Timote dɔlɔɔ 6:3 - Yálá laawoo hɛɓɛ (dc)

³ Nu ta a kɛi nuą mąąkwɛli a kalan bələ takpɛli, awala kɛ a gąnąnŋąą gu Nąmu Jesus Kristə woo huhəɠəənŋąąi ɓa, ɛlɛɛ, da túwɔ́ pələ yii a galan bələ mąą hon,

Yálá laawoo hɛɓɛ

³ Nu ta a kɛi nuą mąąkwɛli a kalan bələ takpɛli, awala kɛ a gąnąnŋąą gu Nąmu Jesus Kristə woo huhəɠəənŋąąi ɓa, ɛlɛɛ, da túwɔ́ pələ yii a galan bələ mąą hon,

Bible

³ À kɛ̀ núu da ŋɔsɛŋ-lɛɛi à kɛ̀ a da kpɛni, nyíi da Kúnuu-namui Zîsɛ Kôrai ŋɔtɔ̃yâ-wooi dífe ǹɛɛ ni é pɛ́lɛ zɛŋ-lɛɛi ma nyíi gáa Ɣâla-mɛni-kɛɛ ŋɔperei mai,

Timote dɔlɔɔ 6:3 Referans Kwoze

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Taitɔ 1:9

ɲee kąnąnŋąą kpɔ kpąą, dɛ̨ą wooi bɛliɛ laa na laa ɓa, mą, yɛ pɛli nuą mąąkwɛlii mą. Yili a kɛ tii, a pɛli ə nuą liɛwoo kɛ, yɛ pɛli dɛ̨ą woo hu həɠəənŋąą ɓa, nuąi da hɛatoo na, yɛ pɛli di hɔn nɛi diɛ.

Timote veelɛ 4:3

Mąąhɔlɔɓo, yələ ta kaa pai ɉəli, nuą wəli kaa pai walawalai, di hva kɛa di wəli tɔɔ tɛ̨ą woo hu həɠəənŋąą ɓa. Kɛlaa, di kaa pai hvilɛn ɉii di kpɔwɔ liiɓa mɛ̨nįɠaa pulu, di wəlii yɛ di təɠən, diɛ di liiɓa mąąkwɛli kɛ nuą tamąą həɠə di bu di kwɛlɛ.

Lomaŋ 16:17

Ną́n nonnii, gáá ka liɛwoo ɓoi, gɛ́: nuąi di kaa a kɔ́wɔ tuwo kwɛni, diɛ ɓɛlaɓo too ka lɔwai, dɛ̨ąwooi di ka mąąkwɛlima daa nɛɛ laa, ka ka kpɔɔ mɛ̨i kaa di mąą mɛ̨nį ɓa; 'ká ka mąą kwɛa diɛ.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Timote veelɛ 1:13

Dɛ̨ą wooɠaai ə́ mɛ̨n nái, ə́ wɔɔ yɛnɛ̨ɛ̨ kɛ pələ kɔɔn mą, laa na laa hu da wɛlikɛmąąlaa hu, Jesus Kristə laa hu.

Timote dɔlɔɔ 1:6

Nu taɠaa daa həɠə bələ lɛlɛɛ tii mɛ̨i, daa di kpɔwɔ lɔ ɓowo hɛatoɔ hu;

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Hanwon 15:4

Nu hvaŋąlɔ woo kaa a yíipoo wulu, Kɛlaa, nui nɛn gaa na hveelɛ, a nu lii yali gwəi

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»