Timote dɔlɔɔ 3:6 - Yálá laawoo hɛɓɛ (dc)

⁶ Hvo kɛ a nui aa lɔ kalan ɉu a nįnɛ̨, əgɛ, ɲɛ̨ihvalai di naa nąnį tɔwɔ, kpɔwɔ ɲąąkɛnɛ̨ laa hvo ɲɛ̨i wolo, hvo too ɉu.

Yálá laawoo hɛɓɛ

⁶ Hvo kɛ a nui aa lɔ kalan ɉu a nįnɛ̨, əgɛ, ɲɛ̨ihvalai di naa nąnį tɔwɔ, kpɔwɔ ɲąąkɛnɛ̨ laa hvo ɲɛ̨i wolo, hvo too ɉu.

Bible

⁶ Maa-nuui fé kɛ̀ a ǹúui nyíi ǹíi maa-faleŋɔɔ nàa fé niî tûa ni, à wàla kɛ́ ti, gɛ̀ ní maa-nuui a pâi gbîŋ kɛ́tɛ̂i a yoŋka, ǹyaŋ gɛ̀ ní Dɛ̂ƃele a pâi ǹyée mɛi ɣálêi;

Timote dɔlɔɔ 3:6 Referans Kwoze

Timote dɔlɔɔ 6:4

a kɛti, kpɔwɔ ɲąąkɛnɛ̨ aa ɲɛ̨i pu; ɛlɛɛ, mąą nu kaa dɛɠii, ɲɔ̨n gaa mą, yɛ hɛatooi kwɛli, da hvaa kɛ wooɠaa. Yiliɠaa diɛn mə, mɛ̨nįɠaa ŋɛ̨i da kulɔ ɉu: hɛn nwɛlilaa, hɛatoɔ, Yálá lalan nwooɠaa, mɛ̨nį ɲɔ̨n mąą kiliŋąhiɛ,

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Piɛrə dɔlɔɔ 2:2

'Ká ɲįnįyá mąąhəɠɛɛ mąą wɔlɔ ɓo, yɛ lon gaa nįnɛ̨ɠaa, yai a Yálá laa woo, əgɛ, yaa ɉáálai, káá kɛnɛ̨ la ɓalo mɛ̨nį hu,

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Korɛntə dɔlɔɔ 8:1

Yii hvilɛn na huwɔɠaai daa gulɔ a haláá hali ɓa, yɛ bələi gu gɔlɔn na mɛ̨nį tamąą kɔ́lɔn yɛ hvilɛn mą. Mɛ̨nį kɔlɔnŋąą a nu huɲąŋą kɛnɛ̨, kɛlaa, wɛlikɛmąąlaa a nu tɛ tɔwɔ.

Korɛntə dɔlɔɔ 3:1

Nwɛ́i ną́n nonnii, və́ kɛ pə́lə́ ɓo li káá yɛ, nuąi Yálá ŋą kilii yee kɔnma, kɛlaa ŋą́ pə́lə́ ɓo káá yɛ nuąi nu kan gili kaa diɛ, yɛ lɛapɛlɛɛ, Kristə hu.

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Hanwon 29:23

Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Kɔlɔnikɔ Veerɛi 32:25

Kɛlaa Ezekiasə hvo Yálá nwɔ mɛ̨inɛ̨ɛ̨ tii hukɔlɔn mą, ɛlɛɛ, nwɔɔ hu mɛ̨nį kɛnɛ̨ laa mąą mɛ̨nį, əgɛ, di liiholi hee Ɉuda da Ɉerusalɛmə ɓa.

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Tɔɔɓɛlaa veelɛ 14:10

A tɛ̨ą, Amasiasə! Ə́ yee tii aa tɛɛ Edɔmə lɔi ɓa kɔ́ hu, ya ka tii gɛi yɛ́ ə́ nwun dɛ la. Ə́ nwun dɛ-o! Kɛlaa, lɛɛ la ə́ pɔɔli. Lə mɛ̨nį ɓa, ə́ kaa tɔɔi ə́ nwun nɛɛ ɉu mɛ̨nį tɔwɔ, yɛ́ kɛ ə́ Ɉuda lɔi lɛɛ ə́ pɔ nwun na ə pili?.»

Dutɛrɔnome 17:20

Hvo kɛ gaa gbɔwɔ ŋąą kɛnɛ̨i nąn nonnii mɛ̨i, hvo həɠə dɔ́n nwooɠaa pulu, yɛ li mamįiyee mɛ̨i, a wala kɛ tii gɔɓɛ yee mɛ̨i. A gɛ tii, a nwɔ tɔɔlaa voló hu kwɛa gbɔwɔ yəi, dɔɔlaa hu ə nɛ̨ɛ̨ mą da nąn nonnii kəlee.

Dutɛrɔnome 8:14

ka hvo kɛ ka káá ka kpɔwɔ ɲąą kɛnɛ̨i, kaa lɛ̨ą Yai-Laa ka wɔ Yálái ɓa. Yaa tii ɓə ka kulɔ Eziptə lɔi hu, nuwɔ laa pɛ́lɛ́i tii mu.

Zûu 1:6

Ɛlɛɛ, ka kili kaa ɉu kaa, malakaɠaai Yálá ə tɔɔi kɛnɛ̨ tɛɛ di pɔ, di lənə mą; di həɠə Yálá-taa ɓɛi kɛ a di heei kpɔ-kpɔ. Yili ɓə gɛ Yálá ə di yili a yɔwɔn, ə di pili kpinį hu, di lɛɛ laa diɛ giti kpəli tee yələ mąąkpɔn.

Piɛrə veelɛ 2:4

Akɛ malakaɠaa ŋɛ̨i hɔn ɲɔ̨n gɛ, Yálá hvo di ɲɛ̨i mąą wɛli kaa, ə di pili kpinį hu, lɔwa kpon gweaa hu ɉahanąmą, di ɓo laa diɛ kiti teei lɔwai mąą kpɔn.

Timote veelɛ 3:4

a nu ɓowo nuą, di liikələnŋąą di kwəi, kpɔwɔ ɲąąkɛnɛ̨ aa di ɲɛ̨i pu, di liiɓa mɛ̨nį wɛli ə ɓo diɛ, dɛɛ la Yálá nwɛi ɓa;

Lukə 10:18

Jesus ə di woo pulu pənə yɛ diɛ: «Ŋą́ kɛi ɓilihi kaa yɛ həɠə yələi yɛ too yɛ yələgbąnąą.»

Timote dɔlɔɔ 3:7

Hvo kɛli nwɔ̨nɔ̨, yɛnɛ̨ɛ̨ nuą diɛ dɛnɛ̨ a nɛlɛɛ, əgɛ, hvo pa too nwumɛ̨ mɛ̨nį hu, nąnį nwɔ hɛlɛn ŋą.

Danîa 11:12

Ɲeetɛɛmaai tii ɉɛɠɛɛ pələ tɔɔmun a gɛ, a gbɔwɔ ŋąą kɛnɛ̨ yili hu. Kɛlaa, pələ ma a kɔ́kuláá kpulu tamąą paa la, ya hvəi pai yeetɛɛmąą kɛi.