Kɔlɔnikɔ Veerɛi 1:10 - Yálá laawoo hɛɓɛ (dc)

¹⁰ Gɛ́, ə́ mɛ̨nį hukpɛ kili tɛɛ bɔ́ da ɲąąkaa kili, gɛ́ pɛli ɉíɛ pələ ɲɛlɛkɛi nɔi lonnii ɲɛ̨i ɓa. Gbala ə tɔɔ, nu ta lɔpee hva pɛli ə́ nwɔ nu huwu kɛnɛ̨i ŋɛ̨i ɲąąwooɓoi.»

Yálá laawoo hɛɓɛ

¹⁰ Gɛ́, ə́ mɛ̨nį hukpɛ kili tɛɛ bɔ́ da ɲąąkaa kili, gɛ́ pɛli ɉíɛ pələ ɲɛlɛkɛi nɔi lonnii ɲɛ̨i ɓa. Gbala ə tɔɔ, nu ta lɔpee hva pɛli ə́ nwɔ nu huwu kɛnɛ̨i ŋɛ̨i ɲąąwooɓoi.»

Bible

¹⁰ Ye táre da mɛni-ŋa káa tɛ́ɛ ḿbɔ a gɛ́ɛ ŋá ǹûai ŋí mɛi káa la, kpɛ́ni fêi, fa pɔ̂ri ínûa kpulu kɛ́tɛi ŋí mɛi kâai a kɛ̀ táre da mɛni-ŋá káa fé ńyêei.”

Kɔlɔnikɔ Veerɛi 1:10 Referans Kwoze

Tɔɔɓɛlaa dɔlɔɔ 3:9

Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Hanwon 4:7

Kili mɛ̨nį kɔwɔ tɔɔi ka: 'Tɔ́ɔ́ a ə́ nwąnąi ə́ kili kwɛli, 'gwɛli a ə́ yəi hɛn gɔw kəlee, hɛn gaa ə́ yəi, gəlee kwɛlɛ ə gɛ, ə́ nwun gɛ ɉu mɛ̨nį hɔlɔɓo.

Samia Veerɛi 5:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Korɛntə veelɛ 3:5

Ə kɛ ŋɛ̨i kwa pɛli lɛɛi ku kpɔwɔ ɓa, ku kpɔwɔ hvan ɉu, kuɔ pɛli mɛ̨nį lɔpee ta kɛi, yili hvəə, ku hvaŋą a həɠə Yálá yəi.

Mąątɛ̨nɛ̨ 119:73

Ə́ bɛ́li a ə́ yee, ə́ ɉúwala wala, 'gɔ́ a kili, gɛ́ pɛli ə́ wɔ tiɓoɠaai hukpɛi.

Mąątɛ̨nɛ̨ 119:34

Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Lonon mo 27:17

Mąą nu yɛ li, yɛ pa, yɛ ɓo nuą ɲɛ̨i tɔwɔ, yɛ di lɔ, yɛ di kulɔ; ə gɛ, Yai-Laa nwɔ nu kpului hvo pa lɛɛ lɔ yɛ taatɛlɛɛi mɛ̨i kaa mun və mą.»

Dutɛrɔnome 31:2

«Háákələi, gáá kwɛlan aa kɛ a kwɛlan nwun dɔ̨nɔ̨ ɲee hveelɛ; vá kɛa pɛli lɛɛi ɲąąwooɓo laa hu, ə lɛɛ, Yai-Laa aa mo mą́ą́ yɛ mą: ‹Ɉurdɛn yái ŋɛ̨i ə́ kaa gaai, hvó pai deen ɉii.›

Korɛntə veelɛ 2:16

Daɠaa di wɛi gaa a haa kun, yɛ li a diɛ haa pɔ, daɠaa di wɛi, ɓalo kun mə, yɛ li a diɛ ɓalo hva kpɛɛ hu. Gbɛɛ ɓə a pɛli kɛi a góló taaləi tii kɛmun?

Kɔlɔnikɔ Maa-ŋuŋ 22:12

Gɛ́! Yai-Laa ə mɛ̨nį hukpɛ kili tɛɛ ə́ pɔ, ə bɛlɛ nwun gɛ ɉu laa ɓa, ɓɛlɔwai gaa pai ə́ heei la Israɛlə nwun na; əgɛ, ə́ Yai-Laa ə́ wɔɔ Yálái nwɔ tɔ́n naahɔnmo!

Hanwon 8:15

Ɲą́ą́ ɉáálai ɓə tɔɔɓɛlaa da tɔɔlaa kɛ la, ɉáálai ɓə kiti tee nuą da dee la a ɉaŋąą.