nuą ka ka wɔ lansan kələn ɉɛnŋąąi həɠə,

Lonon mo 9:19

Dulɔ kpinįn a kɛi lamun gələ mɛ̨i, Israɛlə lonnii di kɛi Yai-Laa nwɔ tíɓoɠaai ɲɛ̨i kulɔ, di hva kɛ həɠə laa.

Zɛnɛse 26:5

Mąąhɔlɔɓo, Abrahamə ə nwóó mɛ̨n, ə nwɔ́ tɔ́nŋąąi hon, da bɔ liɛwooɠaa, ə́ nwɔ́ tiɓoɠaa kɛ.»

Kɔlɔnikɔ Veerɛi 13:10

Ku wɛi, Yai-Laa ɓə a ku wɔɔ Yálá, ɛlɛɛ, ku hvo həɠə li bulu. Ɉaláá laa həlinuąi da kɛ tíi Yai-Laa ɓa diɛ ɓaa a Aarɔn lonnii da lévi lonnii, di kaa di kɛ koló ɓa.

Lonon mo 1:53

Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Kɔlɔnikɔ Veerɛi 2:3

ya ka, gáá bɔ ŋį́ pɛlɛ́ tɔɔ Yai-Laa nwɔ́ Yálái ɓa, ə kɛ a pɛlɛ mąąhəɠɛɛ, diɛ hɛn gunnɛ̨ɛ̨ɠaa kələn ɉii laa nií la, haláá hɛnŋąą di ɓo lɔ laani nií la a yələ kəlee da haláá hɛn da gəlee kələn yələwala da yələwulii, a túwɔ́ yələɠaa, ɲąnįn dɔɔ nįnɛ̨ɠaa da Yai-Laa ku wɔɔ Yálái nwɔ hɛli yələɠaa; yili kaa pai kɛi tii a yələ kəlee mɛ̨nį Israɛlə lɔi hu.

Kɔlɔnikɔ Veerɛi 4:20

nabon ɉee hɛnŋąą da nabonŋąą, diɛ lən bɛlɛ mąąhəɠɛɛ laaləi, yɛ bələi mąąnɛ̨ɛ̨ ə kɛ la; ə bɛli a hɛni huwaa.