Timote dɔlɔɔ 6:6 - Yálá laawoo hɛɓɛ (dc)

⁶ A tɛ̨ą, Yálá mɛ̨nį, dɔlɔ kɛnɛ̨i kpɔ a neelee, a gɛ nu ə gwəinɛ̨ɛ̨ a ɉɛn gaa ɲəi.

Yálá laawoo hɛɓɛ

⁶ A tɛ̨ą, Yálá mɛ̨nį, dɔlɔ kɛnɛ̨i kpɔ a neelee, a gɛ nu ə gwəinɛ̨ɛ̨ a ɉɛn gaa ɲəi.

Bible

⁶ É máŋ kɛ́ ti Ɣâla-mɛni-kɛɛ a lii-laa káa a sɛŋ-sɔlɔ-ƃoɔ kɛ́tɛ;

Timote dɔlɔɔ 6:6 Referans Kwoze

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Timote dɔlɔɔ 6:8

Akɛ kani, kɔ̨nɔ̨n da həɠə a kɛ gu yəi, yili ə gu kwəinɛ̨ɛ̨.

Hanwon 16:8

Hɛn gɛɛ nu yəi tiikpə tələnmolaa hu, hviɛlaɓoɔi hɛn gɔw kɛnɛ̨ ɓa, hvulu yɛnɛ̨ɛ̨ hu.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Filipə 1:21

Mąąhɔlɔɓo, ŋą́ kɛ vúlú kɔwɔ ɲą, nwɔ́ yɛnɛ̨ɛ̨ ɓaa a Kristə, ŋį́ haa, yili kaa mą́ą́ a tɔ̨nɔ̨ kɛnɛ̨ɛ̨.

Hanwon 15:16

Hɛn nogolo kɛɛ nu ɲəi, yɛ ɲɔw Yálá ɓa, hviɛlaɓoɔi, hɛn gɔw kɛnɛ̨ɛ ɓa lii hɛlɛn ɉu.

Mąątɛ̨nɛ̨ 37:16

Ɉɛn goloi tələnmomun ɲəi, vialaɓɔɔ tɛɛ nɛ̨ŋɛ̨n ɉəɠə nuą du wɔ hɛn gɔwi ɓa.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Lukə 3:14

Holahiɠaa di Ɉaan mąąni kɛ diɛ kpɛli diɛ mą: «Lə ɓə mąąnɛ̨ɛ̨ ku gɛ?» Ɉaan yɛ diɛ: «Ka hvo lɛɛ pɛlɛ nu ta ɓa, ka hvo toomɛ̨i hɛn ɉəɠə nu ta yəi. Mąąnɛ̨ɛ̨ ka hvɛla ə ka lii hon.»

Lɛɛ gbɔwɔ ɓa 2:21

Pai Moisə ə mo, ə lɛɛ ɉulɔnui tii pɔɔli. Yili yaan, ə non Sipora tɛɛ Moisə pɔ a nɛ̨ą.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Hanwon 28:25

Nui ɲɛ̨i kulɔ bɔ wɛli kaa mą, a hvaa too. Kɛlaa, nui a gilitɔɔ Yai-Laa ɓa, nįį a hee ɲee kɔ̨nwɔ̨n ɉu ə ɓɛlɛ.

Ɉeremi 35:9

Ku hvo ta pɛlɛ́ tɔɔ li, kuɔ lɔ mu. Ku hvo ta hihɛn ɉi li a ku wɔɔ, ku hva tíi kɛ, kuɔ gɛ.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Tɔɔɓɛlaa veelɛ 6:2

Kuɔ ə́ hvaa mą, kwəli Ɉurdɛn kwɛlɛ, nu kəlee ə wulu hɔlɔɔn dee ku paa la, ku ku hee kələ tɔɔ la.» Elise ə hvaa mą.