Timote dɔlɔɔ 4:13 - Yálá laawoo hɛɓɛ (dc)

¹³ Gɛɛ və́ kɛ pai, kąnąn Yálá laa woo hɛɓɛ́ kalanŋąą ɓa, yɛ́ nuą liɛwoo kɛ, yɛ́ nuą mąąkwɛli.

Yálá laawoo hɛɓɛ

¹³ Gɛɛ və́ kɛ pai, kąnąn Yálá laa woo hɛɓɛ́ kalanŋąą ɓa, yɛ́ nuą liɛwoo kɛ, yɛ́ nuą mąąkwɛli.

Bible

¹³ Ŋâla-kɔlɔi lóno kpɔŋ su, í Ɣâla-woo ƃó, í sɛŋ lɛ́ é lɛ́ɛ la zu ŋá pá.

Timote dɔlɔɔ 4:13 Referans Kwoze

Gɛlaɠaa 6:4

Ku wɛi, ku kaa ku ɲɛ̨i lɛɛi Yálá hvɛliɛ da Yálá lawoo laa həliɛ ɓa.»

Taitɔ 2:15

Bələ ɓə mąąnɛ̨ɛ̨i ə́ pələ ɓo la, liɛwoo kɛ, ə́ haŋąmąą kɛ a heeɓolaai gaa ə́ yəi. Nu ta ŋɛ̨i hvo tɛɠɛɓo ə́ hu.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Ɉaan 5:39

Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Zasua 1:8

'Gɛ pələ kwɛli mą, dɔ́n ɉɛɓɛ́i ŋɛ̨i, hvó kpəla moɔ ɓa, yɛ́ ə́ kiliŋąhiɛ mą a hvóló da kpinį. Ya ɓə a gɛ ə́ pɛli túwɔ́i yɛ dɔ́n tii hvaa woo. Yili pɔ pələ ɓə, ə́ yee kɔ̨nwɔ̨n ɉu a ɓɛlɛ́ la, ə́ yee yɛ tɛɛ ə́ kɛ mɛ̨nįɠaa diɛ.

Dutɛrɔnome 17:19

Gaa pai kɛi gwɛlɛ yɛ mo a yələ ɓɔ pələ tɛitɛi, ɲíi hvóló kəlee hu. Yɛ mąąkwɛli yɛ ɲɔw la Yai-Laa nwɔ Yálái ɓa, yɛ pɛli dɔ́n ɉɛɓɛ́i tii hu mɛ̨nįɠaa kɛi, yɛ ɉon.

Korɛntə dɔlɔɔ 14:26

Ną́n nonnii! Lə mɛ̨nį ɓə kan mąąnɛ̨ɛ̨ ká gɛ? 'Ka ká ɲąąkpɔn, nu tɛitɛi a pɛli ə Yálá mąątɛ̨nɛ̨ wələ too, ə mɛlaa mąąkwɛli, a wala kɛti, ə mɛ̨nį ta too pono ɲą mɛlaa diɛ, ə hį́iwooɠaa ɓo, ə pɛli ɉukulɔ a nɛlɛɛ. Gəlee ə kɛ kani a gbɔn gəlee tɛ mɛ̨nį tɔwɔ.

Korɛntə dɔlɔɔ 14:3

Kɛlaa, nui a kɛ Yálá kwəi mɛ̨nį hukulɔi, a kɛ ɉukulɔi nuą diɛ, yɛ di tɛ tɔwɔ, yɛ di liɛwoo kɛ, yɛ di hvaŋąlɔ.

Korɛntə dɔlɔɔ 14:6

Ną́n nonnii, gbəli ŋá pa ká pɔɔli, gɛ́ bələ ɓo káá hį́iwooɠaa hu, yili dɔlɔ ɓaa a lə? Akɛ, hvo mɛ̨nį ta tooi pono ɲą, mɛ̨nį kɔlɔnŋąą hvo ɉu, Yálá kwəi mɛ̨nį hukulaa hvo ɉu, hvo mɛ̨nį ta lɛi káá?

Lomaŋ 12:8

Nui nwɛi ɓaa a nuą hvaŋąlɔ, ə ŋąą wala yili ɓa. Nui nwɛi ɓaa mɛ̨inɛ̨ɛ̨ kɛɛ, ə gɛ, kiliŋąhiɛ takpɛli hvo kɛ mą. Nui nwɛi ɓaa nuą tɛnɛn dɔɔ, ə ɲąąwala mą. Nui nwɔ̨nɔ̨ nwɛi ɓaa kpɔnmąą tɛɛi nuą pɔ, ə yili kɛ a gwəinɛ̨ɛ̨.

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.