Timote dɔlɔɔ 2:10 - Yálá laawoo hɛɓɛ (dc)

¹⁰ kɛlaa yaamun, di di mąąyili, a túwɔ́ pələ lɛlɛɠaa, yɛ nɛ̨ąąi da di wɔɔ lɛɛ nwoo mu laa lɛ Yálá ɓa.

Yálá laawoo hɛɓɛ

¹⁰ kɛlaa yaamun, di di mąąyili, a túwɔ́ pələ lɛlɛɠaa, yɛ nɛ̨ąąi da di wɔɔ lɛɛ nwoo mu laa lɛ Yálá ɓa.

Bible

¹⁰ kɛ́lɛ, fɛ̂ɛ dí mɛni lɛ́lɛɛ kɛ́ nyíi ǹɛ́lɛɛ̂i nɛyâa mɛni ma nyíi-ŋai da díkpîŋ tòli a Ɣâla-ƃelai.

Timote dɔlɔɔ 2:10 Referans Kwoze

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

M̀ɛni-lɛɛi 2:19

Ŋą́ ə́ kɛ-mɛ̨nįɠaa kɔ́lɔn, ə́ wɔ wɛlikɛmąą laa, ə́ wɔ laa na laa, tíi yá mo, ɛlɛɛ, da ə́ wɔɔ hvaŋąlɔlaa; ə́ kɛ-mɛ̨nį gbɛlamąąɠaa yee tɛɛi dɔlɔɔɠaa diɛ.

Gɛlaɠaa 9:36

Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

Hanwon 31:31

Ka nɛ̨ɛ̨nui tii kɛ koló tɔlɔ tɛɛ bɔ, ɛlɛɛ, gɛ kolóɠaa di naa lɛlɛɛ tɛ daa nąą kɔlɔ kəlee.

Piɛrə veelɛ 3:11

Yɛ bələi Ɉɛnŋąa ti kaa pai kalai la ti, pələi mąąnɛ̨ɛ̨ ka túwɔ́ pələ ə kɛ la, kaa kpinįi kaa gbaɠala kɔ́lɔn. Ɓɛlɔwai ka káá Yálá pa hvóló mąąkpɔn ɉi la, ka ka ŋąą wala, ə gɛ, ə pa a mąą hulaa. Mąąnɛ̨ɛ̨ ka wɔ kanąn Yálá ɓa laa ə ka túwɔ́ pələ mąąhəɠə. Ba hvóló, nwɔ̨n a yələkɔlɔn gələn, hɛnŋąai kpɔ di kaa yələkɔlɔn ɉu di həɠeen.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Gɛlaɠaa 9:39

Ɲąąɓa, Piɛrə ə muhəɠə da diɛni diɛ li. Ɓɛlɔwai di həli la, di tɛ ɲələi pɛlɛ́ hu, galanin nɛ̨ąą diɛ ɓo laa diɛ wɔlɔ, diɛ doogwąną həɠəɠaa da yíi-həɠəɠaai Dɔrkasə ə kɛi bala, ɓɛlɔwai ə kɛ la vulú kɔ́wɔ ŋą, diɛ nɛ Piɛrə ɓa.

Hanwon 31:25

Mąą yiliɛɛ a huwalawala da mąąwiɛ, a giliŋąhiɛ tinąą ɓa, gwəi yɛ nɛ̨ɛ̨.

Timote dɔlɔɔ 2:9

Yii ɓaa nɛ̨ąą di wɛi, di di mąąyili a bɛliɛ ɉu, a nɛlɛɛ, a di mąą hon bələ: di hvo di nwun nɛɠa ɲɛki-yəki hee mą, di hvo hɛnį kwɛli too, awala kɛ tii, wali-kwɛli, da hɛn ɲɛki-yəkiɠaa;

Timote dɔlɔɔ 2:11

Kalan gɛi lɔwai, nɛ̨ɛ̨nu mąąnɛ̨ɛ̨ ə naapilɛ, ə lɛɛ nwoo mu laa kɛ.