Kɔlɔnikɔ Veerɛi 12:12 - Yálá laawoo hɛɓɛ (dc)

¹² Pɛlɛi tɔɔmun ə mo Yai-Laa kɔ́wɔ mu, ya ɓə gɛ, Yai-Laa nwɔ liiholii ə kpɛla bələi, hvo kɛɛ kala yɛ bələi ə kɛi pa gɛi la kpɔ tɛ̨ɛ̨tɛ̨ɛ̨; gu mą kɛ moi tii, mɛ̨nį lɛlɛɛɠaa kaa Ɉuda lɔi hu.

Yálá laawoo hɛɓɛ

¹² Pɛlɛi tɔɔmun ə mo Yai-Laa kɔ́wɔ mu, ya ɓə gɛ, Yai-Laa nwɔ liiholii ə kpɛla bələi, hvo kɛɛ kala yɛ bələi ə kɛi pa gɛi la kpɔ tɛ̨ɛ̨tɛ̨ɛ̨; gu mą kɛ moi tii, mɛ̨nį lɛlɛɛɠaa kaa Ɉuda lɔi hu.

Bible

¹² Leoboaŋ kɛ́ɛ a ǹíi maa fáleŋ, Yâwɛɛ è ŋɔlii-wanai su sàa vé Leoboaŋ kula maa kɛ́ ní. Kpɛ́ni fêi è mɛni lɛ́lɛɛ-loŋ kɛ̀ Zuda a maa tãi tí.

Kɔlɔnikɔ Veerɛi 12:12 Referans Kwoze

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Tɔɔɓɛlaa dɔlɔɔ 14:13

Israɛlə nuą kəlee kaa pai ɉaa mɛ̨nį ɲɛ̨i kulɔi, di noo mąąhɔlɔɓo, Ɉeroboamə yəi bɛlɛ́n nuą lɔwai, yaa tɔ̨nɔ̨ gbən ɓə kiliŋąhiɛ lɛlɛɛ ə kɛ gwəi, yɛ hvilɛn na Yai-Laa Israɛlə nwɔ Yálái ɓa, yili ɓə pai gɛi yɛ laa la kámą hu.

Piɛrə dɔlɔɔ 5:6

'Ká ká kpɔwɔ mąą yɛɛ Yálá nwɔ huwalawalalaa yee mu; ə gɛ, ə ka tɛ tɔwɔ ɲələ a ɉəli.

Woolaa 3:42

Kuɔ ɓə nɛ̨ŋɛ̨n ɉəɠə, kuɔ ɓə nwoo lɛɛ, yaan, hvo ku mąąwɛli kaa li.

Woolaa 3:33

Yai-Laa kwəinɛ̨ɛ̨ mɛ̨ni hvaa yɛ a nuą nwumɛ̨ɛ̨, ɛlɛɛ, yɛ mɔ̨nɔ̨ laa di mɛ̨i.

Woolaa 3:22

Yai-Laa nwɔ mɛ̨inɛ̨ɛ̨ɠaa di hva kpɛɛ, nwɔ wɛlikɛmąą yee kɔ̨nwɔ̨n ɉu hva haa.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 6:13

Da nɔi lonnii ɓɛlaɓo ɉu pow, bow nąąi pai kulɔi ɉu, yaa kpɛli a lɛɛ a nwɔ̨n gɔ̨nɔ̨n, yɛ bələi da kpitili da ɓahi di pɔn na, nwungbə lɔ ɓə a lɛɛ, nwungbəi tii, hɛn ɉuwu mąąhəɠɛɛ li.

Zɛnɛse 18:24

Akɛ gbəli hu, tələnmo nuą da kɛ Sodomə daai a nu pow lɔɔli, hvá mɔɔ pɛli daai tii mąąhvaalɛɛi nu pow lɔɔli tii mąą mɛ̨nį ɓa?

Kɔlɔnikɔ Veerɛi 12:11

Tɔɔmun ni pələ tɛitɛi Yai-Laa yəi bɛlɛ́n, gilɛhəɠə nuą di kɛi di həɠə, yili pulu, diɛ pənə diɛ pa a diɛ gilɛhəɠə nuą yəi bɛlɛ́n.