Kɔlɔnikɔ Veerɛi 12:7 - Yálá laawoo hɛɓɛ (dc)

⁷ Gaai Yai-Laa ə mo, yɛ kɛ daa di kpɔɔ maą yɛɛ, Yai-Laa ə mo Semaya ɓa, yɛ mą: «Daa pɛlɛ gɔ́wɔ́ mu. Və́ pai di lɛɛi laa diɛ di hukala. Kɛlaa, ɉu hvo kɛa li, gɛ́ di ɓalo, nwɔ́ liiholi hvo pai ɓɛlai Ɉerusalɛmə mɛ̨i Sisakə yee hu.

Yálá laawoo hɛɓɛ

⁷ Gaai Yai-Laa ə mo, yɛ kɛ daa di kpɔɔ maą yɛɛ, Yai-Laa ə mo Semaya ɓa, yɛ mą: «Daa pɛlɛ gɔ́wɔ́ mu. Və́ pai di lɛɛi laa diɛ di hukala. Kɛlaa, ɉu hvo kɛa li, gɛ́ di ɓalo, nwɔ́ liiholi hvo pai ɓɛlai Ɉerusalɛmə mɛ̨i Sisakə yee hu.

Bible

⁷ Tãi Yâwɛɛ è gàa la a gɛ́ɛ ǹûai da dílii pènei, Yâwɛɛ è lòno Semaiya pɔ́ ǹyɛɛ mai, “Tãi nɔ́ daâ dílii ma fáleŋ, ḿve pâi dísu kalai, kɛ́lɛ ŋa pâi ŋuŋ-ma ƃo loŋ tɛɛi dípɔ. Ḿve pâi ŋálii ŋwânai tɛɛ̂i Sisaki kponoi a gɛ́ɛ é Zerusâlɛŋ kula-maa kɛ.

Kɔlɔnikɔ Veerɛi 12:7 Referans Kwoze

Kɔlɔnikɔ Veerɛi 34:25

gbala ə tɔɔ, daa nɛ̨́ɛ̨́ laa, diɛ lansan kələn haliɠaa diɛ, diɛ hvaa tee mą́ą́ a di gɛ mɛ̨nįɠaa. Nwɔ́ɔ́ liiholi kaa pai pui gɛɛnąą ŋɛ̨i mɛ̨i, hva kpɛla mą.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Mąątɛ̨nɛ̨ 79:6

Nɔiɠaai di hvo ə́ kɔ́lɔn, ə́ wɔ liiɲąnwąnąi yɛɛ di mɛ̨i, ə mą kɛ dɔɔɓɛlaai di hva ə́ mąąwiɛ.

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Kɔlɔnikɔ Veerɛi 34:21

«'Ka li ka Yai-Laa mąąni kɛ, ɲą́ą́ kwa Israɛlə nu kpəli, ə pɛlɛ la Ɉuda nuą mąą mɛ̨nį ɓa, yɛ hvilɛn na ɉɛɓɛ́i ŋɛ̨i di gaa ɉu wooɠaa mąą mɛ̨nį ɓa. Mąąhɔlɔɓo, Yai-Laa nwɔ liiholii hu kɛnɛ̨ɛ̨ ɓə, yaai yɛ ə pu ku mɛ̨i, hvo gaai, ku nąnni di hvo gɛ li di hvo Yai-Laa woo pɔ yii ɓo, yɛ bələi bɛ̨ɛ̨i la ɉɛɓɛ́i ŋɛ̨i hu.»

Tɔɔɓɛlaa veelɛ 13:23

Kɛlaa, Yai-Laa ə Israɛlə nuą ɲɛ̨imąąwɛli kaa, ə ɲɛ̨i lɛlɛɛ hee diɛ, mįnɛ̨ da Abrahamə, Isaakə, Ɉakɔbə ni di ɉəɠə mąą mɛ̨nį ɓa; hvo kɛ bɔ di huwu hvo kpɛɛ, hvo di pili ɲɛ̨ipulu.

Kɔlɔnikɔ Veerɛi 12:12

Pɛlɛi tɔɔmun ə mo Yai-Laa kɔ́wɔ mu, ya ɓə gɛ, Yai-Laa nwɔ liiholii ə kpɛla bələi, hvo kɛɛ kala yɛ bələi ə kɛi pa gɛi la kpɔ tɛ̨ɛ̨tɛ̨ɛ̨; gu mą kɛ moi tii, mɛ̨nį lɛlɛɛɠaa kaa Ɉuda lɔi hu.

Kɔlɔnikɔ Veerɛi 34:27

Yii kpɔ mɛ̨nįi ŋɛ̨i ə lɔ ə́ lii mu, ə́ ə́ kpɔɔ mąąyɛɛ Yálá lííla, ɛlɛɛ, nwooɠaai ɉɛɓɛ́i ŋɛ̨i ɉu, yɛ hvilɛn na gɛɛnąą ŋɛ̨i nuą diɛ, mąn ə́ mo, ə́ ə́ kpɔɔ mąąyɛɛ ɲą́ą́ nííla, ə́ ə́ mąąhəɠə huɓɛla, ə́ wɔlɔ nííla; yili ɓa, ɲą́ą́ gbɛli ŋą́ą́ ə́ woo mąn! Ɲą́ą́ Yai-Laa nwóó li.

Kɔlɔnikɔ Veerɛi 32:26

Kɛlaa, ə mą kɛ tii, bələi mąn ɉu mɛ̨nį kɛnɛ̨ laa tii ə kɛ la Ezekiasə ɓa, yaa da Ɉerusalɛmə nuą di di hɔn gɔlɔn, di di kpɔɔ mąą yɛɛ, Yai-Laa nwɔ liiholii hvo ɓɛla di mɛ̨i a Ezekiasə nwɔ tɔɔlaa yələi.

Kɔlɔnikɔ Veerɛi 33:12

Yii kɛa Manase ə kɛ mɔ̨nɔ̨ hu, ə nɛɛ mą, ə nwɔ Yálái Yai-Laa təli, ə gbɔwɔ mąąyɛɛ kpɔ kɛnɛ̨ nąnni di wɔɔ Yálái lííla;

Kɔlɔnikɔ Veerɛi 33:13

ə wɔlɔ mą. Yai-Laa ə niilaa bɔ, ə nwəli tɔɔ nwɔ nɛ̨ɛ̨mąą woo ɓa, ə pənə ə pa a Manase Ɉerusalɛmə daa, əgɛ, ə nwɔɔ tɔɔlaai kɛ. Manase ə gɔlɔn yɛ kɛ, Yai-Laa ɓə gaa a Yálá.