Kɔlɔnikɔ Veerɛi 13:10 - Yálá laawoo hɛɓɛ (dc)

¹⁰ Ku wɛi, Yai-Laa ɓə a ku wɔɔ Yálá, ɛlɛɛ, ku hvo həɠə li bulu. Ɉaláá laa həlinuąi da kɛ tíi Yai-Laa ɓa diɛ ɓaa a Aarɔn lonnii da lévi lonnii, di kaa di kɛ koló ɓa.

Yálá laawoo hɛɓɛ

¹⁰ Ku wɛi, Yai-Laa ɓə a ku wɔɔ Yálá, ɛlɛɛ, ku hvo həɠə li bulu. Ɉaláá laa həlinuąi da kɛ tíi Yai-Laa ɓa diɛ ɓaa a Aarɔn lonnii da lévi lonnii, di kaa di kɛ koló ɓa.

Bible

¹⁰ “Mɛni a kpera kûa, Yâwɛɛ ƃa Kúɣâlai. Kúfe niî kúyee kula ní mù. Zâla láa-soŋ-ƃelai da tíi kɛ̀ Yâwɛɛ mii, díkaa a Eelɔŋ ǹônii-sinaai. Liiva-ŋai díkaa kpɔŋ mâaa tɛɛ̂i dípɔ.

Kɔlɔnikɔ Veerɛi 13:10 Referans Kwoze

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Kɔlɔnikɔ Veerɛi 13:9

Kɛlɛi kaa ɓə Yai-Laa nwɔ haláá laa həli nuąi a Aarɔn lonnii da lévi lonnii di kpɛ-e! Kaa ka kpɔɔ ɓa haláá laa həli nuą həɠə, a ka liiɓa, yɛ bələi lɔi takpɛliɠaa kaa la-e? Nui lɔpee kɛi pa yɛ ɉaláá laa həli mun naa tii hu hvɛli, a nwɔ taalɛlɛɛi hu nįŋɛ̨ lon dɔ̨nɔ̨, da ɓɛlaa hilɛ mɛ̨ihveelɛ, di kɛi gɛ a ɉaliɠaa tii di hvo a Yálá, di wɔɔ haláá laa həli mun.

Kɔlɔnikɔ Veerɛi 13:11

Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Lonon mo 1:53

Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Zasua 24:17

Mąąhɔlɔɓo, Yai-Laa ɓə a ku wɔ Yálá, Yai kwa ku nąnni ku kulɔ Eziptə lɔi hu nuwɔ pɛ́lɛ́i tii mu. Yaa tii, ə mɛ̨nį ɲɛ̨i kɛnɛ̨ kpɛa-kpɛaa kɛ ku ɲɛ̨i ɓa; yaa tii ɓə ɲɛ̨i ə kɛ kuɔ bələ pɔ ɓɛi kpɔ ku kɛi tɛɛ laa, gəlee mą kɛ, nɔiɠaai kpɔ ku tɛɛ ɉu.

Nehemi 13:30

Ŋą́ di mąąhəɠə, ŋį́ nwɛ̨ą kulɔ di lɔwai, ŋį́ pənə ŋį́ ɉaláá laa həli nuą da Levi huwuhu nuą hee di kɛ koló nwun na, nu kəlee da gɛ koló.