Timote dɔlɔɔ 1:5 - Yálá laawoo hɛɓɛ (dc)

⁵ Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Yálá laawoo hɛɓɛ

⁵ Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Bible

⁵ Ǹyaŋ mɛnii ŋí kwa m̀ôi ŋɔsapoi ƃa wɛli-kɛ-maa nyíi a kûla líi maa waa su da kili-ŋa-sia lɛ́lɛɛ e pɛlɛ tɔ̃yâ laa-la mai.

Timote dɔlɔɔ 1:5 Referans Kwoze

Timote dɔlɔɔ 1:19

a laa na laa da kili lɛlɛɛ. Nu tamąą daa di yee kulɔ mu, diɛn, di wɔɔ laa na laa aa lɛɛ yái.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Timote veelɛ 1:5

Laa na laa hu kwɛlɛɛ hələ-tə-təi gaa ə́ yəi, a laa na laai gbɛa kɛ, ə́ mąą Loisə, yəi, yai nwɔ̨nɔ̨ kɛ, ə́ lee Eunisə yəi, ŋą́ gíli hvilɛn mą, náái kpɔ na, ya ka tii ə́ yəi.

Timote veelɛ 1:3

Yálá ŋɛ̨i gáá tíi mą, a gwə́i kwɛlɛɛ, vílɛnŋąą gáláɓɔlɔni pɔɔ ɲą, ŋą́ nwɔɔ mɛ̨inɛ̨ɛ̨ɠaa hukɔlɔn gbɔ kɛnɛ̨, ɉú pələ, ɓɛlɔwai lɔpee, ə kɛ a kpinį, ə kɛ a hvóló, nwɔ́ Yálá hvɛli pələ kəlee, ŋą́ ə́ laa too ɉu.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Piɛrə veelɛ 1:7

Yili pulu, ka nɛɛ laa pɛlɛ ka wɔ Yálá kɔ́lɔn ŋąą ɓa, ka wɛlikɛmąąlaa pɛlɛ ka wɔ nɛ̨ɛ̨laa ɓa.

Lomaŋ 10:4

Mąąhɔlɔɓo, Kristə ɓə a dɔ́n gbɛlai, əgɛ, nuąi da laa na, di tələnmolaa hɔlɔɓo.

Taitɔ 1:15

Mɛ̨nį kəlee mąąhəɠɛɛi, nuą di mąąhəɠɛɛi di ɲɛ̨i ɓa. Kɛlaa, nuą di kɔ́hɔɓoɔ, di hvo bɔ di hvo laa na laa kɛ, mɛ̨nį ta mąą hvo həɠə li di ɲɛ̨i ɓa. Kɛlaa yaamun, di wɔɔ nwun-gɛ-ɉulaa, da di kili ɓə gɔhɔɓoɔ.

Timote dɔlɔɔ 3:9

Mąąnɛ̨ɛ̨ di kanąn laa na laa ŋą tɛ̨ą ɓa a kili lɛlɛɛ.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Mąątɛ̨nɛ̨ 51:10

'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Piɛrə dɔlɔɔ 4:8

Mɛ̨nį kəlee hu, 'ká ká keeni wɛlilakɛ, mąąhɔlɔɓo, wɛlikɛmąąlaa a nɛ̨ŋɛ̨n damąą mɛ̨i kpulu.

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Gɛlaɠaa 23:1

Polə ə ɲɛ̨i hee kpɔ tɔ́n vili nąmįną diɛ, yɛ diɛ: «Nąn nonnii, kiliŋąhiɛ yii kɛ mą́ą́ gɛ́ kólo kɛ la Yálá ɓa, aa lɛɛ la ɉu háákələi yələ aa ɉəli, gaa a kiliŋąhiɛ lɛlɛɛ.»

Mąątɛ̨nɛ̨ 24:4

Nui hɔn ɲɔ̨n və ɲee pɔ, nii hu mąąhəɠɛɛ, hva Yálá kɛ a kɛla lɛɛ mɛ̨nį hu, ɛlɛɛ, hva gwɛla nu ɓowo mɛ̨nį ɓa.

Zɔ̂ŋ Maa-ŋuŋ 3:3

Nui a gilitɔɔmąą laa taaləi tii kɔwɔ hvilɛn mɛ̨i, a gbɔwɔ mąąhəɠə, yɛ bələi Yaa tii a Jesus, mąąhəɠɛɛi la.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Korɛntə dɔlɔɔ 13:1

Ŋą́ ma pɛli hįiwoo kəlee ɓoi, ə mą kɛ malakaɠaa lawoo, akɛ wɛlikɛmąąlaa hvo ɲə́i, gáá lɔ yɛ kwɛlii nwoo kaa ɉu, gɛlɛ tin.

Lomaŋ 14:15

Kɔ̨nɔ̨n yá mįi ə kɛ a ə́ ɓɛlanmun nan ɉɛn, yá mįi, a kɛ tii, hvó hiɛi wɛlikɛmąąlaa hu. 'Gɛ a nɛlɛɛ, ə́ kɔ̨nɔ̨n və, nui Kristə ə haa mąą mɛ̨nį ɓa, nwun na pili.

Lomaŋ 9:1

Kristə hu, tɛ̨ą ɓə gáá moi, və́ lɛɛ kɛi, ŋą́ gbɔ́ɔ́ mąą kɛla hvaaɓo a yili, Kili-Mąąhəɠɛɛ háálai, və́ lɛɛ kɛi.

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Gɛlaɠaa 15:9

Hvo gwa diɛni gu lɔwai laa li kpɔ tíikpə. Laai ŋɛ̨i di mo na, yili ɓə gɛ yɛ di lii mąąhəɠə.

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Maafîu 5:8

Nwun na nɛ̨ɛ̨ nuą ɓaa nuąi di kwəi kwəlɛɛ Yálá ɓa. Mąąhɔlɔɓo, di kaa pai Yálá kaai!

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Hebreu 13:18

'Ká kɛ Yálá hvɛlii kuɔ, mąąhɔlɔɓo, ku kilaa ponoɔi kpɔ a nɛlɛɛ, ku kwəi kwɛlɛɛ, ku kaa bɔ, ku túwɔ́ a nɛlɛɛ mɛ̨nį lɔpee gəlee hu.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Sofoni 3:7

Ŋą́ mo gbɔ́wɔ́ ɓa, gɛ́ kɛ diɛ: «Ɉerusalɛmə, ə́ wɛi, ə́ kaa kiɛ pai mą́ą́wiɛi, ə́ ə́ wəli tɔɔ ə́ hutɔɔ woo ɓa.» A gɛ tii, nwɔ pɛlɛ́i hvo pai pui. Kɛlaa, mɛ̨nį ɓo pələ diɛ tɛitɛi, diɛ mun, di wɔ mɛ̨nį ɲɔ̨n gɛ yee ta lɔ ɓə kɛi pɛlɛi mą.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.